Homeopathy
Romi
|
Homiopothi ek voijki xastr ani ek khaxeli upchar pod'dot. Donxem vorsam adim zormonocho vigoneanik ddo. Samuil honiman hannem hi voijki pod'dot sodun kaddli. Hi pod'dot mulbhut sidhdantacher adaril'li asun lettin bhaxent tika ‘Similia Similitus Curantur’ mhollear ‘Like Cure Like’ oxem mhonnttat. Somskrit bhaxent tacho orth ‘som':som' xomoiti’ oso zata. Mhollear ‘jem’ vokhod nirogi monxachea angant gel'lean jeo porinnami kuravo nirmann korta, tench vokhod komi promannant dil'lean rogi monxachea angant toxech torechea rogacheo khunno aslear boreonoch korta.
Ddo. Honimanan hea soimik totvak manun gheun tacher aple nove vokhdi pod'doticho sidhdant manddlo. Tachea hea vaurak lagun osadhy rog tor bore zaunk laglech techpori xostrokriebogor bore no zaupi rogoi bore zaunk paule oso he pod'dotichea somrthokancho vixvas asa.
Chodd kallachea va asadhy roga vangddach sadea disoptt'ttea thonddi, khank, pottdukhi hea sarkea rogancheroi homiopothi upchar kam' kortat ani homiopothint rog nivaronn korpachi xokt her vokhdamporos chodd asa oxem homiopothi tongoneanchem mot asa.
Homiopothi upchar he don khaxelea gunnancher adarun astat –
1) vokhdachem sidhdikoronn 2) jivnauxyok xoktik mhotv divp (Vital force) 3) homiopothint nirogi monxacher vokhdachem sidhdikoronn kortat ani sidhdikoronna vellar jim mansik toxench xaririk lokxonnam distat va bhastat tim nond kortat. Zalear her vokhdanchem sidhdikoronn zonaurancher korop zata. Vokhdachea probhavan sador zaupi mansik va xaririk lokxonnancho niall xastrogoneak zonauram divonk xoknat.
1) mansik ani xaririk lokxonnam ekamekacher adaril'li astat. Mansik somtol ibaddil'lean mansik lokxonnant zal'lea bodlacho porinnam' kuddicher zata takalagun mansik sthiti vorvim toyar zal'lim lokxonnam kuddicher disun yetat. Toxench kuddik zal'lea rog lokxonnacho porinnam' monxache mansik sthiticher zata. Takalagun rogacher vokhod kortona mansik ani kuddiche sthiticho vichar kortat. Jim mansik ani xaririk lokxonnam rog toyar kortat, tech torechim lokxonnam sidhdikoronnachea vellar nirogi monxant jem vokhod dakhoitat tem vokhod tim rog lokxonnam nivllaupak vaprotat.
2) homiopothint jivnauxyok xoktik mhotv ditat togoneanchea motan dor ek sojivo vostuk nirogiponnan jivit dourunk ek antrik xokt kuddibhitor kam' korta. Khoinchyai jivak torekovar xaririk ani mansik rogancho protikar korpachem kam' hi protikar jivnoxastr korta, jea monxachi jivnauxyok xokt unni zal'li asta tea monxachi protikar xokti-i unni zait vota ani takalagun ti vegvegllea rogank va duyesank bolli poddtta.
He antrik xoktik portun tez divpachem kam' homiopothi vokhdam kortat. Haka lagun porot porot duyent poddpi vyoktik homiopothi vokhdam vorvim purayen borem korpak yeta.
Homiopothi upchar pod'doticho bhor ho mukheloponnan tonddantlean pottant gheupi vokhdancher axil'lean inzokxon va xostrokria hea upchar pod'dotik thoim vavo na. Kuddintoli antrik protikar xokt ho he pod'doticho modhyouti adar axil'lean te xoktiche kxomtepromann vokhdancho porinnam' zaucho dekhun he xoktik manouta toxe pod'dotin vokhdam divp zal'lean he pod'dotint gunn poddpak kollavo zata. Addvadanoch inzokxon va xostrokriecho vapor zata. 10 epril ho dis ddo. Samiyl honiman hea homiopothi pod'dotichea somsthapokachi yad mhunn somvsarobhor monoitat.