विनोबा भावे
देवनागरी
|
|
विनोबा भावे विनायक नरहरी भावे हांचो जल्म 11 सप्टेंबर 1895 ह्रा दिसा रायगड जिल्ल्यांतल्या गागोदे गांवांत जालो. विनोबा भावे हे भारतीय स्वातंत्र्यसैनीक आनी भूदान चळवळीचे प्रणेते आशिल्ले. महात्मा गांधीन 1940 वर्सा ‘वैयत्त्किक सत्याग्रह’ पुकारलो. त्या वेळार पयलो सत्याग्रही म्हणून तांणी आचार्य विनोबा भावेहांची निवड केली. ब्रिटीश राजविरोधी आंदोलनाचें रुपांतर 1942 वर्सा ‘छोडो भारत’ आंदोलनांत जालें. भावे फुडें सर्वो-दयी नेते म्हणून प्रसिद्द जाले. ताजो बापूय नरहरी शंभुराव भावे आनी आवय रुक्मिणीबाई. ताजो बापूय नोकरेच्या निमितान बडोघाक गेलो. विनोबांचें माध्यमीक आनी उच्च शिक्षण बडोघाक जालें. वाराणसीक हिंदु विश्र्व विघालयांतल्या एका समारंभांत महात्मा गांधीचें भाशण जालें. ताजो प्रभाव विनोबाचेर खुब्ब पडलो.
विनोबान महात्मा गांधींची कोचर आस्रमांत 7 जून 1916 दिसा भेट घेतली आनी थयंच सत्याग्रहस्रमांत नैष्ठिक ब्रह्मचर्याची प्रतिज्ञा करून जिवनसाधना सुरू केली. उरिल्लें आयुश्यभर तांणी गांधींचे एकनिश्ट अनुयायी म्हणून काम केलें. 1942 वर्सा भारत छोडो आंदोलनाचें ते सर्वोदयी फुडारी म्हणून फामाद जाले. देशाक राजकी स्वातंत्र्याची गरज आसा हें लक्षांत घेवन तांणी मुत्त्कीसंग्रामांत सक्रीय वांटो घेतलो. जायत्या फावटीं ते कादयेंत पावले, पूण बंदखणींत रावुनूय वाचप, बरोवप चालूच दवरलें. आवयक संस्कृत भास कळना म्हणून ‘गिताई’ (गीता प्रवचनां) आनी ‘मधुकर’ सारकीं पुस्तकां मराठींत अणकारीत केली.
विनोबा भावे आनी महात्मा गांधी हे दोगुयजाण निरपवाद अहिंसा तत्वाचे पुरस्कर्ते आशिल्ले. भगवतगीता वाचून विनोबा भावे म्हणटा की भगवतगीता हो युध्दोपदेश न्हय तर ते महात्मा गांधीचे अध्यात्मीक भाव. हो युध्दाचो मुद्दो सोडलो जाल्यार एकेश्वरवादी धार्मिकांक प्रेरणा दिवपासारखे जीवनविशयक आनी विश्वविशयक खुब बरे तरेन भगवतगीतेन दाखवन दिला आनी त्याखातीर विनोबा भावे म्हणटा की “भगवतगीता हो हिंदुंचोच न्हय तर जगातल्या संगळ्यांनी वाचपासारखो ग्रंथ आसा.” 15 नोव्हेंबर 1982 दिसा तांकां मरण आयलें.