Kantaar
Kantar (Inglixint Song) ek Bharoti film Konknni bhaxentlem jem veginch dakhovpachem asat tem Nieelesh Malkar hannem borovn digdorxit kelam ani tem Janet Noronhan nirmoilam. Tantunt Jackie Shroff, Noel Sean ani Ester Noronha mukhel patram nibhoitat. Film jivitacher adarit asa khas korun Goem ani Goenkarancher ani koxe porim soglleank ani soglleak ek hetu asta tacher asa. Inam jikhpi Soul Curry filma uprant , Malkar ani Jackie-chem hem dusrem Konknni film zavn asa.Hea songitachea filmant Lorna astolem jem thoddim jazz kantaram gaitolem. [1][2]
Nirmovp
Filmanchem chitrkoronn Agost 2018 vorsant zalem ani tem Goenchea bhitorlea ganvamni zoxe porim Rachol, Bannavlle, Kolva hea Goenchea dokxinnechea ganvamni chitrailam. Ek songitachem film asun, tantunt proiogachim Konknni kantaram astolint khas korun Lornan gailolim jazz kantaram. Mukhel kolakaram modlea don, Noel Sean ani Ester Noronha, him kantaranche fixlakaiek lagun nanvazlolim asat.Tannim dogaimni sangatan Despacito kantaranchi Konknni avruti gailea. Noronhan adim ek kantar Nachom-ia Kumpasar filmant gailam Filmant nanvadik tiatrist zoxe porim Luis Bachan, Domnic, Comedian Sally ani Velrose Pereira aspavtat.Hea filmank Entertainment Society of Goa (ESG) hachea Up-Iezman Rajendra Talak hacho palov mell’lla.[1]