Tiatrachim kantaram

विकिपीडिया कडल्यान
 
Romi
   

Tiatrachim kantaram him kantaram Tiatrachem daiz. Kantaram tiatracho atmo. Kantarank lagun tiatr odik surbusta. Tiatrachem ek-ek kantar ek-ek xikvonn porgott kortat. Thoddim kantaram hansyallim zalear uril’lim gombhir sobhavachim astat. Tiatrak boro kantar korpi asa zalear tiatrak borich gordi poddta.

Kantarancho Orth[बदल]

tiatrachim kantaram ho ek tiatracho bhag . kantar hem utor portugez bhaxentlem , tacho orth git gavop. Kantar mhollear utrancho ani songitacho mell . Kantar ho prokar don podd’ddeam mozgotim palkar sador zata . Heam kantarank mull kothanoka kodden kainch sombond asona . Tiatracho ek vixoi asta zalear kantarache veg veglle vixoi astat . Tiatrak komich komi dha kantaram aspakuch zai. Odik kitlim asunk zai tim digdorxokan tharaum yetat. Songit vazovpi ani songit gavpi he zorui palkar ani palka sokol dispi asle , torui git rochpi ani songit rochpi he bunyadiche monis.

Itihasik fattbhuim[बदल]

Tiatrak kantaram gavpachi chal koxi aili? Oso vichar kelo zalear sompeponnim zap dium yeta. Hi zap sodunk amkam tiatrachea mullak vochpak khub mhotvachem.Italian bhurgo ho konknnintlo polio voilo tiatr, 17 April, 1892 vorsa palkar sador zalo. Ho poilo tiatr palkar sador korpacho Man Lucasinho Rebeiro haka pavta ‘ The Goa Purtugez Dramatic companichea asreakhala ho tiatr zolmank ailo New Alfred Theater-ant Mumbai xharant hea tiatracho proyog zalo. Ho Tiatr Italian operachoch ek lagxil’lo onnkar. Ho tiatr sador korpak zaitem setting lagtalem. Ek podd’ddo dakhovn dusro podd’ddo dakhovpaksetting manddpak vell zai aslo . ho settingacho vell bhorun kaddpak eka pod’dea fattlean ek kantar mkhel podd’ddeacher gavpak yogya zalem. Khorem mhonnllear kothanok sorollponnim dakhovpachem aslem. Machi vevosthek lagon kantar gavpak mukhel podd'ddear suru kelem. Poilim-poilim him kantaram English ani konknni bhaxecho vapor korun gayonan zatalim. Atam hi chal kuxik poddlea atam koknnim bhaxenuch kantaram palkar gaitat. Her dusream bhasancho upeog fokot gorje purtoch zata.

Prokar[बदल]

Kantaram hi don prokaranchim astat.

Tiatrachea kothanoka kodden sombondh axil'lim kantaram[बदल]

Tiatrachea kothanoka kodden sombondh axil'lim . hea prokarant don torenchim kantaram aspavtat.

Opening chorus

Tiatrache survek git gavop vo kantar zata, taka opening chorus oxem mhonntat. Hem kantar tiatracem kothanokacher adharit asta.Hem kantar ek sut koxem tiatrachi akh'khi kotha vinnunk adharachem zata.

cantos vo kant

Opening chorus heach kantara bhaxen anink kantaram tiatrachea kothanokank zoddun astat. Tanka Cantos vo kant oxem mhonntat. Hem kant chodd korun ek verse ani ek chorus oxem bosoil'lem asta. Chodd korun ek tiatrant tin te char kant aspvtat.

Mog kornareanche ul'lhas
Khuxalkayeche umalle
Dukhiche tollmolle

Tiatrache kothanoka kodden sombondh naxil'lim kantaram[बदल]

Hea prokarant sov toremchi kantaram aspavtat. 2.1 Solo 2.2 Duet 2.3 Duvo 2.4 Trio 2.5 qquartet 2.6 choral kantar hea prokara bhair ani veglle torechi kantaram asum yetat.

Solo

Solo hem utor purtugez bhaxentlem. Tacho orth eklo. Hea kantarachi vixextai mhollear hem kantar eklo va eklem gaita.Hem kantar gavpi magir dadlo,bail tornatto,bhurgo va bhurgem asum yeta. Hea kantarak chodd korun cloun koxem pachartat. Oxea torechea kantaracho vixoy virodhi vo gombhir astat. Ho solo machiyer cholta astana bhitor ravun dusrea konnai gavpean taka-tika sangat div yeta. Ho bhitar sakun gaita to vegvegllea suran gaita. Chodd korun palkar axil'lo gavpi poilea suran gaita zalear bhitor axil'lo gavpi dusrea suran va khoimcheai dusrea suran gaita. He sangat divpi gayok ek va don vollin va chorus cholta tednam zav yeta.ho solo cholta astana kantaram sombondhi vegvegllim cholchitram projector-achea adharan dakhovn yetat. Toxench palkar vegvegllea vostumche prodorxon korun ek vo odhik veakticho vapor korum yeta.

Duet

Duet hem utor purtugez bhaxentlem . Hacho orth dogam zannam. Him dogam zannam mhonntana eklo dadlo ani dusri bail asunkach zai. Hem kantar choltanam dogam modem bhasabas aspak nebel gorjechem. Vers gaitana sonvad ani chorus gaitana odhik sur asop ot'teant gorjechem. Toxench thoddeo volli sonvad rupan ani thoddeo volli odhik suran gavop keleo zalear heai prokarak duet mhonnum yeta. Tiatr palkar sador kortana don duet-am aspakuch zai.

Duo

Duo hem utor purtugez bhaxentlem. Tacho orth dog zann va dog zannam. Dog zann mhonnta tednam dog dadle va dog bailo duo gavpachi pod'dhot dueta sarki samballchi poddta. Na zalear to duo zavpak pavnam. Tiatr palkar sador korta tednam komich komi ek duo aspak nibel gorjechem.

Trio

Trio hem utor purtugez bhaxentlem. Tacho orth teg zannam. Hem git gavpi tegui dadle va tegui bailo va dadle ani bailo hanchi misollnim asum zata. Kantarachem svovrup duet va duo bhaxen sonvad va bhasabhasachem aspak nibel goroz. Trio gavpachi pod'dhot duet ani duo sarkicch sambhallchi poddta. Na zalear trio zavpak pavona. Tiatr palkar sador korta tednam ek tori trio aspakuch zai.

Quartet

Quartet hem utor purtugez bhaxentlean upzolam. Tacho orth char zannam. He char zann magir sogle dadle va soglleo bailo asum yetat, vo donaichi misollni asunk xokta. Kantarachem svorup duet,duo ani trio bhaxen sonvad va bhasabhasachem aspak nibel goroz. Quartet gavpachi pod'dhot duet,duo ani trio sarkhich samballchi poddta na zalear to Quartett zavpak pavonam.

Choral kantar

choral hem utor English utrantlean upzolam. Tacho orth pongodd. Hem kantar pongodd koso sangati gaitat. Hem kantar novem pod'dhotichem. Adhunik torenchea songitacho tacho aspav zata. Oslem torechem kantar palkar novem rupanchem songit gheun yeta. Oslem torechem kantar tiatrachi ruch odhik vaddoita. Tiatr palkar sador kortana komich komi ek tori choral kantar aspakuch zai.

Sondorbh[बदल]

"https://gom.wikipedia.org/w/index.php?title=Tiatrachim_kantaram&oldid=214950" चे कडल्यान परतून मेळयलें