Draupadi
Romi
|
Draupadi[बदल]
Droupodi, panchal dexacho raza iogonesen drupod hachi choli, panddvanchi bail ani mahabharotachi naika. ponchal dexachi razkonea mhonnun panchali, rongan savlli axil'lean krixnna, iogonesenachi choli mhonnun iagoneseni oxim dropodichi her nanva asat. punn droupodi hem nanvch chodd namnek pavlam.
tichea purvozlmacheo kotha purannant mellttat. mohabharot, adiporv, 167 hatunt ayil'le kothenusar droupodim purvozlmim mudogol rixichi nalaini nanvachi bail axil'li. mudogol rixi mhataro axil'lean tichi kamvasona purai zali na. tinnem xonkrachi aradhna korun vor melloilo ani fuddlea zolmant tika panch ghovo mell'lle.
drupod razan ekdam dronnacharoiacho opman kelo. dronnacharean aplea xixeamvorvim drupdacher har ghali. tankam marpakhatir drupdan yogn kelo. tea iogoneantlean dhrixttodeumn nanvacho ek cholo bhair ailo ani ek savllea rongachi choli aili. tichench nanv droupodi (mohabharot, adiporv 167).
devi bhagvotapromann (skondh 9) ramvotarant ti maiasita mhonnun zolmoli. sitek ravonnacho sporx zanvcho nhoi mhonnun ognin sitechem rokxonn kelem ani maiasita ramasangta ranant geli. tichem ravonnan horonn kelem. ravnnak martokoch ognin ramak sitak porot dili ani maiasitek soddun dilem. agni ani ram' hanche agoneen maiasiten xivachi aradhna keli. 'mhaka ghovo di' oxem panch khepe mhonnttokoch xekran tika vor dilo ani fuddlea zolmant droupodi mhonnun zolmak ievn ti panch panddvanchi bail zali.
droupodi lognachi zatokoch tichem svoim-ivor thartolem. hea vellar panddov lakxagrihantlean suttun ekochkra ganvant, bhikxa magun, bramhonnovexant ravtale. dhonurvidhient kuxoll axil'leak droupodi dinvchi mhonnun drupdan dhonnu ani ghunvpi iontr toiar dovoril'lem. 'dhonnovak dori lavn zo iontratlea lokxeacho vedh kortolo, takach droupodi mall ghaltoli' oxem dhrixttodeumonan sanglem. koronn sutputr axil'lean droupodin taka poilinch nhoikarlo. sogllea razamni iotn korun polloitokoch nimannem orzunan lokxiobhed kelo ani droupodin taka mall ghali. droupodikodden dhormorazan logn zanvchem oso orzunacho hott'tt zalear orzunan droupodik jikhil'lean tannench droupodikodden logn korchem oxem dhormorazalem mhonn'nnem. nimannem panchui panddov avoi mhoreant gele ani tannim sanglem 'aiz ami vhodd bhikxa haddlea'. teborobor sodchepromann kuntin 'tumi ti vanttun gheiat' oxem sanglem. punn droupodik polloitokoch kuntik lojesangata vaittui dislem. avoichem utor khorem korpakhatir droupodi panchui zannanchi bail zali. dor ekleakodden tinnem sarke dis ravchem. hea kallant heramni tichesoren vochchem nhoi, zo konn vochot taka bara vorsam vonvas bhogcho poddttolo oxem thoroilem. osle chukik lagun fuddem orzunakuch vonvas bhogcho poddlo.
dhormoraz kovrovamvangdda diutant harlo ten'na savn droupodiche dukh'khi jinnek survat zali. bhorsobhent duxasonan tichi vittombonna keli. hea vellar dhritraxttran tika obhoi divn vor dilo. aplea ghovanchi suttka zanvchi oso tinnem vor maglo. dhormoraz portun diutant harlo ani panddvank droupodisokott vonvas bhogcho poddlo. vonvasauprant panddvanchem duriodhonavangdda zhuz suru zalem ten'na drovpodichi kovrovankoddlean zal'le vittombonecho panddvamni sudd ghetlo. mhaprosthanache vatter droupodik moronn ailem. droupodik protivindhio, sutsom', xrutkirti, xotanik ani xrutkorma(xrutsen) oxe panch put zale. punn bharoti-i zhuzant oxvot'thamean tankam marle.
Chitr Prodorxonn[बदल]
-
Raja Drupada Begs Shiva to Grant him a Boon -
Vyasa telling the secret of birth of Drupadi to Drupada
-
The Swayamvara of Panchala's princess, Draupadi
-
Drupadi and Her attendants -
THE ORDEAL OF QUEEN DRAUPADI by Warwick Goble 1913 -
Draupadi and Bhima, as depicted in yakshagana. -
Draupardi taken to forest by Simhika, who plans to kill her -
Draupadi falls as the Pandavas proceed. -
Draupati Amman idol in Udappu, Sri Lanka
