Juanv de Britto

Jean de Brito (1647-1693) 2

Sant Juanv de Britto ek kristi dormacho rogtsakxi zalo. Heasa porob povitr sobha fabrerache 4 tarker manoyta. Juanv de Britto zaun aslo ankur unch kullantlea odhikarachea Portuguese ghoranneacho. Tacho pay, Salvador de Britto Pereira Portuguese hea desachea vosnnunk brazil hacho rajea protinidhi koso vavurun aplo jiv sopoylo.

Apovnnem

To jednam pondra vorsancho aslo ten’na Dezembrache 17 tarker 1662 he vorsa to Jesuits sosten bhitor sorlo; Ani ekra vorsam uprant, to 27 Jesuit xixoya vangdda madurak bhair sorlo, taka hea kam’ant tachea ghorcheancho ani fouzdari nyayaloyacho nirdhar virodh aslo.

Probhav

Tache maynk, jedn’am kollem ki tacho put Indiek vochpacho asa mhonn tinnem apnnank zata te pori probhav ghatlo ki to aplo dex na soddunk, ani pap-saybachea dutak tachem mon ghunddavunk sanglem punn tannem ghott’ttsanint mhonnlem. “Dev, zannem mhaka hea sonvsarantsun dhormik jivit jyevunk apoyla, ata to mhaka portugala thavun Indiek apoyta ani hanvem hem korunkuch zay. Hanv tor taka zobab dina zalear Devachem niticher hanv tiddkota oxem distolem. Hanv jem poriyan jyeta tem poriyan hanv kednach mhoji ass Indiek vochpachi sopovchona.” Ani tacho ho zollzollpi anvddo sakar zalo.

Missionary jivit

To 1673 hea vorsak dokxinn bharotan Maduraychea missionak bhair sorlo ani Kristanv dhormachi xikovonn Maravar xarant dili. Arul Anandar hem nanv tannem ghetlem. Maravarchea razan taka 1684 vorsak bondkonnit ghatlo. Zoso taka bhayr uddoylo. To 1687 lisbonak portun aylo ani missionacho 'procurator' koso vavurlo. Pedro raza dusro haka to lisbonakuch ravlolo zay aslo punn 1690 to portun maravar xarant 24 nove missionarist ghevun aylo. Maduraiche missanv ek vorz proyotn aslo ki Indiechi Katholic sobha ghoddun haddunk ji Europachea sonskrutayechea odhikarea sakun meklli asli. Britto, hea zageacheo mull bhaxeo xiklo, hollduvea kapsachea lugttan to nhesun bhovtalo.Saddu koso jyetalo, to zonovaranche mas ani soro poys dovortalo. St Juanv de Britton Katholic bhavarth zatin ani chitnani xikoylo, zoso to xikoytalo lok sozmotalo. Britto ek ghott saddu koso sogllem jivit bhor ravlo, mas, nustem, tantiya ani sorea pasun poys ravlo.To fokot follam, ton ani kodd’ddnnuch khatalo.

Vavr

Juanv de Brittochea xikvonnek lagun Maravarcho Rajkuvor Thadhiyathevan Katholic dhorman bhitor sorlo. Taka zayteo bayleo asleo.To jednnam Katholic zalo tannem apleo soglleo bayleo soddun divpacheo chintleo, ho tachea vaddeacho vixoy gombir zalo. Tachi ek bayl xezarchea vattarachea rajeachi bhachi asli tannem zhuz mannlem ani Kristavank khub tras korunk laglo. Juanv de brittok anik kay mon’xeank tanni oriyur hanga vele ani 4 February 1693 prannantik khast layli.

Man

Pap saib pius IX hannem Juanv de Brittok Agostache 21^ver, 1853 hea vorsak pormand dilo, ani taka santacho man’ 22 June 1947 pap saib pius XII hannem dilo. Tachi porob 4 Februaryk monoitat.

Polleiat

John_de_Brito St. John de Britto