आंगले, श्रीकांत वासू पै

आंगले, श्रीकांत वासू पै

(जल्मः 20 फेब्रुवारी 1934, मडगांव-सालसेत). गोंयचो सुटके झुजारी. नॅशनल काँग्रेस गोंय संघटनेचो तो वांगडी आसलो. 6 एप्रिल 1955 त ताणें मडगांव सत्याग्रहांत वांटो घेतिल्लो.थंय ताका पोलिसांनी धरलो, बरोच मार दिलो आनी 11 वर्सां बंदखणीची ख्यास्त फर्मायली. साडेचार वर्सां बंदखणीची ख्यास्त भोगतकच ताची सुटका जाली. विष्णू आंगले, कमलाकर केणी,सदानंद कुंदो, श्यामसुंदर कुंदो, खुशाली नागू देसाय आनी शरद केणी हे ताचे सुटके झुजांतले वांगडी आशिल्ले. भारत सरकारान ताम्रपत्र दिवन ताचो भोवमान केला.