Fatima Saibinn Porob

विकिपीडिया कडल्यान
हुपून वचात: दिशा-नियंत्रण, सोद
The Blessed Jacinta and Francisco Marto in the apparitions in Tui, Spain, where the Consecration of Russia was said to be requested.
Lúcia Santos (left) with her cousins Jacinta and Francisco Marto, 1917

प्रारूप:Main article

Page from Ilustração Portuguesa, 29 October 1917, showing the people looking at the sun during the Fátima apparitions attributed to the Virgin Mary

Fatima Saibinn Porob[बदल]

Visvea Xekddeantlo khubuch bhiranticho kall zaun also. Sonvsarik poilem Vixv zhuz choltalem. Hem zhuz Julay-ache 28ver 1914 vorsa suru zaun Novembrache 11ver 1918 vorsa somplolem. Itihas sangta tea pormonnem hea zhuzant 9 milhanv (90 lakh) zhuzari ani 7 milhanv sadho lok somplolo. Hea bhirankull kallant Mayache 13ver 1917 vorsa Fatima Saibinnichea poilea disnneachi khobor posorpak lagloli.

Vixv zhuzachea tisrea vorsa Mayache 13ver bhurgim Lucia Dos Santos, ticho Bapul bhav Fransisk ani bapul-bhoinn Jacinta Marto sodanchem porim aplea xellyank Cova da Iria mhonnttat thoinsor chorvak gheun ghelolim. Xellyank chorvak soddun, tim khellpak gul’l astana auchit dhortorechem chitr eke vegllech toren bodol’lem. Bhurgeank dislem atam ghora portolear borem mhonn ani tim dongurle-velim denvonk laglim. Denvtana eka pananim bhorlolea zhaddache tenkxer dhovihful angostram nhesloli ek ostori tannim polleli. Tichem rup suria-von porzollit aslem. Tichea angantlean vivid rongachim kirnnam bhair sorun tea bhurgeanche dolle dipkovle. He ostoren tea bhurgeam lagim maglem fuddle sov mhoine pasun dor mhoineache 13ver tea zagear yeun apli bhett gheunk maglem.

Ostoren maglolea pormonnem Jun ani Julay-che 13ver tim thoinsor gelim ani tichem dorxonn tosoch sondex ghetlo . Ters-rozar korunk tinnem bhurgeank sanglem. Agosteahe 13ver mat tankam thoinsor vochunk zaunk nam. Karann tea disa Villa Nova de Ourem he nogorpalikicheaodheokxan tankam vichar-pachar korunk apoun velolim. He nogorpalike khala Fatima ganv poddttalo. Bhurgim kitem sangtalim tem odhikari mandun ghenasle. Haka lagun tannim bhurgeank thoinsor vochona zaunk domki dili, mar-pett kelo, bondkhonnint ghatlim punn Deva-velo bhavart tannim thirayen samball’lo. Tankam soddlea uprant Agostache 19ver Valinhos mhon’nolea zagear aplea xellyank chorvak gheun gelolim astana eka zhaddache tengxer adlech porim Saibinn Maim hajir zali.

Septembrache 13ver odmasak 30,000 lok tanchea sangata ektthaim zaun Cova da Iria gelim. Thoinsor tannim ters-rozar kortoch Saibinn Maim dixtti poddli. Hea disa tinnem hajir asloleank aso sondex dilo. “Mhaka zai tumi Otubrache 13ver hangasor ailolim. Ters korpachem bond korinakat. Otubrant, Jezu, Dukhest Saibinn, Carm Saibinn ani Sant Juze Ballka Jezuk gheun sonvsaracher axirvad ghalunk yetolim.”

Otubrache 13ver 70,000 voiruch loka sangata bhurgim sodanchea zagear ektthaim zaun ters rozar kortana Saibinn Maim adlech porim dixtti poddli. Apunn Ruzai Saibinn mhonnn tinnem bhurgeank sanglem. Hea disa tinnem kaim sondex bhurgeank dile. Chalu asa tem vixv zhuz somptolem. Hivui khatri tinnem bhurgeank dili. Itlean suraichem vhodd vismit ( Miracle of the Sun ) ghoddlem. Tinnem suria vatten aple hat ukte kele ani tantuntlean dolle dipkaupi uzvaddachem kirnnam bhair sorlim. Thoddo vell sogllo vatthar xant ani ogeponnan urlea uprant porot surya bhair sorlo. He pavtti to akaxantlo bhair soron lokacher poddtta koso dislo. Soglleancher kampero suttlo ani bhiyeun sogllim dimbyer poddon Devakodde kaklut magonk laglim. Mozgottim bhurgeanim dhovim angostram nheslole eke ostorek ani St. Juze Ballka Jezuk gheun aslolim pollelim. Tannim sonvsaracher axirvad ghatlo. Tea uprant tannim Dukhest Saibinniche kuxik ravun Jezu sonvsaracher axirvad ghalta to pollelo. Pausachea udkan lokachea angar aslole kopdde bhizon asle te sarke suklole lokan pollele.

2017 vorsa, Mayache 13ver Saibinn Mainchea poilea disnneak 100 vorsak bhortat. Fransisk Junhache 11ver 1908 vorsa zolmolo ani Abrilache 4ter 1919 vorsa somplo. Jacinta, Marsache 11ver 1910 vorsa zolmolem ani Fevreracher 20ver 1920 vorsa somplem. Tim bhurginch astana Devadin zatolim mhonn Saibinn Main sanglolem. Toxench tinnem sanglolea pormonnem Lucia ek lamb jivit jiyelea uprant Fevrerache 13ver 2005 vorsa sompli. Ticho zolm Marsache 22ver 1907 vorsa zalolo. Ti somplea ten’na tika 97 vorsa aslim.

"https://gom.wikipedia.org/w/index.php?title=Fatima_Saibinn_Porob&oldid=169398" चे कडल्यान परतून मेळयलें