सरदार वल्लभभाय पटेल

वल्लभभाय झवेरभाय पटेल हांचो जल्म लेवा पाटील समाजांत , ताच्या मामाच्या नडीयाद (गुजरात) च्या घरांत 31 ऑक्टोबर 1875 दिसा जालो . तांची अचूक जल्मतारीख खबर ना. पूण तांणी मॅट्रिक परीक्षेक वेळार स्वताची जल्म तारीख 31 ऑक्टोबर अशी बरयल्या वल्लभभाय हो झवेरभाय आनी लाडबा हांचो चवथो भुरगो . झवेरभाय खेडा जिल्ल्यांतल्या करमसद गांवचे रावपी आसले . सोमाभाई , नरसिंहभाई आनी विठ्ठलभाई ही वल्लभभयली व्हड भावंडां ताका एक काशीभाई नांवाचो ल्हान भाव आनी दहीबा नांवाची धाकली भयण आशिल्ली . ल्हानपणात वल्लभभाय बापायक शेताक मदत करतालो . 18 वर्सा पिरायचेर ताचें लग्न लागच्या गांवातल्या 13 वर्सा पिरायेच्या झवेरबा हाच्या वांगडा जाले . वल्लभभाय मॅट्रिकेची परिक्षा वयाच्या 22 वर्सा पास जाले. परिस्थिती गरीब आसल्या कारणान लोका कडल्यान पूस्तकां मागून घेवन, घराकडल्यान पयस रावूंक वल्लभभाय वकिली पास जाले . गोध्राक तांणी आपलो संवसार सुरू केलो. थयसल्ल्यान बार कावन्सिलांत आपलें नांव नोंदयलें. तांकां दोन भुरगी जाली , मणीवेन आनी डाह्याभाई . वकिली करता आसताना ते महात्मा गांधीच्या प्रभावा खाला आयले. गुजरातांतल्या खेडा, बोरसद आनी बारडोली गांवच्या लोकाकं संघटीत करून तांणी ब्रिटीशां विरोधात सत्याग्रह केलो सत्याग्रहा उपरांत तांची वळख गुजरातच्या प्रभावशाली नेत्या भितर जावपाक लागली. भारतीय राष्टीय काँग्रेसचे ते म्हत्वाचे नेत आशील्ले. 1934 आनी 1937च्या निवडणुकां मजगतीं ताणीं पक्षाचें संघटन बांदले. भारत छोडो आंदोलनान ते आघाडीचेर आसले. वल्लभभाय पटेल हे भारताक स्वतंञताय मेळ्ळे उपरांत देशाचे पयले गुहमंञी आनी उप प्रधानमंञी जाले. फाळणे उपरांत जाल्ल्या हिंसाचारा उपरांत शांति स्थापनेचे काम तांणी केले. सरदारांनी हिंदुस्थानांतल्या 565 अर्दस्वायत्त संस्थानांचे भारतांत विलिनीकरण केलें जाका लागून तांकां भारताचे लोहपुरूश म्हणूण वळखतात.