Bhagivont Agnes

Saint Agnes by Domenichino

Bhagevont Sant Agnes hi ek vhodd bhagivont.

Zolm ani jivit

Bhagevont Agnes hi Romachea astik ghoranneant Janerachea 28, 292 eka kristi ghorabeant zolmoli ani kristi totva mullieani vaddli. Tichea nanvacho orth xelli latin baxen agnus. Tem lanuch astana aplem jivit Jezuk bettouvn ankvar ravunk nichev getlo.Jezu aplo novro oxem tem mandtalem.Tem lhanuch astana krista pasot martir koxem melem.Tem fokt 12 vorsanchem aslem.

Bhurgeponn

Taka zaiteo soirokio ietaleo punn tem soglleo soirikio moddtalem.Tanchea modlo eklo odikari Sempronius hacho cheddo aslo. Poilea pautti nakartoch to dusrea pautti soirik gheun ghelo punn Agnesan dusrea pautti soirik nakarli.Kanneo sangtat tea baxen Bhagevont Agnesak uprant xidolkechea ghorant ghatlem zoim tachem ankvarponn milagrini raklem. Tachea bhoglek konnuch vosso nasle punn tea odikariacho cheddo mat taka vibadunk gello tedna okosmat to kudd’ddo zalo, punn Bhagevont Agnesan magnnem korun taka tachi dixtt portun dili.Hi ghoddni odikarian aikona fuddem to dhanvi dhanvi Bhagevont Agnesak xirap ghalit xidolkechea ghorant gelo.Tea merent to Bhagevont Agnesak soddunk sodi punn aplea cheddeak somazant bhairaicho nhoi mhunn tannem eka mukdomak aplea cheddeachea svater ghalunk lailo.Jednam ho mukdom Bhagevont Agnesak uzo lavun marunk sodi. Tedna to uzo lavunk soddi tea lakdank uzo lagona zalo ani Bhagevont Agnesak kainch vaitt zalem nam.Punn uprant ek torsad ghevun tichi gomtti katorli.Oxem Bhagevont Agnes bara vorsanchem astana eka martirachem moronn mellem.

Altaracho Man

Bhagivont Agnesachem moddem Romant purlem.Taka jivexim marlem hem aikun zaitim zannam tottaklim ani hea ghoddnen adim khub pidapid ditale ti antam unnem zale. Bhagevont Agnes mortoch tika rokddoch altaracho man favo zalo ani soglleanchi avddechi bhoktinn ti zali.Ti 21 Janer 304 hea disak meli.Bhagevont Agnesachim addam Sant'Agnese fuori le mura hea igorjent mukkhi altara ponda rakhun dovorleant hi igroz Bhagevont Agnesachea fondda voir bandllea.Tichi toklli Sant'Agnese in Agone, Rome's Piazza Navona hanga vegddi rakhun dovorlea.

Askarinn

Bhagevont Agnes hika ankvar, nirmoll, nitoll, bhagent kam kortoleanchi, moddlolea zodpeachi, mareachea bhurgeanchi, soirigot zalleanchi, bolotkar zallea cheddvanchi askarin oxi mandtat.

Pollieat

Agnes_of_Rome