Sant Anthon Egyptacho

विकिपीडिया कडल्यान
Jump to navigation Jump to search
Sant. Anthonychem Mott 2006
Sant. Anthonychem Mott, Egypt

Sant Anthon Egyptacho ek vhodd sant mhonn pachartat, taka Sant Anthon Conventaco Vhodil oxem-i mhontat.

Zolm ani Bhurgeponn[बदल]

Anthonicho zolm, Egyptachea doxinn' bhagant, Herakleopolis Magna, hea suvate lagsar Koma ganvant, 251 hea vorsak eka girest bhatkaranchea kuttumbhant zalo. To ottra vorsancho also tedna tachi avoi bapui hea sonvsarak ontorlim, ani tacho fuddle poramos tache ankvar bhoinin kelo. Tornnea piraer tachea mon'nant Jezuchim uttram saddlim, "Tuka sompurnn zaunchi khuxi zalear, voch, tuji lagim asa titlem-i vinkun ghoribank di, ani sorgar tuka thevo melltolo tea magir Mhgoje pattlean ie",[Mt 19:21] ani tednam tannim tim Uttrak khoreponnin pallo diun, tannim aplim bhattam xezareank dilim ani axillem titlem vinkun, dhuddu ghoribank dille ani aple bhoinink eka madrinchea conventant ghatli. Ani to devosponni gurucho xis zalo.


Sant. Anthonychem Mott (Bhitorllo bhag) 2006

Sant Antoniche mot'tvaxi jivit[बदल]

Tannem Ghor soddle uprant to pondra vorsam eka somadhint vochun ravlo. Uprant fuddlim vis vorsam Der El Memum hea ganvam lagim dongrachea tengsher eka pornnea killeant to ravlo.

Sant Anthonychea xinsancho ankddo vaddot' axil'lo. Ani laginchea dolinim ani tombhunim zaito kall passuin te xis rabitto kortale. Akrek 305, hea vorsak, aplo dhormik vo otmik guru zaunk, somzaun ani vinnovnim korun, Sant Anthonik sanglem teddnam tannem mannun ghetlem.

Tachem kaxelleponn mhonlear to aplem jivit magnnean toxem upas ani rat-zagronnan sartalo. Punn tori astana tachi bollaiki bhigoddli na ani to polleunk oskot oso dislo na. To choddso zaddancheo rompeo, mhov ani khazur khatalo ani tachi bolaiki bori axilli.

Aplea xinsanchi akarnnio ani otmik margdorxonn korpak tannim aplea jinnentlim panch vorsamvompun dillim. Tache xis ekvodde aple kasgi kuddint ravtale ani foktt dhormik riit velar bhair sortale.


Anthon Tallneancher zuzl'lo[बदल]

Athanasius Sant Anthony vixim govaiki dilli ki, Devchar Sant. Anthonik tallneant ghalunk khub vavurtalo ani al’lxiponnant ghaltalo, taka vazyeop vo ubgonn hadtalo ani bailanchea rupant ieun taka bhuloitalo. Punn to magnneanchea bollan hea sogllea tallneancher zoit vhortalo. Hea uprant to somhadint vochun ravlo ani to dharma bondd khorun bhitor ravlo, fokt lagincho ganvcho lok taka jevonn gheun ietalo. Anthonichi khor bhokti ani tachem magnnean ani ogiponnan sarillem motvaxi jivit polleun devcharak nosai zali ani to taka pidda-pidd ditalo ani to taka scintidda bhair poddosor mar ghatlo. Jedna taka hea bhesant lok pollelo tedna tannim taka vorun firgojent dovorlo.

To bhannar ailo tedna to porot pois Nile nodiche lagsar eka Pispir dongulleacher eka oronneant gelo, tea zageak atam Der el Memun mhonntat. Thoin to vis vorsam eka Romkaramnim bandillea eka pornnea killeant bhitor ravlo. Hea velar porot devcharan porot taka pidda pidd diunk survat keli ani ranvotti zonavoranche rupant taka khaunk ani tache kuddde korunk aillea baxen to sorpachea, vinchuchea, shivachea, ani her zonaoranhe rupant ietallo. Punn Anthon hastalo ani mhuntallo, “Mhojer zor tumkm podvi asli zalear, fokot ekuch zonavr puro aslem mhaka natak korunk” ani ea velar tancho dunvor zatalo ani tim nach zatali, ani hi zatali Devache mohmenchi khunna. To killeant also tednna tache jevonn eka lhan bhurkantlean ditalim ani konnak kosli bhudd gheubk zai zalear tannem bhairuch ravun to uloita tem aikopachem aselem. To konnak bhitor ghenaslo.

Sonvsarant Sant Anthoniche nimanne dis[बदल]

Sant Antonik apl'le nimanne dis pavle, hachi taka zanvikai aili. Tednam tannem aplea xisank appoun haddle, ani apllo danddo, Sant Macarius hachea hattant diunk sangle, ani toxench aplem mendra-chamddechem angavllem, Sant Athanasiusak diunk sanglem toxench anik ek mendra-chamddechem angavllem Sant Serapionak diunk sanglem. Uprant tannem apli melli kudd eke gupit suvater vorun purunk sanglem ani thoi koslich nixanni vo khunna dovrinaka mhonn sanglem.

Fest[बदल]

Janeracher 17ver Egyptache Sant Antoniche Fest Povitr Sobha somorombhta.

Patron[बदल]

Sant Anthon zaun asa patron,Katinche duvensacho, Peddeanco, panttleo korpeancho, sarun ani pixellea korpeancho.

Khunna[बदल]

T-hea lettrachea akharant axil'lo khuris, ek dukhor, ani ek pustok hea khunna Sant Anthonik sor kortat. Dhukor ani Khuris khunnaita Sant Antoniche, denvcharachea tallneancher ani vaitt otmeancher, Khursavorvim zoitt. Pustok khunnaita Antoniche, soimbache pustokacher tacho visvas.

Sant Anthonicher adharilli sahitya, kol'la ani chittram[बदल]

Sant Anthon fokt Coptic hea baxen uloitalo. Punn tachim uloupam Greek baxen baxantor korun dovorleant. Tannem aplea jinnnt kednam aple sondex boroun dovorleat oxem disona. Tachi jivitachi kotta legit Sant Athanasius, han'nim, Life of Saint Anthony the Great hea pustoka ugtaddar haddli. Tea bhair Sayings of the Desert Fathershantunt legun Sant Anthonicheo toddeo khotta mheltat..

Sant Anthonyn, kednach eka mott ghoddoun haddlem vo bhandun hadlem oxem na. tachem Tapasvi vo eksurponnan sarillem bhoktiponnachem jiivit zaitea lokak ek jivitachi dhek zali, ani hea lokhanni mottam ghoddoun haddlim. Sant Athanasiusachea borovpa vorvim tachi jivitachi dekh zaitea zannank melli.

Sant Anthonicheo Tallneo, hea vixoiacher, kollakaran'ni apli kal'la chitram ani her kruti vorvim zaito vavr kel'la. Egyptacheaa orronneant astana taka jeo talneo ailleo, hem tache vangddi, Alexendriachea Athanasius hannim ullekh kello.

Martin Schöngauer (ca. 1490), Hieronymus Bosch (ca. 1505) ani Mathias Grünewald (1512-1516) hannim Sant Anthonnim voir apllim chittram chittarlim. Spanish chittrakar, Salvador Dalí ani French borpoupi Gustave Flaubert, hannim aplea chittram ani boroupa vorvim spli bori kola dakhoilleza.

1946 hea vorsa, David L. Loew hachem - Albert Lewin hea choll chittr mondollin, SAnt Antonichea tallneancher, ek Chittrancho spordho mandunn haddlo. Zaittea kollakoranni hea spordheant bhag ghetlo ani Max Ernst haka inam favo zalo.

Sondorbh[बदल]

  • Encyclopedia Britannica, 1768, Vol 2
  • The World Book Encyclopedia, Vol A
  • A.J.M. Mousolfe, J.K. Mousolfe, Saint Companion for each day, 5th Print 2011
  • Catholic Encyclopedia
  • R. S. Amalraj. S. J. Saint for Every Day

Polleiat[बदल]

List_of_Catholic_saints

"https://gom.wikipedia.org/w/index.php?title=Sant_Anthon_Egyptacho&oldid=163985" चे कडल्यान परतून मेळयलें