Hebrevank Potr

विकिपीडिया कडल्यान
हुपून वचात: दिशा-नियंत्रण, सोद
ह्या विषयावयर देवनागारींत बरयिल्लें पान वाच : हेबरेवांक पत्र
Christians believe that Jesus is the mediator of the New Covenant. His famous sermon from a hill representing Mount Zion is considered by many Christian scholars to be the antitype of the proclamation of the Old Covenant by Moses from Mount Sinai.

Hebrevank Potr[बदल]

Epistle to the Hebrews


Hebrevank Potr[बदल]

Gel’lea xenkddeamnim hem Potr Pauluchem mhonn dhortalim. Punn Paulun hem potr boroilam mhonn sompeponim sangunk zaina : oxem amchea kallachea xastrianchem mot asa.

Hea potrachi bhas ani vixoi. Pauluchea heram potrancher melltat toslim nhoi. Punn Paulucho probhav hea potracher asa, oxem mhonnum-ieta.

Tor hem potr konnem boroilem zait ? Zaiteanchim nanvam suchoileant : Barnabas, Silas, Aristion, adi. Punn, chodd korun, Apolo hannem hem potr boroilam-xem dista. Lukan Apolochi sundorbhas, hurbevont vavr ani Povitr Pustokachi vollokh vakhannleant. ( D.I. 18, 24-28 polle)

Punn kedna, khoim ani konnak hem potr boroilam tem ugddapem zaunk na, ani hea vixoiancher uzvadd ghalunk sompem nhoi. Tea bhair, hea prosnam vixim ek mot na. Heram motam modem, manun ghevpa sarkem mot asa tem hem : 63vea vorsa, poile pavtti bondkhonnintlo sutt’toch, Paulun Palestinak ravtolea Kristi-Judev loka khatir, tem boroilam-xem dista. Him Kristanv mon’xam portun Judev lokachem Adlea Korarachem xastr dhortit mhonn bhirant asli; Adlea Korarache manddavolli poros, novi manddavoll odik vorti mhonn hea potrant dakhoilam.

Hi novi manddavoll Devanuch ghoddun haddlea; ti Devachi xevottachi porgottnni. Hi novi manddavoll provadianchea niropa pormanem asa ani Moizesachi Somurt khore sopurnnaiek pavoita. Mon’xasoimb ghetlolo Devacho Put he nove manddavollicho Porom-Iadnik ani mon’xanchim patkam bhogsunk Tannem xrextt-utt’tom iodn kelo to Deva mukhar sufoll zalo. Koxttank ani hinnponnank Tachea zoitant khub mhotv mell’llem dekhun, Tacho pattlav kortoleamnim sonvsarachea adavacher lokx ghalchem nhoi, punn sosnnikaien tras bhogche ani virponnim bhavarth samballcho. Heo soglleo xikovnneo hea potrant melltat.

Hea Potrachi manddavoll Oxi :[बदल]

Prostavna : jezu Krist Devachi poripurnn prokasovnni : 1 : 1-3

Devdutam poros vhodd Kristachem vorteponn : 1:4-2:18

Moizesachea ani Joshuachea vorteponna poros vhodd Kristachem vorteponn : 3 : 1-4: 13

Kristachea iadnikponnachem vorteponn : 4: 14-7: 28

Kristachea Korarachem vorteponn : 8 : 1-9:28

Kristachea iodnachem vorteponn : 10 : 1 – 39

Bhavarthachi prodhan’ki : 11: 1-12:29

Xevottachi xiddkavnni ani sompadnni : 13: 1-25





Polleiat[बदल]

Hebrevank Potr

Epistle_to_the_Hebrews

Devachem Utor - Povitr Pustok

Books_of_the_Bible

Bible


Sandarbh[बदल]


[1]

[2]

  1. http://www.usccb.org/bible/books-of-the-bible/index.cfm
  2. http://www.archgoadaman.org/bible/14
"https://gom.wikipedia.org/w/index.php?title=Hebrevank_Potr&oldid=168606" चे कडल्यान परतून मेळयलें