Sant Anton Paduacho

विकिपीडिया कडल्यान
Jump to navigation Jump to search
Xivolechea firgojent Sant Antonichi murti
Saint Anthony of Padua with the Infant Christ by Guercino, 1656, Bologna, Italy
Miraculous Image of Saint Anthony, by Franciszek Lekszycki OFM, 1649, Przeworsk, Poland
St Anthony holding Baby Jesus

Saint Anthony of Padua[बदल]

Paduacho Sant Anton zaun aslo ek Portugues Franciscan padri. To ek girest familint zolmolo ani vadlo. Teka jivitant aplea sermavank ani povitr pustokache zannvaiek lagon volkhotale. Teka khup vegim Katolik firgozecho sant mhonn porgotlem. Xenlele vostu vo lok portun mellunk Sant Antonechi magnneache mozot ghetat. Xivolecho to patrao zaun asa.


Katolk Povitr Sobhechea santam modlo St. Anton zaun asa ek khupuch loukik ani lokachea mogacho sant. Sandlolea ani chorun velolea vostuncho to askari. Chitr chitraupeani taka hatant Minin Jezu, lily ful, pustok vo borobor tinui vostu gheun pintarla.

Sant Anton, Agostache 15ver 1195 vorsa Lisbon xarant zolmolo. Tachem zolmachem nanv zaun asa Fernando Martins de Bulhoes. Anton 25 vorsancho astana, Morocco desant panch Fransiskan ordichea padrink gomtti katrun jivexim marleat mhonnpachi khobor tachea kanar poddli. Hi khobor aikon aponnui Jezu pasot rogtsakxi koxo mortolo mhonn tannem aplea monant ghott thiraylem. Apleak Morocco desant dhaddunk aplea vhoddilam lagim tannem maglem. 1221 vorsa to Fransiskan sonsthent bhitor sorlo ani vhoddilanche porvangen Morocco vochunk bhair sorlo. Punn Morocco-n pavlea uprant to boroch duent zalo. Apli bholayki kosich sudorna ti polloun Purtugalak portonk tannem xevttacho nirnnoy ghetlo. Vatter astana tachem tarum zobordost tufanak sampoddlem ani Messina, Sicily yeun toddik laglem. Hangasor to Fransiskan sonsthechea 3000 vangddeam sangta ravonk lagolo ani Fransisk de Assisi-k poilech pautt bhettlo.

Eka disa, 1222 vorsa Forli xarant yadnikponnachi somorombnni asli. Kaim goirsomozak lagon provochon konn kortolo ho proxn thoinsor upraslo. He somorombnnek zaite Dominican sonstheche vangddi hajir asle ani soglleanchi somzonnim zaloli tanche modhlo konn tori eklo provochon kortolo mhonn. Pun konnuch fuddem sorona tem polloun Anthony lagim maglem sermao korunk. To poilim fattim fuddem soronk laglo. Uprant tachea vhoddilamni taka sanglem Povitr Atmo kitem suchoyta tem uloy mhonn. Hea velar Anthony-n thoinsor itlo boro sermao sanglo ki tache jibeche sudd-sudday polloun sogllech ttotakle. Uprant jen’na to provochon korpacho astalo ten’na dadle aplim dukona bond korun hajir zatale, bailo sokallim fuddem utton kopelani zago addaitaleo. Povitr Atmean tache jibek ek veglich xokti diloli. He jibeche xokten tannem vhodd-vhodd kirmidoranchi, on-bhavarteanchim monam bodoll’lolim.

Anthony 36 vorsancho astana June-ache 13ver 1231 vorsa somplo. Kaim vorsam uprant tachi kudd ustili ten’na tachi soglli kud kusloli bhairaun tachi jib, ji tea velar sarki taji ani sulsullit asli. Tachi jib aiz-meren Paduache St. Anthony Bazilikent lokak pollounk melltta toxi dovorloli asa.







Polleiat[बदल]

Bhov_Folladik_Magnnem_Sant_Antonnik

Sant_Antonik_Noven

"https://gom.wikipedia.org/w/index.php?title=Sant_Anton_Paduacho&oldid=169503" चे कडल्यान परतून मेळयलें