Martin Luther
| |
Romi
|
Luthor, Martin : (zolm': 10 nouhembor 1483; moronn : 18 februvari 1546). Martin Luthar
sollavea xenkddeantolo prosid'd khristi dhormosudarok ani prottesttontt ponthacho somsthapok. Marttin lyuthor hi ostonti somskritayentoli ani kiristamv somazantoli ek mhotvachi vyokti. Tachea likhannant fokot dhormosidhdantanchoch obheas kel'lo nasun, tatunt vingodd vingodd bhouxik, orthik ani rajki-i vichar sampddottat. To ek khannkamodaracho cholo. Tachem mullavem xikxonn momsfilddochea lettin skulant zalem. Thoim tannem mullavea xikxonnavangodda baibolachoi obheas kelo. 1501 to zormonochaya prosid'd ettofrtt videapitthantlean to kola vixoi gheun mettrik zalo. Uprant teach videapitthantlean 1505 to to em'.E. Zalo. Dhormoxastr he tacho mukhel vixoi axil'lo. Xikta astonach to dhormoxastrant itlo nipunn axil'lo ki tache sangati taka oddenamvan tot'tvogone mhonnttale. Aplo put vokil zaucho oxi tachea bapaichi (homns) itsa axil'li. Punn marttinan aple som'mtibogor totvogigonean vixoi ghetla mhunn kolltokoch taka khub dukhkh zalem. Marettin lyuthran padriponnachi dikxa 1506 to purai korun ,1607 to to ritsor dhormopodexok zalo. Mukhar progot dhormosidhdantacho obheas korpakhatir to vittenobrg videapitthant gelo. Uprant zormonintlea sekson hea somsthanant vittenobrg xarantuch to totvogigonean ani odheatmoxastr xikpak laglo. Tachi xikpachi ek khaxeli tora axil'li, zaka lagun tannem sabar videarthi zoddle. Tachem veakhean aikupak hozaramni videarthi toxench nagrik ekttham-i zaupak lagle. Dhormosomsthent vavurotana thoinche sabar dhormabhaile goirprokar polloun to osvosth zalo. Xikta astonach marttin lyuthran aplem khaxelem exem ek tot'tvogigonean sodun kaddlem.Marttin lyuthorchea motan ixrvor ho sorvoxktiman, sorvoveapi, soglleancho trata ani sorvogone asa. Monis fokot xrodhden mukt zaunk pauna, tekhatir taka top, upasona hanchi-i goroz na. Ixrvor ani monis hanchemodim dhormoguru va dhormosomsthanchi-i kaim goroz na oxem tannem protipadon kelem. Pop ho samany monxamporos uchch asun tannem ghalun dil'le kaide va pod'dot binchuk asta. Oslea sogllea xrodhdank lyuthran khor virodh kelo. Popan kel'le soglle kaide lokank lubaddun aplem sthan ghott'tt korpakhatir asta oxem tannem lokank sanglem. 1516chea sumarak pop, dhavo lio hannem romchea chorch bandkamak adar korop hem vhodd sotkrit'ty axil'loyachem zahir korun, papache xindolle uddil'lea monxankoddlean dhosdhosit rokkom' gheun papvimochonachim potrokam vanttpacho vaur suru kel'lo, ten'na popak protinidhi papvimochon potrokam ghoun zormonint gel'lo ten'na lyuthran tacheaadd bondd ubarolem. Uprant papvimochonasombondachim totvam ani tevixincho veuhar he sombondinchem aplem 95 akxepanchem ek potrokh korun tannem tem vittenobrg igrzochea darar lailem. Tea potrokant tannem popacho suvarth uktail'lo. Haka lagun uprant lyuthor ani pop hancheant vhodd songhrx suru zalo. 1520t, lyuthor ho pakhonddi ani dhormoxtru axil'leachem popan zahir kelem, toxench taka khoincheach razan alaxiro divcho nhoi oxem-i forman kaddlem.Punn seksonichea freddrik razan taka aplo tenko dilo. Uprant lyuthor thoinchean dhormaadd avaz utthoupak laglo. Popak protikar korpachem kary lyuthra poilim sabar lokamni hatant ghetil'lem. Punn popak vhodda nettan khub kallmeren porinnamokarok virodh lyuthranuch kelo. Haka lagun lyuthrak preattesttontt ponthacho somsthapok mantat.
Probodhonachea andolonan yuropant voicharik ani boudhik svatontreachem toxench voigoneanik nodren ek novem yug suru zalem. Marttin lyuthra fattlean legit dhormosudaronnechea andolonakuy probodhon itihasant khub mhotvachi suvat lablea. Marttin lyuthra fattlean legit dhormosudaronnechem andolon chaluch urlem. Marttin lyuthor hannem dhormoxastracher boroil'lim potrokam, somvad, prouchonam ani tannem rochil'lea kaim prarthonanchem azunuy vhodda promannant vachop zata. Tannem baibolachem zormon bhaxent kel'lem bhaxantor hi adhunik zormon bhaxechi survat asa oxem mantat.