Sant Ekanath

विकिपीडिया कडल्यान
Jump to navigation Jump to search

…. Page needs to be Edited.

(zolm': 1533;moronn: 1599).

Ek namnecho sont kovi. Zolm' moharaxttr rajeantlea poitthonn vattharant zalo. Bapaichem namv suryonarainn ani auychem namv rukminni. To lhan astonach auybapaik moronn ailem, dekhun tachea ajean taka lhanacho vhodd kelo. Voyachea sovea vorsa munz zatkoch tannem tea kallantole podhdotipromann somskrit bhaxechem ani her xichhonn ghetlem. Pirayechea baravea vorsa to deugiri hanga raupi zonardonsvamicho xixy zalo. So vorsa thoim raun tannem somskrit xastropurannancho ani goneanexvori sarkea adheatmik gronthancho obheas kelo. Fuddem gurukripen taka pormexrvori sakxatkar zatkoch tannoim sat vorsa tirthoyatra keli.

Pirayechea ponchvisavea vorsa zonardon svamiche agoneepromann tannem grihosthaxrom' apnnailo.Tache bailechem namv giriza. Taka horiponddit namvacho ek cholo ani god ani gonga namvacheo don choleo zaleo. Eknathachea jivitacher kitleoxeoch akheayika asat. Tatuntleo kaim oxeo:osprixeachea vatt chukil'lea bhurgeak hannddir gheun mharvaddear pavoup, xradhdak brahmonn yenat tem polloun xizoil'lem on'n osprixeank divp, tanel'lea gaddhvak gongechem udok pazop, hacheavelean ovdoit vedantacho veapok orth tachea angant kholayen asa hem disun yeta.

‘chut:xrloki bhagout’ hi tachi poili rochna. Uprant tannem ‘hostamolok’ , ‘xukaxttok’,svatmosukh’, ‘anondolohori’, ‘chironjiupod’ , ‘gitasar’ , ‘anondanubhou’ , ‘rukminni svoimvr’, eknathi bhagtrot’ , ‘bhavarth ramainn’ he gronth boroile. Tannem rosall xoilint boroil'leo tullximahatmy’ ani ‘sitamondodorichi ekatmota’ heo purannokotha; somvsarik monourit'tichem dorxon ghoddoupi ‘hollduli’ ani ‘krixnnodan’ hoyo krixnnokotha; konzus monxachem svobhauchitronn chitaropi ‘kodryu-akhean’ ; dhruv, prolhad, upomnyu ani sudama hancheo loghuchoritrokotha ani goneanexvor sarkea sontach sonkxipt jivitokotha heo tacheo her rochna zaun asat. Toxech khas korun xrikrixnnacher adarun axil'lea gey podanchi rochna tannem kelea. Tachi ‘variane kunddol hale’ , ‘osa kosa devacha devo bai tthkodda’ adi podam ozun tonddar ghollttat. Tannem 125 vixeancher hale’ , ‘osa kosa devacha devo bai tthkodda’ adi podam ozun tonddar ghollttat. Tannem 125 vixeancher sumar 300 bharuddam rochleant. Eknathachi choddxi rochna saddechar chornni ovi chhondant asa.Gurubhkti, parmarthik onnbhou ani somajik sthiti hea vixeancher tannem obhong rochleat.Tannem proponch ani pormarth, toxench sont'tv ani somazodhdar hancho aple jinnent boretoren mell sadtolo. Teravea xenkddeant goneanexvor-namdevo hea sontamni bhousakhatir bhoktimargachi thapnnuk kel'li. Fuddlea oddechoxem vorsant younanchi sot'ta ayil'loyan bhoktimargacho probhavo unno zait gel'lo. Ten'na eknathan bhagout ponthacho punrholm' kelo. Aplea bhagouti borpant tannem bhoktiponthachi xastrokt thapnnuk keli.


Polleiat[बदल]

Eknath

ह्या विषयावयर देवनागारींत बरयिल्लें पान वाच : एकनाथ, संत
"https://gom.wikipedia.org/w/index.php?title=Sant_Ekanath&oldid=163543" चे कडल्यान परतून मेळयलें