Hosea achem Pustok

विकिपीडिया कडल्यान
 
Romi
     

Hosea achem Pustok[बदल]

Book of Hosea

Jeroboam’ Dusro hachea hata khal Hosea provadiachem muniarponn suru zalem. Jeroboam hache uprant ietolea razanche razvottkentui, Hoseachem muniarponn chalu urlem. Punn Hosea, Samariachem nisontton (721) polleunk urunk na so dista. Israelak ho ek khonticho kall zalo, Assirien tancher zoit melloilem (734-732), bhitorlo bondd, pondra vorsam modem char razancho khun ani dhormik toxench noitik broxttachar choddot ravlo.

Hoseachea jivitachi thoddi mhaiti mellta (Ov. 1-3) Hosea eke ostore lagim logn zalolo. To ticho khub mog kori punn ti taka ovisvaxi zata; Hoseak ticho mog asta ani tichea mogachi porikxa ghetlea uprant tika to porot apli potin mhonn gheta. Hoseacho ho dukhest onnbhov eke bhaxen Sorvespor Aple porje lagim vagta tachi khunna. Israel Devachi potin ovisvaxi zali ani aplea deivik poticho krodh apnnancher ghetlo. Devacho mog togta toslo; to tika xikxa ditolo khoro punn oxem korun to tika porot apnna-xim haddun tanchea poilea mogacho sontos tika novena ditolo.

Poilech pautt, Israela-xim Devacho sombond logna vorvim dakhoila. Tache porgottnnecho vixoi mhollear deivik mog. Lok hem sarkhem somzunk na. oronneantlo bhangaracho kall ekpautt somplo mhonnttoch, Israel Devak ovisvaxi zali. Raiall ghoranneank, Hosea khoraien gunneanvkari korta. Devache khuxe add Raza kele ani Devache venchun kaddlole porjek kirkollaili. Iadnik lokak nisonttonachi vat dakhoitat. Amos provadia porim, Hosea oniticher ani hinvxecher add uloita punn dhorma add zatolea vaittacher to nettan uloita. Betelant zata ti Sorvesporachi bhozonn zaun asa murtipuja; Sorvesporak thir mog zai, ‘kiteak mhaka iodn naka, visvaxi mog zai hom’ nakat, Devachi vollokh zai’ (6/6). Mhonnttoch, xikxa ietolich toripunn soddvonn diunche khatir Sorvespor khast laita. Israelak he doxer astana tika tichea visvaxiponnachea disancho ugddas ietolo, Sorvespor aple porjek porot ghetolo; khuxalkai ani xanti vostoli.

Polleiat[बदल]

Sandarbh[बदल]


[1]

  1. http://www.usccb.org/bible/books-of-the-bible/index.cfm
"https://gom.wikipedia.org/w/index.php?title=Hosea_achem_Pustok&oldid=199411" चे कडल्यान परतून मेळयलें