Krist-yenneacho kall ( Advent )

विकिपीडिया कडल्यान
Jump to navigation Jump to search
For the use of a single candle marked with the days of Advent, see Advent candle.
Advent wreath with purple and rose candles (top) and Advent wreath featuring Christ candle in the center (bottom)


Natalam ho ek chodd umedicho sonn (dobajik porob ). Kristi Povitr Sobhent hi porob mottea bhoktiponnam somarombhche khatir tiche adim char satollim Kristanvank toyari korchi lagta. He toyarek Krist-yenneacho kall (Advent) mhonnttat. To choddso Novembrachea nimannea satolleant Krist Raiache Porbe uprantlea Aitara thavn suru zata.

Hea kallant mote umollxiken ani othrekan Kristachea yenneak Kristanv lok apli kalliz-monachi toyari korta. Toch Juanv Batistacho tallo aikun mon-bodolnecho nirop apnnaita. Borea ani khorea aitemonan Balka Jezuk gheunk aplea jivitachi novsornni korun toyarent ravta. Izaias provadiachim utram ani subhaxitam hea dosamni aikunk mellttat. Tancho probhav tanchea jivitak ek novem vollon diunk koxta.

Krist-yenneacho kall - ek toyarecho kall. Hea kallant Povitr Sobha aplea Kristi bhavartianchea kallzamni ek opekxa utthaita. Hi opekxa Deva pasot. Jenna Sorvespor Dev ietolo tenna tim Taka mellunk toyar asunk ani zagrut asunk. Hem sonvsari jivit, khinniallem. Hem jivit sorlea uprant fuddlem ek jivit asa mhonnpachem ek zhollok Kristanvamni gheunk ho kall tankam ek soeg. Hea jivita uprant Deva borabor tim astolim ho bhorvanso tankam asunk zai.

Krist-yenneacho kall - novsornnecho kall. Kristak mellunk monstap (repentance) korcho kall. Sorvespor tumkam sosnnikayen vagoita, kiteak konnachench nisontonn zallem Taka naka. Soglleamni aplem jivit bodollolem Taka zai (2Pedru3,9). Hea kallant sogllea Kristanvamni gombhirtayen aplem jivit sarunk ani favo tie toren toyar zavun Somiak mellunk goroz.

Kristachem poilem yennem provadiamni xekdde adim vitrailolem. Jenna To khoreanich ailo tenna jim konn toyar atolim tim salvar zalim. Zuanv Baptist, Messiasachea yennea pasot lokak toyar korunk ailo. Lokamni aplem jivit bodlunk tannem ulo marlo(Mk. 1,4). Tacho sondexgom-bhirtayen ghetloleamni ani aplim patkam soddun dilleamni taronn zoddlem.

"https://gom.wikipedia.org/w/index.php?title=Krist-yenneacho_kall_(_Advent_)&oldid=179391" चे कडल्यान परतून मेळयलें