Duryodhana

Romi

फायल:Duryodhana showing his army to Drona.jpg

Duryodhana showing his army to Drona

Duriodhon ho mohabharotantlo kourvancho mukheli ani hostinapurcho somratt. kovrov kullantlea dhritraxttrak gandhariposun xombor put zale. tatuntolo dureiodhon ho sog soglleant vhodd. to zolmole uprant zaite opxokun zale dekhun dhritraxttran hevixim bramhonnank vicharlem ten'na bramhomamni to kulkxoi kortolo mhonnun tacho teag korpak dhritraxttrak sanglem. punn tannem toxem kelemna. pondduputr dhormoraz ho duriodhonaporos vhodd ani bhim' tache vangoddcho. soglle kovrov ani panddov ekttham-i lhanache vhodd zale. survatiposunuch duriodhonachea monant panddvamvixim dusvas axil'lo

kovrov ani panddvank dronnacharean xostrvidea xikoili. tatunt orzun soglleant huxar thoril'lean duriodhonachea monant orzunavixim dusvasi bhavna nirmann zali. duriodhonak bolramakoddlean godaiud'dhachem xikxonn mell'llil'le. dhritraxttran dhormorazak iuvraz mhonnun obhixek kele uprant duriodhonachi dusvasi bhavna chodduch vaddli. kovrov ani panddva modlea zhogddeak khorea orthan hangachean survat zali. duriodhonan koronn ani xokunichea adaran panddvancho nax korpakhatir zaite iotn kele. lakhechem ghor nirmann korun panddvank lasun marpachoi iotn kelo. punn to sofol zalona. droupodi svoiomvorak duriodhonoi ayil'lo. tea vellar droupodin orzunak venchun kaddlo tem pollovn taka chodd tiddok marli. dhritraxttran panddvank aplem ordem rajio dilem ani indrprosth nogrint ravpak sanglem. iud'ixtthiran hea vellar rajosui yogn kelo. koxagarachem kam' duriodhonakodde sompoil'lem. ten'na ek-don khepe tacho opman zalo. taka lagun tachi sudd bhavna zagrit zali. panddvanche vorochsv taka koxench sohon zaina zalem. koptt'dhiutant tannem panddvanchem sogllem jikhun ghetle ani dovpodichi-i vittombonna keli. panddvank vonvasak dhaddle. vonvasantoi tannem panddvank khub toramni sotaile. punn panddov tatuntlean vattavle. tancho ogoneatvas ani vonvas sompleuprant tamnni aplea puroitavorvim duriodhonakodden ordea rajeachi magnni keli. punn duriodhonan tankam bottaiedi legit bhuim divpak nhoikar dilo. hachoch porinnam' mhonn iudhdak survat zali.

krixnnachem sogllem soinio duriodhonak mell'llem ani krixnn panddvanchea pokxak vochun mell'llo. donoi vottamni iud'dhachi toiari zali. krixnnan modesti korun iud'dh zavchem nhoi mhonn iotn kelo. punn tacho upeg zalo na. heuprant otthra dis bharoti-i iud'dh zalem. bhiman godaiud'dhant duriodhonache manddier ghav korun taka zokhmi kelo.

dhormorazachea monant duriodhonavixim ken'nach dusvas naxil'lo. to duriodhonak sodanch suiodhon oxem mhonnttalo. to porakromi, rajnitikuxol axil'lo. taka zaite ixtt axil'le. bhixm', dronn, krip hea sarkea vhodd monxancho tannem ador kel'lo. dekhunuch duriodhonacho iud'dhacho nirnnoi kurukoxoiak karonn zatlo hem somzunui bhixm'-dronn hannim duriodhonacho pokx soddlona. duriodhonan ho rakesi vrit'ticho naxil'lo punn to panddvancho dusvas kortalo. taka niai, borem gunn, man hea sarkil'lea gozalimvixinchi zann axil'li. punn to dusvasan kudd'ddo zal'lo. dusvas, suddbud'dhi sarkil'lea vaitt gunnank lagun sorvnax zata hench duriodhonachea mohabharotantlea vioktichitronnantlean mohabharotkaramni dakhoilam.