Indore

विकिपीडिया कडल्यान
 
Romi
   
Tookajee Rao Holkar II, Indore, from a drawing by Mr. W. Carpenter, Jun.," from the Illustrated London News, 1857
HH The Maharaja Shivaji Rao Holkar of Indore

Modhyoprodex rajeantolem soglleant vhodd xar. Loksonkhea: 8,27,000 (1981). Kxipra nhoinchi upnhoim khan ani sorsvoti hanchea deger indur xar voslam. Mumboi te agra hea raxttri-i mohamargacher mumboi saun 704 kimi. Ixanyek ani somudrothorasaun sumar 530 mi. Unchayecher indur xar asa.

1715 vorsa survek kompalachea zominodaran hanga vosti keli. 1741 vorsa hanga indrexvor hem devull bandlem. Hea deullavelean hea xarak indropur- indor-indour ani indur oxim namvam poddlim.Hollkoranchi rajdhani mohexvor vattharant axil'li, thoimslean 1818 vorsa tamnni ti indurak haddli. Indur he xar somrid'dh mallveachea mukhel zagear axil'lean ani hollkoranchi rajdhani zal'lean hea xarachi nettan udrogot zali.Vepari, ud'degik ani xikxonnik nodren indur xarak borench mhotv asa. Gomv, bajri hea sarkea dhaneachi ani kapsachi, modhy prodexantoli mhotvachi bazaropetth mhollear indur. Xarant sutacheo ani kopddeancheo girnni asat. Hangachea inzuri saddeanchi khub namna asa. Hea xarant tel, kamblli, ofu, rosainam, yontram, fornichor, khellacheo vostu, dhatu, dudache podarth, bobin adi ud'deg choltat.

Adlea kallar rajkumvorankhatir bandil'le songmorouri ddeli kolez, toxench xetoudd,obhiantriki, voijki mohavidealoyam hea xarant asat. 1964 to suru zal'lem indur videapitth hea xarant asa. Indur xarantlean khanddva te ojmer relvemargak zoddlam.

Indur xarant axil'lo hollkorancho prasad, nhoindegevelo nokxidar sotreo, udeanam, unch hoveli hamnni xarachea voibhvant bhor ghalea. He bhair komvchi, harso ani rongit monni vaprun bandil'lea zoin mondirachem rup agllench asa.

Polleiat[बदल]

Indore

"https://gom.wikipedia.org/w/index.php?title=Indore&oldid=199422" चे कडल्यान परतून मेळयलें