Varca

विकिपीडिया कडल्यान
Jump to navigation Jump to search
 
Romi
   
Administrative map of Goa

Varca[बदल]

Village Panchayat - Varca
St. Sebastian Chapel- Varca
St. Cruz Chapel- Varca

Goy hem Bharotachem dakhtulem raj zaun asa. Sobit doriache Kinare, Igorzo, mondiram, masjidam, sonvsarachem vastuxilp xastr daizonim revoddlelem asa. Vorsachea vorsk khub bhonvdekar Goyant ietat. Amchem Goy 2 jil’leanim vantlele asa, ek uttor Goy ank dusrem dokxinn Goyem. Dokxinn Goyant Varka mhunn ek ganv asa. Hea gavant sobit sundor doria velleo anik vhodd hotelam hea ganvant asat. Akhea Varkechea ganvant 13 vadde asat. Hea ganvant sogllo lok konknni bhas uloitat.

Ho ganv Varkkechea ponchayati khala asa. Hem Ponchayat Ghor Igorjachea samkarak asa.

Ek Ponchayat mhunllear ek Ap- Serkari sounstha. Anik hacho mukheli mhunnlear ganvcho sarpanch. Hea panchayot ghorant ek Topal Khatem anik ek Bolaiki Kendr asa. Ponchayotichea ghorache bazuk ganvchea lokak ek Reixonachem dukon asa. Hea ganvak laguim Xar mhunnlear Moddganv xar, jem varkechean 14km pois asa.


Varkechim doria vell borich sundor asa. Zaitim famad jevnnachi anik vasti korpachi hotelam hea ganvant asat. Varka ganvant ekuch firgoz asa ji Gloria Saibinik bhettoileli asa. Hea ganvant zaitim kopelam asat. Hi Gloria Saibinnichi igorz Jesuitanim 28 ver Maiache 1635 hea vorsa staploli.


Hi Igorz 15 ver Dezembrache 1700 hea vorsak portun bandloli. Padrink ravpachem novi imarot 24ver Abrilache 1998 hea vorsa bandun tache uzgatton kelele. He Igorjek 300 vorsam zalim.

Varkechea ganvant soglleam poros pornnim imarot mhunnlear Gloria Siabinnik bhettoileli Igorz. Azun pasun hi Igorz chaluch asa. Igorjachea bazuk St. Mary’s iskol asa. Hem iskol Igerja Khala cholta. Varkechea ganvant vorsak tin porbo somorombhtat. Gloria Saibinnichi porob Novembrachea mhoineant dusreea aitarak zalear Bhagivont Michaelachi porob Maiachea dusrea aitarak zalear Bhagivont Michaelachi porob Maiachea aitarak monoitat. Varkechea ganvant hi zaun asa poili porob. Anik tisri pporob Novembrache 27 ver Jezuchi Milagrinchi Imaz hachi porob kortat. Purvoz sangtat te parmonnem khub vorsam fattim Sal nodint hi Jezuchi Milagrinchi Imaz eka munxak disti paddli. Ti Imaz tea munxean igorjent haddun dili. Hi Jezuchi Milagrinchi imaz porbe disak anik nimannea sukrara disa lokak boxunk dovortat.

Our Lady of Piety Chapel- Varca

Varkechea ganvant igroz anik kopelanch nhoim bogot ek Damodar Devak bhettoilele ek mondir asa jem 300 vorsam fattim sambhari lokanim bandele.

Varkechea ganvant ek Ihan bolaiki kendr asa jem ganvchea lokak khub faideak poddta. Ho bolaiki kendr sokallchea 9:00 vorar tem donparche 1:00 vorar anik donparche 2:00 tem sanje 4:30 vorar pasun chalu asta hea kendrant Moddganvcho Dr. Nixon anik Assolna ganvchi Dr. Shanti Almeida lokak topasunk ietat. Tea bhair tankam adar diunk norseo asat. Sr.Maria anik Ms. Carmina Baretto hea kendrant aplo adarui ditat. Hea kendrant dor brestarak donparche 2:00 vorancher chinchone kendrachea adaran OPD choloitat. Tea bhair dor mhoineache 22 ver Ihan bhurgeank poliocho dose ditat anik 19 ver Janerache dor vorsak pulse poliocho dose ditat. Dusrim ier duensam zoxe orim malaria zor, filarial anik Aidsache pidde vhoir ganvchea lokak khub xikounn ditat. Varkechea ganvaant loka khatir tin okdanchim goram asat.

The Sub Health Centre- Varca

Varkechea ganvant ek vhodd moidan asa anik hem moidan Varca Sports Club-achem mhunn pachartat. Hea moidanacher chodd korun futtboll khell zatat. Amchea Goyant futtboll khell chodd famad anik to amchea sonskrutaientui asa.

Varca Sports Ground

Varkechea ganvant ek Ihan bazar asa. Hea bazarant zaitea basachim vastu vikpachim dukonam asat. Hea ganvant ek Ihanso super market asa zoim soglleo vastu ekech kodden vikrek melltat. Bankam anik kens katorpachim dukonam hea ganvant asat.

A vegetable shop In the Varca Market

Tea bhair bhailea lokanim hathkamachi khub dukonam ghatleant. Hea dukananim hathanim kelelea zaiteo sundor anik sobit vastu vikrek meutat.

A Handicraft Shop 1- Varca
A Handicraft Shop 2- Varca

Varkechea Ponchayat ghorant ek Topal khatem asa.

Hem Topal khatem sokallchea 8:30 vorar tem donporam 1:30 vorar anik donporam 2:00 tem sanje 4:30 voram meren lokache seve khatir chalu asa. Hea khateant chear zan kamak asat. Mahiti pormonnem disak 30 nond chitti, 200 sadeo chitti anik 40 speed Topal chitti tankam meutat.

Post Office- Varca

Varkechea ganvant sogllim mellon 3 iskolam asat.[बदल]

Varca gavanth 3 iskolam asath. Ek mhuliar St. Mary’s High School jem Igorz choloita.

Our Lady of Gloria HIgh School - Varca

Hem iskol “Our Lady of Gloria igorje kuxik asa. Dusrem iskol zaun asa Ghorment iskol zem fokoth primary shikshon dita. Hevui iskol igorje kuxik asa.

Government School - Varca

Thisrem iskol zaun asa Cambridge iskol jem ek english medium iskol.

Cambridge School busses - Varca

Igorje mhukar ek bus stop asa zo Mr.Agnelo Mendonca ani tache familin 1979 vorsa bandillo.

Varca Bus Stop

Hakach tekun ek motorcycle stand asa.

Varca ganvan Varca vhele famadh.[बदल]

Varca Beach, Goa (5646696775)

Hanga bhorpur tourist lok yetath. Hanga khup beach resort asath zoshe Radisson White Sands Resort, the Club Mahindra Varca Beach Resort, ani Serenity Residency. Tourist lok hea veler aplo kup vel sarthath, Vheler khup shacks asath, hanga tourist lok ruchik nustem khatath ani veher pevpak voithath. Vheler sun bathing, para sailing ani boat bhovni asthath. Vheler motorcycle bhadiak meltath.

Varca gavche purai loksankhya zaun asa 5439. Dadleachem pratishath 47 ani Bailachem pratishath 52.5. Varca gavanth Vachunk borounk ieupi lokanchi sankhyazaun asa 70 pratishath. Dadleachi literacy zaun asa 70 pratishath, ani bailachim literacy zaun asa 69.5 pratishath. Varca gavanth chod lok kristav asa ani todhe hindu.Atamche Varcache dadle tarvotty ani NRI.


Touristank lagun Varcache chodshe vaivasai Holelamchem. Hanga khup bank asa zoshe, HDFC, Corporation Bank, Bank of Baroda, ICICI Bank, ani Kotak Mahindra Bank. Home Centre and Vaz Supermarket touristanche ani ganvchea lokamchea shopingache main thikan, karan hanga soglem melta ,lokank ani pois vochpachi goroz na.

Home Centre super market - Varca

Wnetworx Business Centre gavam bhor wifi pavoita, tochech advertising and tiketi book korta.

Varcacho lok Dekhnni, Fugdi, Mando, Dulpod ani Fado khelta. Toshemch Varcain aslolea hindunk, Natak, Bhajan ani Kirtan avodtha. Xit kodi songea gharani astach, ani Bhov korun festank kristav lok dhukrache mas randhtath. Hindu lok Khathkatem kartath.

Poiliche varcache lok shethkamthi, ani nustekaram. Varcaianth khup dotor, poder, padekar,

Padekars of Varca

ani tavai asath. Todhe lok gorva choroitath.

Cattle rearing in Varca

Varca gavanth St. Thome Museum ogodhpache asa. Hanga famadh lok asa zoshe Shri Churchill Alemao zo goaincho bandhkam mantri aslo. Varca gavanth ek Sahakari Sansatha, 2 Varca khellacho ghutt, 1 Mahila Mandal Group ani 1 Ration Shop asa. Ek Varca Orlim village farmers’ sansatha pasun asa ji Varcachia shethkamtiank harvester bhadiar ditath.

Mhutath ki 300 vorsa adi, Mendonca familin Nosa Senehora de Gloria igorz bandpak thode poishe dille, mhunun tea familik ek honour dila ki hea familin St. Sabastianvache pursavn ghodiar hadpache ani tanchea gharanth magnem korun pursavan igorzen vochon mis aikpachem. Hem dor vorsa janerache 11 ver, 14 ver ani 20 ver zata. Tochech hanga anik ek pursavn zata ze charui vaddeache lok kortat. Sogle vadde aplem band vazoith, magnem korit yethath ani igorge samkar ravtath. Hem ani khuich zaina fokot Varca gavath zatha.


Polleiat[बदल]

Goy Wikivoyage

"https://gom.wikipedia.org/w/index.php?title=Varca&oldid=192379" चे कडल्यान परतून मेळयलें