Sant Agatho Thaumaturgus

विकिपीडिया कडल्यान
हुपून वचात: दिशा-नियंत्रण, सोद

Sant Agatho Thaumaturgus Catholic povitr-sobhecho ek mhotvacho sant.

Tachem Jivit[बदल]

Sant Agatho Italychea Sicily hea gavant zolmolo. Tannem sumar vis vorsam aplem lognik jivit sarlea uprant hem sonvsari jivit soddpak chitlem ani Palermont hea xarant ek Benedictine mottvasi zaun vavrunk ani uprant Romantui vavurchem oxem tharailem.Porompora sangta te vorvim to adinch xembor vorsam chodd piraecho aslo jednam tannem papsaibachea xinvasona meren udorgot keli 678 hea vorsa.To lokamcho chodd mogacho monis aslo vixex korun tache movsannik ani chukonaxil’le udartayek lagun.

Tache sot`tentli mhotvachi ghottna:[बदल]

Tache tin vorsamche sot`tentli ek mhotvachi ghottna mhunnllear “Sovi Ecumenical Porixod” ji zali Constantinopleak zache toyarek tannem zaiteo Dhorm-sobha ghoddun haddleo purai ostontek.Tachea tin protinidhinim he porixodent yezmanki choloili.Punn tannem he sobhe uprant lokam lagim chuk magli tea protinidhin`chea oskot Greek bhaxentlean ulovpak lagun karann tea nixttur kallar chodd gorjechem aslem tem mhunnllear bhavarth samballpak nhoi noveo bhaxo xikpak.

Tachem moronn:[बदल]

Agathochem Monothelite vicharam add mott porixoden vhodda umedin svikar kelem karann tea motta vorvim tacho thir Catholic bhavarth spoxtt zatalo.Roma xarant jednam Porixodecho kaido Monothelitism vicharam add bhair sorlo tea adinch Sant Agatho hea sonvsarak ontorlolo.

Tacho kitab:[बदल]

Sant Agathok tachea torekvar ojapank ani chomotkarank lagun “Thaumaturgus” mhunn kitab favo kela.Oxem-i mhunntat ki tannem Englandak kuxoll gavpak xikovpi daddun dile ki tannim thoim-sor porot Roman gavpacho sur suru korcho mhunn.

Polleiat[बदल]

ह्या विषयावयर देवनागारींत बरयिल्लें पान वाच : [[ ]]
"https://gom.wikipedia.org/w/index.php?title=Sant_Agatho_Thaumaturgus&oldid=163977" चे कडल्यान परतून मेळयलें