कला चेतना आनी राजदीप नायक

कला चेतना आनी राजदीप नायक कला चेतना हे संस्थेच्या बॅनरा खाला कितलेश्याच नाटकांचे मेळून राजदीपान ५०० वयर प्रयोग केल्यात। हीं सगळीं नाटकां उपाट जैतीवंत जायात आसात।कलाचेतना ही चडांत चड नाट्य प्रयोग करपी एकमेव संस्था।१९९८ वर्सा ही संस्था अस्तित्वांत आयली।तेन्नासावन उत्सवी रंगमाचयेर वेवसायीक रुपान आपलो शेक चलयता।

आजवेर हे संस्थेन कांसुलो आनी तिरंगी चक्राचक्री(८५) प्रयोग २)शिरी रे शिरी अधांतरी (१०२) प्रयोग) ३)दोन खुळां (८५ प्रयोग) ४)अंता घरा भगवंता (६८) प्रयोग ५)धनया देवचरा (१८)प्रयोग ७)अण्णाक कोण ना ८)आमी ते आमी(२००५) ९)राव राव बाबुराव(२००५)१०)किस्नाचें कारस्थान (२००६),कुवाडें(२००६),आमी तो बह्मचारी(२००६),मणी मणी चिंतामणी (२००६),घुमचे कटर घुम (२००६),बिंदास रामदास (२००७),मिकसींग फिकसींग (२००४),ओ बाय (२००८),मम्मी मम्मी(२००८) आदीं नाटकां सादर केल्यात।पयली स नाटका गोंयचे नामनेचे नाटककार पुंडलीक नायकाच्या समर्थ लिखणेंतल्यान साकार जाल्लीं।

हांतुूंतली कांसुलो आनी मिकसींग फिकसींग नाटकां सी-डी रुपान उपलब्ध आसात।शिरी कांसुलो ह्यो भुमिका गोंयभर गाजल्यो।मिक्सींग फिक्सींग हें नाटक दिलीप कुमार नायक हांचें नामनेचें नाट्य दिग्दर्शक प्रमोद म्हाडेश्वर हांचेंऩ दिग्दर्शन ह्या नाटकाक लाबलां मिकिसिंग फिक्सिंग ह्या नाटकाचें कथानक सामकें सादें राजदीपान ह्या नाटकांत सात वेगवेगळ्यो भुमिका जबरदस्त विनोदी रीतीन रंगयल्यात।नाटकांतल्या कथानका परस ,संवादापरस आनी हेर सगळ्या आंगापरस राजदीपालो आंगीक,वाचीक सात्वीक आनी आहार्य अभिनय दोळे दिपकावपी जालां।कांय मिनटां भितर राजदीप आपली रंगभुशा आनी वेशभुशा बदलून येता।हो ह्या नाटकाचें खाशेेलेंपण कांय वेळां आदीं पळयले तें हेंच पात्र काय असो प्रस्न रसिकांक पडटा।

राजदीप नायकाक अभिनयाची ल्हानपणासावन आवड आशिल्ली।इश्कोलांत शिकतना पयले खेेपे अणवेकर सरान आपल्याक आंतरविद्यालयीन सर्तींत वांटो घेवपाची संद दिल्ली हाची राजदीपाक याद जाता।उपरांत खांडोळेच्या हायर सेंकडीरींत दिलीप धारगळकरान ताका वर्सुकी स्नेह संमेलनांत एकांकीत संद दिली।

उपरांत खांडोळेचे कॉलेजींत सांस्कृतीक कार्यावळींनी आपणालें कसब दाखयलें।ह्याच काळांत एकनाथ नायक,जितेंद्र शिकेरकार हांच्या सांगातान रंगयात्रा हें हंस ट्रेनिंग सेंटराच्या नाट्य संमेलनांचे आयोजन आनी नाटय शिबिरां हातूंतल्यान राजदीप घडत गेलो।पदवी शिक्षण पुराय जातकच कला अकादेमीच्या नाटय विद्यालयांतल्यान नाटय कलेचें शास्त्र शुध्द शिकप घेवपा खातीर तांणे मुलाखत दिली आनी प्रशिक्षणा खातीर वेंचून आयलो।हें नाटय प्रशिक्षण घेतिल्ले आज कितलेशेच जाण बेकार आसात।कामाक्षी प्रोडकश्न ही दिनेश रायकार हांची संस्था ताका मराठी नाटकांनी अभिनय करपा खातीर खेपेक शंबर रुपया दिताली।ऑल द बेस्ट ह्या नाटकाचे सुमार ३५ प्रयोग राजदीपान रायकारा बरोबर केले आनी थंयच्यानून उर्बा घेवन आपणेंय अशींच वेवसायीक नाटकां करचीं हें थारावन तो पुंडलीकबाबा म्हयांत गेलो।

पुंडलीक नायक आनी हेमाबाय हांच्या मार्गदर्शनाखाला राजदीपान कलाचेतना ही संस्था (१९९८ वर्सा स्थापन केली)उत्सवी रंगमाचयेची मर्यादा आनी खाशेलपणां मर्तींत घेवन दर्जेदार नाटकां सेगीत स वर्सा पुंडलीकबाबान राजदीपान बरोवन दिलीं तांचे प्रयोग सातत्यान ताणें केले आनी जैत जोडले।

नाटकाच्या प्रयोगाक लागपी सगळें साहित्य आज राजदीपा कडेन आसा।तशेंच नाटकाचें नेपथ्य आनी कलाकारांक हाडपा व्हरपा खातीरुय राजदीपान एक मिनी बस घेतल्या।नाटक हो पुर्ण वेवसाया म्हुण आपणावन तो आपलो घराबो चलयता।