Guru Dutt

Vasanth Kumar Shivashankar Padukone (9 Julh 1925 – 10 Outubr 1964), chodd famad Guru Dutt, nanvan ek Bharoti film digdorspi, nirmovpi ani kolakar aslo ani 1950 and 1960 chea obhizat filma zoxe porim Pyasa, Kagaz Ke Phool, Sahib Bibi Aur Ghulam ani Chaudhvin Ka Chand. Chodd korun, Pyasa and Kagaz Ke Phool him sogllea vellachea filma modem Time masikachea "SOGLLEA -VELLANT" 100 boreantlea filmanchea volleri modem[1] ani 2002 vorsantlea Sight & Sound ttikekar ani digdorspeanchea venchnnukent,[2] zantunt Dutt hanchoch sogllea vorsantlea boreantlea film digdorspeam modem somavex asa vhodd manpant ietat .

2010 vorsa , taka CNN hachea “voilea 25 Asiai sogllea vellachea kolakaram modem” tacho somavex zala"..^[1]

Kaveachea ani kolechea filmank to chodd famad aslo. 1950 vorsanchea Hindi sinemak, ani tachea vepari vistar korpant, zachi tachea 1957 vorsantlea film Pyasa vorvim survat zali taka sor kelear hem disun ieta. Tachea uprantlea vavracho somprodaien pattlav zala. Tachea filmank dakhoilolea favttim chodd korun Germany, Frans ani Japan desamni pollovnk bhorpur gordi zata..^[2]

Adlem jivit ani fattbhuim

Guru Dutt hacho zolm 9 Julh 1925, Bangalore-ant zalo. Tachem niz nanv Vasanth Kumar Shivashankar Padukone punn tem Guru Dutt nanvan bodolpant ailem zachem karonn ek bhurgeponnar zalolo obsoeg zavn asa,ani ti ek dharzonneachi nivodd mhonn sotmanpant ieta.[6] Tacho avoi bapui adim Karvar rabito kortalim punn uprant dusre kodden ravpak gelim.Duttan aplem survatechem bhurgeponn Bhowanipore-ant kaddlem[7]Tachi bhoinni Lalita Lajmi ek famad Bharoti rongovpi zavn asa [8]. Tachi dhuvddi Kalpana Lajmi ek famad Bharoti film digdorspi, nirmovpi ani pott kotha borovpi asli^[3]

Karkird

Adli karkird

Apnnank telephone operatorachi nokri Lever Brothers karkhanneant Calcutta mell’llea mhonn Duttan ghora tar kelo ki. Punn rokhddench taka tea nokre dhadosponn na mhonn disun ailem ani tannem ti soddli. Uprant to aplea avoibapaichea sangatak Mumboi 1944 vorsa ravunk gelo.

Punn, tachea tivan taka ek nokri melloili ji eka tin vorsanchea kontrad zo Punnechea Prabhat Film Company kodden 1944 aslo. Ho ek poili film kaddpacho kendr aslo zannem boreantlo boro fixalkaiecho monis V. Shantaram tankam soddun gelolo pollelem, zannem apli khas prostuti komponi Kala Mandir sador keli. Prabhat Film Company hanga Duttachi don monxam kodde bhett zali je tache bore ixtt jivit bhor asle zanchim nanvam kolakar Rehman ani Dev Anand zavn asat.

Dutt-an Sri Krishnachem Chand filmant1944 vorsa ek lhan patr kelem. 1945 vorsa, obhinoi korun tannem Vishram Bedekar haka digdorxonant Lakhrani filmant mozot keli , ani 1946 vorsa tannem palvi digdorspi ani nach digdorspi koso P. L. Santoshichea Hum Ek Hain filmant vavurlo.

Ho kontrad 1947 vorsa somplo, punn Dutt'ache avoin taka ek mukt adhari koso Baburao Pai, Prabhat Film Company and Studiocho CEO sangata vavurpak dhaddlo. Punn, tea uprant, sumar dha mhoineamni, to bekar urlo ani aplea kuttumba sangata Mumboint Matunga vibhagant ravlo. Hea vellar, Dutt-an Inglix borovpant zannvai zoddli ani The Illustrated Weekly of India, ek thollavi satalleache Inglix nemalleak mottveo kannio borovpak laglo.

Nach digdorspi, kolakar ani palvi digdorspi

Zorui Dutt-ak Prabhat Film Komponen ek nach digdorspi koso bhaddean ghetlolo,punn taka obhinoi korpachi ani palvi digdorspeachem kam dilem. 1947 vorsa, Prabhat-ak opies ietoch, Dutt Mumboi portolo, zoim to tea vellachea famad digdorspeam sangata kam korunk laglo je zavn asle Girls' School filmacho Amiya Chakravarty , ani Bombay Talkiesachea Sangram filmacho Gyan Mukherjee . Uprant,Dev Anand-an taka kam aplea nove komponent digdorspeachem kam dilem ani te komponechem nanv, Navketan aslem aplem poilea filmank opies ailea uprant.

Duttachem poilem film, Navketanachem Baazi, 1951 vorsa sador zalem.Tem 1940 vorsantea Hollywood filmachea xoilik zantunt noitik duvarthi nott, kaide moddpi jolpori ani savllechea viz vevosthek argam divpi zavn aslem

Zor Dutt ek film toiar korit zalear, tannem Dev Anandak mukhel nott koso ghevpacho, ani zor Anand film prostut korit zalear to Duttak tacho digdorspi kortolo, oxe eke koblaticher, Dev Anand ani Dutt pavlole. Anandan magir Duttacho upeog aplea Baazi filmant kelo, ani Dutt-an Anand-ak C.I.D-.nt ghetlo. Duttachea mornna uprant, Anand-an mhollem "To ek tornnatto aslo, tannem khontichim filma korunk favo naslem. "^[4]

Dutt ani Anand he don chodd lokprio film Baazi, ani Jaal sangatan korpache. Dutt, ani Chetan Anand(Anandacho vhoddlo bhav) zovui ek digdorspi aslo, hanche modem sorjonxil motbhed uprasun fuddlim prokolpam avghodd kelim.[ul'lekh zai]सांचो:Fix/category^{[citation needed]}

Digdorspi koso

Baazi ek iesvont film zalem. Dut-tan uprant Jaal ani Baaz filmani pattlav kelo. Donui filmam bori zodd korunk pavunk nant punn tannim Guru Dutt pongodd sangatak haddlo zannim budvontkai fuddlea filmani dakhoili. Johnny Walker(fokanner), V.K. Murthy (fottografor), ani Abrar Alvi (borovpi-digdorspi), heram modem hancho tannem sod lailo ani tankam xikovp dilem, . Taka Waheeda Rehman-ak Hindi cinemant haddpak xroi divpant ailam. Dutta-n digdorxon ani kam tantunt kelem kiteak taka favo to kolakar mukhel kam korpak mellunk naslo, hem Baazi filman nond kelem.

Dutt-ache fuddlea filmank noxib mevlem, 1954 vorsantlea chodd komavpi Aar Paar film zalem. Hacho pattlav 1955 vorsantlea chodd lokprio Mr. & Mrs. '55, uprant C.I.D., Sailaab ani 1957 vorsa, Pyaasa – ek kovichi kanni, durlokx korpi lokamni nakarloleachi, zaka ies fokot aplea dolleank dispi mornnant favo zata. Duttan hea panch filma modlea tin filmani mukhel nottachem kam kelem.

Tachem 1959 vorsantleKaagaz Ke Phool ek khor niraxechem aslem. Tannem tea filmant zaitoch mog, duddu ani koxtt ghatlole, zachi kanni eka famad digdorspeachi (Duttan tem patr kelolem) asli zo eka nottiechea mogan (Waheeda Rehmanan patr kelolea,Duttachea khorea mogachi) asli.. Kaagaz Ke Phool duddu komanvk pavunk na ani Dutt-acher sanvar ailo.Sogllim tachea chitrsallentlim uprantlim filma odhikrutponni her digdorspeamni hatall’llim kiteak aplem nanv duddu mellovpak maldisanv zavn asa mhonn Dutt-ak dislem.

Dutta-n aplem duddu mellovpi chodd lokprio film Chaudhvin Ka Chand hantunt aplo probhav ghatlo. Ek Musolmanachem mogachem-trikonnichea filmant Guru Dutt-a sangatak Waheeda Rehman ani Rehman hannim bhag ghetlo. Filmachem digdorxon M. Sadiq hannem kelem tachi suchi "Chaudhvin Ka Chand Ho" eka kherit rongan chitraili,HI ekuch ghoddnni zoim amkam Guru Dutt rongit rupan dista .^[5]

Sahib Bibi Aur Ghulam, ek nirnnoiak ani veparant iesiesvi film tachea alaxiro ditolea borovpean Abrar Alvi, hannem digdorxit kelem zaka Filmfare acho boreantlo boro digdorspi tosrip favo zalem.Filmant xokantikechi ranni Meena Kumari ani Guru Dutt Rehman ani Waheeda Rehman soho kolakar koxe asle. Tem film Dutt-anuch digdorxon kelem ho bhas filmachi nottien Waheeda Rehman, hinnem i fakai nakarli..^[6]

Nimanneo prostuteo

1964 vorsa Dutt Sanjh Aur Savera, hea aplea nimannea filmant to Meena Kumari sangatak dislo jem Hrishikesh Mukherjee, hannem digdorxit kelelem . Baharen Phir Bhi Aayengi hem tachem nimannem film aslem zantunt to tachea mornnachea vellar kam kortalo. Tacho mukhel patracho zago Dharmendran ghetlo ani tem film1966 vorsa tea pongddagchem nimannem film aslem.

Moronn

10 Outubr 1964, Dutt bhaddean ghetolea ghorant khattir melolo sampoddlo jem Mumboint Pedder Road bhagant aslem. To sorea vangdda nhidpacheo gulleo mixronn kortalo oxem sangpant ieta.. Tachem moronn ghoddiek atmghat zanv ieta vo chodd gulleo ghevpachi ek obsoegachi ghoddnni. To ghoddiek tachea tisrea atmghatacho proiotn zanv ieta..^[7]

Dutta-cho put, Arun Dutt, haka tem mornn obsoegan zalam mhonn dislam. Dusrea disa Mala Sinha nottie ani Raj Kapoor kolakara lagim tachea Baharen Phir Bhi Aayengi, filma vixim tacher bhasabhas korunk rongit filma kaddpa vixim Dutta-k tharavik apovnnim aslim.Tachea pormonnem, "Mhojea bapaik nhidpachi pidda asli ani to gulleo heram bhaxen ghetalo. Tea disa to soro pielolo ani tannem odik gulleo ghetleo jea vorvim taka mornn ievnk pavlem.Tem chodd soro ani chodd nhidpacheo gulleo ghevop, ek jiv ghevpi zavnk pavlem.."^[8]

Mornnachea vellar, Dutt her don prokolpamni gunthlolo aslo - Picnic zantunt Sadhana notti, ani digdorspi K. Asifachem mhakaveo, Love and God. Picnic ordemkhurem urlem ani Love and God don doskam uprant sador korpant ailem zantunt Sanjeev Kumaran mukhel patracho Dutta-cho zago ghetlo.

Kaagaz Ke Phool DVDche odik manddavollint, ek tin bhaganchi Channel 4 Dutt-achea jivit ani vavracher ek mhaitipott asa zachem nanv In Search of Guru Dutt

Duttacher 10 Outubr 2011 vorsa,ek Doordarshan mhaitipott vitravpant ailo.

Khasgi jivit

1953 vorsa , Dutt, Geeta Roy Chaudhary, uprant Geeta Dutt kodde logn zalo, ji ek famad fattbhuinchi gavpi asli. Tanchi soirik tin vorsam adim zaloli ani tankam kuttumbachi oddchonn logn zavpa vixim bhogchi poddli zancho hea logna vixim virodh aslo. Tankam tin bhurgim aslim, Tarun, Arun ani Nina, jim Duttacho bhavr Atma Ram ani Geeta Duttacho bhav Mukul Roychea ghorabeant vaddlim jen’na tanche avoibapui somple.[14].^[9]^[10]

Duttachem lognachem jivit khuxalkaiechem naslem. Tacho bhava Atmaram-a pormonnem to ek " kama vixim koddok xisticho aslo, punn khasgi jivitant to oxisticho aslo" [17] To chodd sigretti voddttalo ani bhorpur soro pietalo ani vellachem taka bhan naslem.. Dutt-achi Waheeda Rehman nottie kodde ixttagot tanchea lognacher add ienvk pavli Mornnachea vellar, to Geeta pasun kuxin sorlolo ani ekloch jietalo. Geeta Dutt 1972 vorsa 41vorsanche piraier sompli kiteak soro khub pion tichem figd, bigoddlolem.

Daiz

Tachea film prokolpachea vevhara bodol zorui add ulovpant ieta, Duttan choddxim iesvont filma prostut kelim.[18]Vorsam pottim tachea vepari soim tachea prokolpachim tachea sorjonxil havesak sath dinvk pavlim nant.Filma zoxim C.I.D., Baazi, Pyaasa, Kaagaz Ke Phool, Chaudhvin Ka Chand ani Sahib Bibi Aur Ghulam, him Hindi sinemant poilim koxim aslim.Ekuch film jem Duttak ek chodd komavpant opiesi aslem tem Kaagaz Ke Phool,jem atam ek somprodaiechem abhzat asa. To.1.7 milhanv rupia tea filmant luskon zalo, tea kallar hi rokom chodd asli ji tannem fuddlea Chaudhvin Ka Chand filmant bhorun kaddli,. Tannem aplea pongddacher vo vitorokancher dovorlolo bhorvonso ken’nach soddunk na. Ek favtti prokolp somplo mhonnttoch, to novean suru kortalo- ani taka adlea prokolpachem vepari iesachem poddun vochunk naslem.To Raj Kapoor, Mehboob Khan ani Bimal Roy, sangata thoddea Bharoti film digdorspeam modlo eklo zannem kola ani vepari iesacho tall mell modlea 1950 ani modlea1960 modem zomoilo.

Pyaasa hem film sogllea vorsam modem xemborantlem ek oxi Time magazine hannem tachi tulna kelea.[1] 2002 vorsa Sight & Sound ttikekar ani digdorspeanchea venchnnukent, tachim don filma, Pyaasa ani Kaagaz Ke Phool, poilea 160 boreantlea filma modem zavn asat.[2] Teach 2002 vorsa Sight & Sound hachea venchnnukent sogllea vorsantlea boreantlea digdorspeam modem Dutt-ak #73 ankddo dila, jea vorvim taka atthvo vhodd zago Asiai filmtoiar korpeam modem tea venchnnukent favo zala.^[11]

Ek ttopal tikett Dutt-a voir India Post hannim 11 Outubr 2004 vorsa sador kelea..

Venchik filmachi volleri

Film	Voros	Nott	Digdorspi	Nirmovpi
Baharein Phir Bhi Aayengi	1966	Hoi
Sanjh Aur Savera	1964	Hoi
Suhagan	1964	Hoi
Bahurani	1963	Hoi
Bharosa	1963	Hoi
Sahib Bibi Aur Ghulam	1962	Hoi	Hoi
Sautela Bhai	1962	Hoi
Chaudhvin Ka Chand	1960	Hoi	Hoi
Kaagaz Ke Phool	1959	Hoi	Hoi	Hoi
12 O'Clock	1958	Hoi
Pyaasa	1957	Hoi	Hoi	Hoi
Gauri (Incomplete)	1957	Hoi
Sailaab	1956	Hoi
C.I.D.	1956	Hoi
Mr. & Mrs. '55	1955	Hoi	Hoi
Aar Paar	1954	Hoi	Hoi	Hoi
Baaz	1953	Hoi	Hoi
Jaal	1952	Hoi
Baazi	1951	Hoi
Hum Ek Hain	1946	Hoi
Lakha Rani	1945	Hoi
Chand	1944	Hoi

Henvui polloi

Guru Dutt-an digdorxit kelolim filma

Sondorbh

↑ "Big B in CNN's top 25 Asian actors list". Press Trust Of India. 5 March 2010. Archived from the original on 1 November 2011. Retrieved 15 April 2013. {{cite web}}: Unknown parameter |dead-url= ignored (|url-status= suggested) (help)
↑ "Asian Film Series No.9 GURU DUTT Retorospective". Japan Foundation. 2001. Archived from the original on 20 June 2009. Retrieved 13 May 2009. {{cite web}}: Unknown parameter |dead-url= ignored (|url-status= suggested) (help)
↑ "Kalpana Lajmi", Wikipedia (in इंग्लीश), 2018-09-26, retrieved 2018-11-23
↑ "Interview: Dev Anand Remembers Guru Dutt". dearcinema.com. Archived from the original on 4 April 2011.
↑ Box Office 1960. BoxOffice India.com सांचो:Webarchive
↑ "Nobody really knows what happened on October 10". In.rediff.com (11 October 2004). Retrieved on 2018-11-14.
↑ "'Guru Dutt attempted suicide thrice' – Rediff.com movies". In.rediff.com. 8 October 2004. Retrieved 3 September 2016.
↑ Ashraf, Syed Firdaus (15 October 2004). "'I miss my father terribly'". Rediff.com. Retrieved 5 July 2010.
↑ "Guru Dutt's son passes away". Rediff.com movies. 28 July 2014. Retrieved 5 April 2016.
↑ "Guru Dutt's son Arun passes away". The Hindu. 28 July 2014. Retrieved 5 April 2016.
↑ Lee, Kevin (5 September 2002). "A Slanted Canon". Asian American Film Commentary. Archived from the original on 31 May 2012. Retrieved 24 April 2009. {{cite web}}: Unknown parameter |dead-url= ignored (|url-status= suggested) (help)

Fuddlem vachop

Guru Dutt, 1925–1965: A Monograph, Firoze Rangoonwalla, National Film Archive of India, Govt. of India, 1973.
My Son Gurudutt, Vasanti Padukone, India, serialised in The Imprint and Screen magazine, April 1979 & 2004.
Nanna maga Gurudatta, Vasanti Padukone, Kannada, Manōhara Granthamāle, Dharwad, India, 1976, 120pp.
Guru Dutt, un grand cinéaste encore pratiquement inconnu hors de l’Inde, Henri Micciollo, Films sans Frontières, 1984.
Profiles, Five Film-makers from India, Shampa Banerjee. Directorate of Film Festivals, National Film Development Corp., 1985. सांचो:ISBNISBNसांचो:ISBN81-201-0007-7.
In Black and White: Hollywood and the Melodrama of Guru Dutt, Darius Cooper, Seagull Books, 2005. सांचो:ISBNISBNसांचो:ISBN81-7046-217-7.
Yours Guru Dutt: Intimate Letters of a Great Indian Filmmaker, Nasreen Munni Kabir, Lustre Press, Roli Books, 2006. सांचो:ISBNISBNसांचो:ISBN81-7436-388-2.
Ten Years with Guru Dutt: Abrar Alvi's journey, Sathya Saran. 2008, Penguin, सांचो:ISBNISBNसांचो:ISBN0-670-08221-X.

Bhaile duve

[1] "Big B in CNN's top 25 Asian actors list". Press Trust Of India. 5 March 2010. Archived from the original on 1 November 2011. Retrieved 15 April 2013. {{cite web}}: Unknown parameter |dead-url= ignored (|url-status= suggested) (help)

[2] "Asian Film Series No.9 GURU DUTT Retorospective". Japan Foundation. 2001. Archived from the original on 20 June 2009. Retrieved 13 May 2009. {{cite web}}: Unknown parameter |dead-url= ignored (|url-status= suggested) (help)

[3] "Kalpana Lajmi", Wikipedia (in इंग्लीश), 2018-09-26, retrieved 2018-11-23

[anand-4] "Interview: Dev Anand Remembers Guru Dutt". dearcinema.com. Archived from the original on 4 April 2011.

[5] Box Office 1960. BoxOffice India.com सांचो:Webarchive

[6] "Nobody really knows what happened on October 10". In.rediff.com (11 October 2004). Retrieved on 2018-11-14.

[7] "'Guru Dutt attempted suicide thrice' – Rediff.com movies". In.rediff.com. 8 October 2004. Retrieved 3 September 2016.

[8] Ashraf, Syed Firdaus (15 October 2004). "'I miss my father terribly'". Rediff.com. Retrieved 5 July 2010.

[9] "Guru Dutt's son passes away". Rediff.com movies. 28 July 2014. Retrieved 5 April 2016.

[10] "Guru Dutt's son Arun passes away". The Hindu. 28 July 2014. Retrieved 5 April 2016.

[Lee-11] Lee, Kevin (5 September 2002). "A Slanted Canon". Asian American Film Commentary. Archived from the original on 31 May 2012. Retrieved 24 April 2009. {{cite web}}: Unknown parameter |dead-url= ignored (|url-status= suggested) (help)

[1]

[2]

[3]

[4]

[5]

[6]

[7]

[8]

[9]

[10]

[11]