Sanguem

विकिपीडिया कडल्यान
 
Romi
   

"Sanguem" xar hem bharatantlea Goye rajeantlea Sanguem talukeantlem mukhel xar. Sanguem taluka dokxinn Goyant asa. To Darbandodda, Quepem, Canacona ani Sahayadri dongoe-malle modem asa. Sanguem xar Municipal Couniclachea odikara khala yeta. Mukhel sorkari kariyaloyam zomim Mamalatdar, Viz khatem, PWD, Women and Child Welfare dept., sorkari hospital adim hea xarant asat. Sanguem hem nanv hea vattharak don nodinchea mellavea va sangama voilean podlam. Sanguem vattarachi lokgonnti 2001vorsa pormannem 5000 asa.

Mukhel Zage[बदल]

Salaulim Dhoronn[बदल]

Goychem soglleant voddlem dhoronn. Hem dhornnam udexim Goychea dhokxinn talukeank udok meltta. Hem dhoronn Sanguem bus standa thaun char kilometer pois asam. Hem dhoronn 1986 vorsa suru zalem.Hea dhornnak lagun nnov ganv budle ani tea ganvchea lokank novi suvat ani her sovloteo tea vellar sorkaran dileo. Salaulim dhoronn poloupak kherit bhaxen lok pausachea tempar yeta. Thoim sorkaran ek botanical garden vo tore- torechea zhaddam-peddamchi bhag kelea. Soimbachea gopant visov gheunk ho ek boro zago. Hanga 10vea xenkddeattlem ek Mahadevachem devull asam. Hem devull poilim Curdi hea gavant aslem. Jednam ho ganv buddunk gelo tednam Archeological Survey of India hea sorkari sonsten ek-ek fatrar ankddo ghalun tem Salaulim haddun portun ghoddlem.

Milagr Saibinichi Firgoz[बदल]

Sanguear Milagr Saibinnichi Firgoz asa. Portugez tempar ti Militirichem kopel aslem. Hi Igroz Sanguem bus standa lagim asa. He igorjechem fest Mayachea dusrea Sonvarak zata. He firgozek panch kopelam asat ani 27 Lhan Kristi Somudaieo asat.

Sanguecho Bazar[बदल]

Budvara disak Sanguear bazar bhorta. Hea disa Sanguem talukeantlo veg-vegllea ganvantlo lok apleo vostu vikrek gheun yetat.

"https://gom.wikipedia.org/w/index.php?title=Sanguem&oldid=206120" चे कडल्यान परतून मेळयलें