Fuddareanchem Pustok
| |
Romi
|
|
Book of Judges
Fuddareanchem pustok tin barik-mottea vibhagamnim vanttlam :
I: Prostavna Ovesvor 1/1-2/5
II: Pustokacho mukhel bhag Ovesvor 2/6-16/31
III : Don purvonnam, poilem mhollear Danitkar dusrea zagear ravunk vetat ani Dev-Sthan bandtat, (polle ovesvor 17-18). Dusrem mhollear Gibeah-ant zalolea khuna pasot, Benjaminacher zhuz kortat tea vixim . (polle ovesvor 19-21)
Pustokachea mukhel bhagant Fuddareancho itihas vachunk mellta (2/6-16/31). Povitr Pustokache Zannar hea Fuddareank, vhoddle Fuddari (Major) ani Lhan Fuddari (Minor) – oxem mhonnunontor kortat.
Vhoddle Fuddari (6) he porim : Othniel, ehud, Barak (aniDeborah), Gideon, Jefthan ani Samson. Hancheo soggleancho kornneo bariksannem sangleat.
Lhan Fuddari (6) he porim : Shamgar, (3/31); Tola ani Jari, (10/1-15); Ibzan, Elon ani Abdon, (12/8-15) Hanchi choddxi khobor korunk na.
Vhoddle Fuddari porjechi suttka kortat tanche vixim zaiti onto rasa ; tancho oromb, tanchem vhoddponn ani kornnio khub toren veglleo asat. Punn soglleank ek vixeshtai asa ti mhollear : tankam kherit kurpa mell’llea, ek vorgunn mell’lla. Suttka korpachea karia pasot Devanuch tankam venchun kaddleat.
Lhan Fuddari mhollear Tola, Jair, Ibzan, Elon ani Abdon hanche vixim chodd mahiti na. tannim konnachi tori suttka kelea mhonn mellona. Tancho oromb, tanchea kuttumbachi khobor ani tankam khoinchea zagear purleat, itlem mat boroilolem mellta.
Israelitank, hea pustokacho mukhel sondex ho :
Lok odhormi zalolean Devan piddapidd dhaddun tankam Xikxa dili ani jedna tim Deva sorxim portolim tedna tankam zoit favo zalem. Sirakachea Pustokacho borovpi Fuddareanche thiraie pasot tankam vakhannta (polle Sir. 46/11-12). Toxench Hebrevank boroilole chittint, tanchea bhavarthak lagun ies mell’lla mhonn dakhoita (polle Heb. 11/32-34; 12/1).