रडार समीकरण

रडार समीकरणः रडाराचो व्हडलो परास(R)आनी रडार प्रणाली आनी लक्ष्य हे संबंदींचे प्रचल(खाशेले परिस्थितींत थीर रावपी राशी)हांचेमदलो संबंद फुडें दिल्ल्या समीकरणान मेळटा.

हातूंत Wt = प्रेशीत शक्ती(वॉटांनी), G = आकाशकाचो शक्ती लाभांक, Ae = आकाशकाचें परिणामकारक क्षेत्रफळ(चौ.मी.त), रडाराचो काटच्छेद, Wr(min)ग्राहीकडल्यान सोदतल्या प्रतिसंकेताचे शक्तीची उण्यांत उणी मर्यादा.

हातुंतले ह्या प्रचलाबगर हेर सगळे प्रचल रडार अभिकल्पकाक(आराखडो तयार करपी तज्ञाक)कांय प्रमाणांत नियंत्रीत करपाक मेळटात. ह्या समीकरणावयल्यान अशें दिसता, जर दीर्घ परास जाय आसत जाल्यार, प्रेशीत तांक व्हड जाय, प्रारित उर्जा अशीर शलाकेंत केंद्रीत करूंक जाय, ग्रहण केल्ली प्रतिसंकेत उर्जा आकाशकाच्या व्हडल्या क्षेत्रफळान मेळोवंक जाय आनी ग्राही दुर्बळ संकेताक संवेदनाक्षम आसूंक जाय. प्रत्यक्षांत ह्या समीकरणान मेळपी रडाराच्या परास कार्यमानाची अचूकताय समाधानकारक नासता. हाचें एक म्हत्वाचें कारण म्हळ्यार प्रेशक आनी ग्राही हांचे मदल्या इलॅक्टॉनीक सामुग्रेंत तशेंच पुराय वट्ट प्रणालींत बोवाळ आनी हेर रुपान जावपी शक्तीव्यय हें आसा. हो शक्तीव्यय मतींत घेवपी अदीक अचूक आनी जटिल समीकरण मांडूंक येता.