Mateva Pormannem Jezu Kristachem Xubhvortoman

विकिपीडिया कडल्यान
Jump to navigation Jump to search
ह्या विषयावयर देवनागारींत बरयिल्लें पान वाच : मातेवा पर्माणें जेजू क्रिसताचें शुभवर्तमान

Mateva Pormannem Jezu Kristachem Xubhvortoman[बदल]

Gospel of Matthew


The Evangelist Matthew Inspired by an Angel
Relationship between synoptic gospels-en
Beginning of the Gospel of Matthew in Minuscule 447
Woodcut from Anton Koberger's Bible (Nuremberg, 1483): The angelically inspired Saint Matthew musters the Old Testament figures, led by Abraham and David

Mateva Pormannem Jezu Kristachem Xubhvortoman[बदल]

Matev Bara Dhormdutam modlo eklo ani hea Xubhvortomanacho boroinar. To Alfevacho put; Kapernaumant dondd vosul kortalo tedna Jezun taka Aplo pattlav korunk apoilo. Marku ani Luk khobor kortat to "Levi" hoch Matev. Jezun taka Aplea Bara Dhormudutam modem-i vinchun kaddlo. Povitr Atmeachea iennea uprant, poilo to fokot Palestinachea povitr-sobham khatir vavurlo. Aplea desachea Judev bhavam-bhoinnink boroun Matevan aple Aramaik avoi-bhaxen Xubhvortoman boroilem.


Hache uprant, 42vea vorsa Herod Agripan dhumallo suru kelo tedna, Matev dusrea ganvamnim Jezuchem Nanv porgottunk gelo. Amkam anik-ui khobor pavlea tea pormannem, to Palestinantlo bhair sorlo tea kalla ni Jerusaleachi sobha bhorli tea kalla modem, mhonnge 42 vea ani 50vea vorsam modem, vo tachea uprant legun, Matevan Xubhvortoman boroilem. Tori astana, Matevachem Xubhvortoman Povitr Xar ani achem Devmondir ozun ubim aslole porim khobor korta dekhun ani Jezun Jerusalea vixim bhakit kel’lem tachem Matev kai sangina mhonnttoch, dubava viret hem Xubhvortoman, Romkaramnim Jerusaleachem nisontton korche adim boroilem mhonn tthavem zata. Hem Xubhvortoman rokddench Grik bhaxen utrailem, chodd korun Matev jivoch astana, 70-vea vo 80-vea vorsa. Uprant tachem mullborovp sanddlem.

Adlea Korarant Devan bhasail’lo Soddvonnar hoch Nazaretcho Jezu ani Tache sovem Devan adim bhasavnnio kel’leo teo xarti pavleo mhonn dakhoun, Kristanv zal’lea Judevam khatir Matevan hem Xubhvortoman boroilem.

Hea Xubhvortomanacho mukhel vixoi mhollear Sorginchem vo Devachem Raj. Tem sonvsarant sthapunk Jezu Soddvonnar ailo. Sogllea mon’xamnim Devak aplo Raza mhonn vollkhun gheuncho, Tachi chakri korchi ani Tacho mog korcho – hench tem heach sonvsarant suru zata tem Sorginchem Raj.

Matev Judev also ani to Judevam khatir boroita dekhun, Jezuchea jivita ani kornniam vorvim Adlo Korar sopurnnaiek pavlo mhonn Matev bogor – bogor dakhoun dita.

Hea Xubhvortomanachi manddavoll oxi :


Jezu Kristachi vonxavoll ani zolm : 1:1 – 2:23

Juanv Batistacho vavr : 3:1-12

Jezuchem snan ani tallnnio : 3:13 – 4 : 11

Galileiant Jezucho bhovxik vavr : 4:12 – 18:35

Galileia than Jerusaleak: 19: 1 – 20 : 34

Jezuchem nimannem satollem : 21:1 – 27: 66

Jezuchem punorjivontponn ani dorxonam: 28: 1 - 20

Polleiat[बदल]

Mateva Pormannem Jezu Kristachem Xubhvortoman

Devachem Utor - Povitr Pustok

Books_of_the_Bible

Gospel_of_Matthew

Bible


Sondorbh[बदल]


[1]

[2]

  1. http://www.usccb.org/bible/books-of-the-bible/index.cfm
  2. http://www.archgoadaman.org/bible/14
"https://gom.wikipedia.org/w/index.php?title=Mateva_Pormannem_Jezu_Kristachem_Xubhvortoman&oldid=169969" चे कडल्यान परतून मेळयलें