Calvim

Désh	Bharat
Rajya	Gõi
Jil’lo	Uttar Gõi
Taluka	Bardez
Shaar	Mapusa
Panchayat	Aldona
Gañvcho Panch	David Fernandes
Padavigar	Padri. Anand Da Gama Paes
Purai Zāgo	13520.50 Hectors
Uchai	19 mt (62 feet)
Lôk Sônkya	424
Bhashya	Konk’nni
Véll Kshétra	IST (UTC+5:30)
Pin Code	403523
Vehicle Registration	GA 03

Calvim / ( Konk’nnit: kɑ:lvé) hô ék mannkulôso zuõ Aldonchya Purvék asam. Hô ganv Bardezaché Purvé-xim’er vosIam. Hém Corjuvemché dokxinnék ani Cherãoché uttoré modem sth’oll ghéun asa. Hô ganv Aldonché dokxinn-purvék, tin Kelomet’ranchea ontorak asam. Hô ék Aldonchea vataracho lhanso bhag ani tachea bhugolik karnna’k lagun, taka zuõ mhunn vollok mell’ea.

Bhugolik shruxtivornnon[बदल]

kɑ:lvé 15.58˚N 73.87˚E sth’ôllachér asam. Tachi ôdmasan un’chai 19 mt (62 feet) asa. Tachem havaman uxnnà pradesant asam ani tacho tapman gôrme disani 38 °C gôram ani valsaar, ani thônnayé disani 21 °C asta. kɑ:lvé chār vādeani bhagoilém asam, navank; Bella Vista, Grand Calvim, Piquen Calvim and Mottém tārum.

kɑ:lvé tachea bhugolik shruxtivôrnnônam khatir, taka zuõ mhunncheak bhag mell’la ani tem Moidea-Mhapsa nodiè degèr voslãm, ji Mandôvi nodièk uk,tti zata. kɑ:lvéchè sorbhovtonni põi asat ani ad’lea ka’llar thaun nistèm dhorpak ganvkareãnk adār ditat. kɑ:lvé eké va’tènt Aldonak pulachea adharant zuddlolém asam zalear dusré va’tént Mayém-Bicholim Talukék zudd’lam. Heo põi, Ponjechém Navik vibag sambaltam. kɑ:lvé tin mānso asat jeõ shé’tank ani khaz’nak põichém udok pavoitat. Heo mānso pavnnéchè madhyamint nustekarank Ponjechém Navik vibag samball’pak dita.

Lôksônkya[बदल]

Bharatachea 2011 varsachea lôksônkya prômann, kɑ:lvé 424 mônis rāvtat. Tatuntlé 46 tak’ké dadlé ani 54 tak’ké bailo asat zalear tatuntlé 49 tak’ké dadlé ani 51 tak’ké bailo sak’xar asat. Tatuntlé 9 tak’ké lôksônkya prômann, sôh vorsa sokoil aslolim burgim asat.

Mukhel shāram modem ôntor[बदल]

Kɑ:lvé dôr eka shaarak lagchea ontorar modem asam. Kɑ:lvé põnje kodleam 18kilo meterachea ontorar asam. Mhapxea 10 kilo meterachea ontorar asam ani Bichole 9 kilo meterachea ontorar aasa. Kɑ:lvé adim pasun ek zuõ axilean ani tanchea unnea loksonkhea kallkant aslem.

Purai vattar[बदल]

Kɑ:lvé gauvchi purai vattar 13520.50 hectors asa, tatuntle fokkot 3316.25 hectors zominn 200 gharam bandpank uzzar zalea. Urulli 10205.25 hectors zonmin xetkamma khatir bhagoilam ani lhanso ranti vattar asam. Hea ganvant kaich zominn veparavixim va uddyogi kamank bhagovunk na. Kɑ:lvé lhanso zuo astanam legun hea ganvant sogleo disa dispotteo govjecheo gazali asat. Ho lhanso ganv aldonche motadarsanghecho bhag ani aldonchie panchayatimchea sagllea vevarant vanto ghit aila.

Dhôrm[बदल]

Kɑ:lvé ganvchô 98 tak’ké lôk Kristãnv dhorm palltat. Hea ganvchi firgôz Sant Sebasteãnvank bhèttoili asa. Hea ganvchea vattarantlim chār kopélam veg-vegllea Santank bhettoilolim asat, navank; Immaculade Conceçaõ, Saõ Juaõ, Bhagivont Khuris ani xezarchea Ponolém ganvant Pénha de Frānça. Kɑ:lvéché firgôzék, 1980 vorsa Aldonchea vattarant firgôz mhunn maan méllo. Hea addim ti poilim ék kopél asli ani kãi vorsanchea ontoran hea ganvant ximitèr bandun kaddli, tachè adlim morna Aldonchè ximitèrint zait aileant.

Hér suvatô ani jinnéchi pod’dot[बदल]

Hè firgôzèchea ôdikarachém; somaz mōndolant, Sant Do̒minic Saviocho khèll mōndol asam, téch porim kurai kōchèri, u:p-bolaiki Kèndra, ani bank, teach ghorant asat. Kãi vorsam fatthim hea ghorant bālvadi choltali, punn atam bhurgeãnk dusrea Aldonchea iskolani bhorti kel’lya karnnak lagun hi bālvadi bond udoilea. Hèm firgozèchem somaz mōndol aiz lègun ganvchea ani firgozèchea somajik mellaveãnk somborombnnècho adhar zaun asa. Sant Do̒minic Saviochea khèll mōndolak ék footballachem moidan asa, taka patlea vôrsani kai suddharnna keleãnt ani ek lhanxi vatika bhurgeank khellpak bandun kaddlea.

Kɑ:lvécheo nagriki gozali Aldonche panchayatin nõnd keleo asat. Kɑ:lvé ganvant bāzar nashilean adim-pasun lôk ganvchi pikavoll ghèun vikrék Mhap’xieãm bāzarak vetat ani teach bāzarant novea vostumchi khoridi kortat. Kɑ:lvé ganvant so̒d’dea dôn posré ani dôn bar’rãm asat, ani thõisor sanzchea vellar ganvche dadle disunk yétat. Kɑ:lvé ék zuo axileãn taka sorkari udkachi sōi, tele-phône ani bizzli Bichole taluként sauñ pat’toili asa.

Itihas[बदल]

Kɑ:lvéchea lokani Aldona pol’todd marcheak, po’ñeo ani tarricho vapor 1984 vorsa meren kel’lo ani hea vorsãm uprant Kɑ:lvé ganvant poilèch favtim ferrychi seva suru zal’li. Ferryché sevént ganvchea soglea lokank bhorpur modot ekunntis vorsãm, novo pul bandun kadisor keli. Ferrichi seva dhôr vellar sarki naxilean ganvchea lôkank khub kôx’tt kadchem podlôle. Novea pullcheo orjiõ astanam, com’nidadché zomnniché add’kollink lagun, bandkam suru zaunknaxil’lem. Ott’ra Febrérache boxi’che goddnuké uprant novea pulacheo vatto sorkaran novean uk’thaileo. Hea op’gatan sô monxãncho prann kadlo, tanché modem chār iskolachim bhurgim legun aslim. Hé goddnuként purai ganvank toxench Gõiank ani hèr goikarank sõnvsar bhôr dukhan bhorlim.

Novo Pul[बदल]

Kollav kori nastanam sorkaran bego-beg pulachèm bandkam suru kelèm ani oktubrachea tèra tarker 2013 vorsa pulachi uk’tavnni zali. Hea pul’an atam, Kɑ:lvé gãnvank, purai Bardez vattarak zoddun dilam. Kɑ:lvécho lok gãnvam bhair paõl marpak, boxiché yèradaricher adaril’lo asa. Boxiñcho vell yèradari khatean tharail’lo asa ani heo boxi Aldona-Moid’dea marga voileãn Mhapsa voitat.

Somajik Jivit[बदल]

Kɑ:lvéchè purvoz shet’kar asle. Goi mukti uprant Kɑ:lvécho lôk boro e̒s mellch e̒ āxent vidèshant kamak laglo. Hea vattarantli xetam adunik sadnacho vapôr kortat, zôxem ki paddeancho-nãgôr ani hatin luvnni. Novẽo sõrkari suvidayo axil’lean legun lhu-lhu hea gãnvche̒m xetkam nox’tt zait-gelam, karann vavradi unne̒ zaleat ani rôilole̒m varyẽm ani xetam, ganvchim gorvã nāx kortat. Kodd’xeãcher xèt rôvop pat’lea challis vorsank sodun dillam.

Nuste̒m dhorop, ho ekuch porãmporik dhõndo vorsank sãnvn chollun aiel’lo asa. Hea zuveãnk doryache̒m udok samball’pak tin mānso asat. Heo mānso põink udok pavoita ani gãnvchea lokank nuste̒m dhôrpak soyeg dita. Kɑ:lvé ganvant tin bàkeri asat jeo hea ganvãnk ani xezarchea ganvãnk pavtat. Her zanavoram zoxe̒ paddè, gāi, bok’ddeõ, kombyõ dhon’deak posleant. Him gôrvam e̒k somajik pi’dda zal’lim asa ani tankam lagun gãnvkarank xe̒tam sodchim poddleant karann him gôrvam xe̒tacho nāss kortat.

Kɑ:lvé ro̒ton aboleãnchea fulanche̒ pikavollik nav-vazte̒m asam ani tanche jhèle Mhapsa, Bichole̒ vikrek vetat. Hea ganvchi mukhell pikavoll Bhāt. Royilea bhatachè prakar oshe asat; Jyoti, Kôran’guttë ani jire̒sār. Thoñdaye disani her pikavoll mellta zoxe̒m; Môsuri mirsang, kande̒, mullo, nāb, halsāndé, mérulé, vāl, tābdi bhāji, xeõpiã bhāji, kōnngi, Bénddo .adi. Hi sogli pikavoll ganvcho lôk khatat ani xezarchea bazrakui vhortat. Kai vorsãm fattim mānso ani band sarkè korpachi kallji gheunknaxil’lean Kɑ:lvéchem khazon pidd’ear zaunk paulem.

Somajik Somboromnneo[बदल]

Mayache̒ 15 tarker Sant Sebasteãnvachem fe̒st soglea gãnvchea lokank ghôra portun hadd’ta. Vidèxant kām korpi soglèm ganvche put-dhuvô hea festak hajir astat. Hea fe̒stak vhoddè umedin ani khoxiẽn muzgām lãun Sant Sebasteãnvanchi murti pursanvan ganvank bhovddaitat. Anik ek fe̒st jem ganvank ekttaitam te̒m mhollear Sāo Juão, jem poramporik torean dôl tãnchém ani songitam ganvum bãint uddki marun somboromtat.

Nãnv-vazte̒ Lôk[बदल]

Mr. Robert de Calvim (Zolmola: 3rd Nov 1955), ho ek nãnv-zodlolo kãntorist, tiatrist, kantaram ani tiatr borovpi zo fattleam 47 vorsank pallkar apli kola sador korit aila.
Mr. Mathew Fernandes (Big Mac)’ ho ek songitkar zo apli kola songitan and vazovpan prostut korta.
Mr. Trafford Gregorio D’souza, ho ek nanv-vazto vokil zanne fatleam 13 vorsank apli seva choloilea.

Hea ganvchea man’nak sô padvigar asat, zanchi nanvam sokoil boroil’lim asat.

Fr. Basil Fernandes SFX

Fr. Custodio Fernandes SFX

Fr. Brian Fernandes SFX

Fr. Bruno Fernandes SFX

Fr. Mario Travaso Arch Diocese of Goa

Fr. Diego Paul Fernandes MSFS