Velim

Velim ho ganv Goenchea dakshin zilleant asa. Ho sobit ganv Sal, hea nhuichea khuxik ani doreachea deger vasta. Hea ganvchi supik zamin Sal hea nhuichean ieta ani koss dorechea lharantlean ieta. Velimchea lagi axilem mhukel xhar zaun asa Modganv, jem 25 kilometerachea antaracher asa. Velimche xezari ganv zaun asat Cuncolim, Assolna, Chinchinim ani Betul. Oxem mhonntat ki Veliche purvoz hea ganvank ‘veller’mhonn ollkotale zache orth konkani bhaxen doriachi deg zaun asa. ‘Veller’ hea utrantlean hea ganvche nanv ‘Velim’ sompurn zalam. Hea ganvank Velim xivai ani khoicheach nanvan vollkonat. Hea ganvcho chetrfall zaun asa 814.40 Km2 . Tache akhanch rekansh zaun asat 15°11’N 73°58’E/ 15.18° N 73.97° E. Ho ganv 10m vo 30 ft doriache pavner asa. Hea ganvchi mukhel nhui Sal zaun asa. Hea ganvant Sal nhui, Arabian Doria haka melta. Paschim Ghat hea ganvant disona. Rashtri Mhahamarg, Konkan railghadde rosto hea ganvantlean passer zaina, hea ganvant rana nhat, punn hanga zaitim manshache daldalink zavpache zadda distat. Hanga kosleim Udeogi Vasahat nhat. Velimchea Carxetta hea vaddeant, lok bhaim uspinant karan thoim zaitim konvcham meltat, kiteak ho ganv doriachea dege lagim vasta. Hea ganvant don firgozeo asat- Sant Francis Xavier firgoz ani Sant Rockachi Firgoz. Oxem mhonnlolem asa ki jednam Sant Francis Xavier Goeant ailolo aplea missionarichem kam fuddem vhorunk, tednam to Velim ganvant ievun liplolo kiteak Kristanv missionarache jiv kathreak asle. He khatir hea ganvche donui firgojeche patranv Sant Francis Xavier zaun asa. Hea ganvant fokot ek mandir asa jem Vishnu Devak puztat. Hea ganvant don bholaiki kendr asat. Ek Barade ani dusro Tolleakanto hea vaddeant asa. Hea ganvant ek panchayat ghar asa. Hea ganvant char khell sang asat. Hea charui khell sanghan modlo ‘Zaino Sport Club’ khub namnecho. Dusre khell sangh jem hea ganvant asat tem ‘Barade Sports Club’, ‘St Rock Sports Club’ ani ‘Velim Gymkhana’. Hea ganvcho famad zago zaun asa ‘Cutbona Jetty’. Hea lhan dakhear, dakshin goemche nusteache trawler nuste gevunn ieta. Hea ganvcho zaito lok nuste marpacho ani nuste vhinkpacho dhonddo kortat ani aplo ghorabho choiloitat. Hea ganvant don bazaara asat.- Velim Bazaar ani Bapsora Bazaar. Hea ganvant thin ‘yogya kimathache pasre’ asat ani ek dakh ghar asat. Hea ganvant don xalla asat. Tanche nanvam zaun asat – ‘St. Francis Xavier High School’ ani ‘St. Rock’s High School’. Hea ganvant ekuch bus thambo asa. Hea ganvant samaj sabha ghar , cinema ghar, sanskrutik kendr, kille, college vo mahavidealai taxiche ani motorcycleliche thambe nhat. 2011 lokghonnti pormanne, hea ganvcho purnn loksankya zaun asa 5,955. Hea purai loksankya modle 2,805 narr lokasnkya ani 3,150 narri loksankya zaun asa. Hea ganvche purai mustaikicho ankddo 1,536 zaun asa. Hangacho purai shikshit loksankya zaun asa 4,639; zanche modle 2,286 shikshit narr loksankya ani 2,353 shikshit narri lonksankya. Hea ganvcho purai nirakshar lonksankya zaun asa 1,316 zanche modhle 519 narr ani 797 narri asat. Velim ganvchea purai loksankya modhle , 53 anusuchit zathicho lok asa ani 2021 anusuchit zamaticho lok asa. Purai loksankya modhe chad lok Sarvavyapi darmacho lok ani thodhe Hindu lok asa. Velimchea lokank ‘Vellekar’mhonn vollkotant, hea ganvcho ‘Zonkar’ samazak soglleachean thallavo samaz mhonn mantat. Oxem mhontat ki Purtugezachea temphar hea somazak Purtugez sorkar dhan ditalo zaka ‘zon’mhonntale. Hea ganvache render ani nusthekar dusrea annadi zaticho mhonn mantat. Hanga oxem mantat ki kharvi (nusthekar) hea ganvant Purtugezachea thempar aylole. Velim lokhancho mukhel paramparik vevasai vo vaur-dondo zaun asa nusthe marpi. Dusre paramparache vevasai zaun asa, sursthallak lavpi vo rendher ani xethkamthi. Bhath hi dhanyache pikh pavsachea thempar rovtath. Tambdi bhaji, mirsango ani mullo heo dusre pikh je hea ganvchea xethanth shiyalleachem thempar rovtath. “Sangod” hem parab, hea ganvchi tosich tachem ek xezari ganv, Assolna ganvchi parab zaun asa. Hi sanskruthik parab 24 Junache dor vorsak zata. Hea disa Sant Juanv Baptist hea Santache parab manaitat. Hea ganvcho lokh hea disa aple vhode fulamnim nettoitat ani vhoddeant bosun bovndek Assolna thaun, Cutbona Jetty, Sal nhuinchea voilean vetat. Sangodache bhair, Carnival hi parabui khub jethan manaitat. Hea parbek lokh rangabirangi, navlacheo kapde nhesun purai ganvant ranken vo paradant vetat. Hi parade Barade khursa lagim vochun thambtha. Hea ganvcho anik ek mhatvache parab mhonnche, Barade Povitr Khursachem parab jem tim dhar varsak Mayache 3re manaitat. Lokh manthat ki jednam konnui apli kaslei arjh karta ani thin pavti Barade khursak vartull vatat, tedna tanchi arjh puri zata. Barade khursachea vismit sabhavgunna khatir zaitea xezari ganvcho lokh thoim bhett ditat. Decembrachea 3rer Sant Francis Xavierachi parab-ui manaitat. Hi parab khub vhoda dhabajean ani khuxalkaien Sant Francis Xavier firgojent manaitat. St. Rock firgojent lokh St. Francis Xavierache parab Otumbrachea nimannea Aitarak manaitat.

Goemchi poili danvteri vo motorachi dhani vo malik, Reginaldo D’Sa zo Velim ganvcho ashilo. “Amche Goem” jem ek namnecho Konkani kantar zaun asa, taka Agapito Xavier jo Vellechoch hanne hem kantar barailam.

Goenche sutke khatir zuzpi Mr. Rocksantan Fernandes, velim ganvantlo. Purtugez Rajyapal hannim Goeak sutka divche khatir tannem bhukh hardtal davarlem. Hache bhair Mr. Olavo Barros hovui ek Goenche sutke khatir zuzpi aslo. Goenche namnecho tiatrist, ani kantarist Wilmix ani Sharon Mazarello, hi Vellikaram zaun asat. Goenche ek namnecho voiz, Dr. Wilson Mazarello, hovui Velim ganvcho. Dr. Arvind Almeida zo ek khub famad burgea voiz zaun asa to ek Vellekar.

Dusri Mhaithi: BPL Hithadikariche sankya-12, NREGA card aspat-40, SGH-achem sankya-6, Sarkari uddeg/bhandar samazachi sankya-1, Nondh zalea khell sanghachi sankya-4, Mahila Mandalachi sankya-0, Xethkamthi sanghachi sankya-0, Yogya kimathachi pasreachi sankya-3, Anganwadiche sankya-9