Sallganv

विकिपीडिया कडल्यान
Jump to navigation Jump to search
Mãe de Deus Parish Church

Saligão ([saːɭɡãːw])(Marathi/Konkani- साळगाव) voh ek Uttor Goenchea zilleacho census town Bharatantlo Goenchea rajeant ek ganv asa.  Teache bhonvtonni  Porvorim, Parra, Guirim, Sangolda, Pilerne, Candolim, Calangute ani Nagoa hea soglea Bardez talukeantle ganv assat. Ho ganv Ponnnje rajdhani pasun 10 kilometre ontoracher asa. Mhapsasan 6 kilometre, and Kon'gut san 3 kilometres.

Bhugol[बदल]

Saligão  15°33′N 73°46′E / 15.55°N 73.77°E / 15.55; 73.77.[1] hanga stholl asa. Tanchi unchai 9 metre (30 fut) asa.

Lokhsankhya[बदल]

Bharotachea 2001 lokgontte pormonnem, Sallganvank lokvosti 5553 asli. Dadle lokvostiche 51% asle ani bailo 49%. Sallganvank ek sorasorichi sakxorta 82% asa, ji raxttrio sorasorichea 9.5%: dadleanchea sakxortachea 87%, ani bailanchea xakxortachea 76% poros unch urta. Sallganvant, lokvosteche ,8% so vorsanche sokoile piraieche asat. 

Avddiche Zage[बदल]

  • Mater Dei, Goenchea poilea Inglix iskolantleam modlem ek, jem Alto vaddear urta. Survat St. Mary's mhonn 1900 vorsa suru zalelem, uprant nanv Mater Dei mhonn1909 vorsa bodolpant ailem.
  • Lourdes Convent High School, Sonarbhat
  • Government Middle School, CHOGM Rosteachea Chovkear.
  • Bank of India, Sallganv bazara kodden.
  • Pirna Urban Cooperative Bank, Sallganvchea Super bazara kodden..
  • Florentine Bar and Restaurant Piken Morodd, ek lhan dukan jem chicken cafreal pratak famad asa..
  • Samrat Hotel, ek hotel jem CHOGM rostear urta, jem bhajechea (torkarecher adarit) pratant famad zalam.
  • Leela Communications, Sallganv bazara kodde.
  • Mahambre Santtho (Sadharonn ani Soreacho santtho)
  • Cherry Fernandes' Khellpa-iskol, D'Mello Vaddear (atam bond)
  • Tiny Steps khellpa-iskol, Abreo Vaddear.
  • Krist Raj Bhavan, zantteleank asro, zo Franciscan Missionaries of Christ the King bhoinni choloitat.
  • Mãe de Deus home zantteleank asro, zo Franciscan Missionaries of Christ the King bhoinni choloitat.
  • Mãe de Deus Firgojechi Igorz ji 1873 vorsa bandpant aili.
  • Hindu devllam Sharvani (Sallganv zhori koddem , Salmona), Dattatriya ( Seminarichea dongurler, Sonarbhat), Laxmi Narayan (bazara kodden) ani Vittal devull (Sangoldache ximer) hancho aspav asa.
  • Saligão Voizuki Kendr, Firgojechea Igorje kodden.Atam, taka ek voiz (Sadharonn seva korpi) fokot sokallim asta, Chikitsai ani her sovloti ievjileat.

Ganvche Prosn[बदल]

Halinchea vorsamni Sallganv, jem matxe Ut’tor Goenchea velle-pott’tte bhair asa, taka vhodda promannant mhotvache prosn dhortorechea udkachea vixim, chodd korun Donvaddo hangasor ganvchea baimchea vixim asat. Doriadegecho kochro ganvchea dongurlecher , thoddo ganvchea zominicher ani thoddo Kalangute komunidadichea zagear punn chodd lagim (nodrek ievpi) ganvancher, ganvkaramni hovui prosn voir kaddlolo asa. Dezembrache 12ver , 2002, ek unch niaialoek vachika Mumboichea Vorxitt niaialochea Goenchea vibhaganthea vixim korpant aili.

Te vachikent Sallganvcho soddo, kochro uddovpacho zago vinchla dekhun avhan korpant aila, zo somajik zonglachea lagvoddi modem urta zo Goenchea sorkarachea Ran khateant ubharla. Ho kochro uddovpacho zago “favo nhoi tea zagear” kela mhonn vadvivad korpant aila kiteak to koslich kaideachi pod’dot vapronastana kela odik korun Nogorpalikechea Okhondd Kochreachea Nem, 2000 je Poriavoronn Surokxechea Kaidea 1986 chea khal ievpi nema khala. "Ho zago poriavoronn, bholaiki ani udkache purvonnek marekar porinnam haddunk pavtolo” oxi vachika Goa Foundation chea hirvea vokilan Norma Alvares hannem vad kela.

Dhortorechea udka vixim, Mai 2002 vorsa , ek obheas “Sallganvcho udka prosn ani veparik dhortorechem udok kaddop” sador korpant ailo. Tachea sonkxepant mhollam:” Vepari vikrek dhortorechem udok kaddop ganvam bhair chodd vaddot gelea panch vorsank zalam, oxea promannant ki disak tem 435,000 littor asta. Dhortorechea udkachi patlli denvot asa, ani ghorguti vaporacheo baim-o ani xetank ximpop choddxea Sallganvant sukonk pavleat, zorui, ganvchea her bhagank kaim zanvk na. Donvaddeachea ghorguti ani Sonarbhattachea kaim bhaganchea baim-ank prosn ani Mollembhattachea xetkareank chodd gombhir asa. Chodd giraik gombhir prosn sonstat je SCCC (Saligao Civic and Consumers' Cell) kodden vepari dhortorechem udok kaddop ek somajik tokrar korpa sarkhe zavn asat.”

28 ghorguti baim-am modleo jeo Don Vaddo ani Sonarbhat Abril/Mai 2001 topaspant aileo, eka sadharonn pavsalleachea vorsant, teo sukleleo, oxem nond kelelem melltta. Unneant unnem 138 giraikam hea baim-ancher ovlombun asat. Hea vattarantlea denvpi udkachea patlli thollavea bainchem vepari udok kaddpa vixim iogaiog asa.

References[बदल]


Polleiat[बदल]

Saligao

External links[बदल]

[Page translated from the English Wikipedia by ISIDORE DANTAS. Fredericknoronha 16:32, 8 फेब्रुवारी 2016 (IST)]

"https://gom.wikipedia.org/w/index.php?title=Sallganv&oldid=163541" चे कडल्यान परतून मेळयलें