उबालदो पॉल फर्नानडीस

उबालदो पॉल फर्नानडीस हो एक तियात्र कलाकार.

जल्म

उबालदो पॉल फर्नानडीस हांचो जल्म २० मार्च १९५१ ह्या दिसा मुंबय हांगसर जाल्लो. ताच्या आवयचे नाव मारीया जाक्विना आल्मेडा आनी बापायचें नाव जोझ पॉल फर्नानडीस. तांचो मुळावो गाव मार्ना शिवोली जावन आशिल्लो.

वावर

बेर्नार्द दे आल्दोना हांच्यानी बरयल्या ‘गुन्याव कोणाचो’ ह्या तियात्रांत ७ जानेर १९६७ ह्या दिसा पी.टी भांगवाडी हांगसर तांच्यानी आपल्या जिवितातलो पयलो पार्ट केल्लो. गोंयान आनी मुंबयन तांच्यानी ३०० तियात्रानी वाटो घेतला तातूतली ‘वावराडी’, ‘भीम तोशे भाट’, ‘सात दुखी’, ‘मनीस व्हो देवचार’, ‘बेबदो’, ‘खरो अमीग कोण’, ‘माय म्हाका सांगताली’, ‘दोयालपोन्न’, आदी ही कांय तियात्रां जावन आसात.

ताणी कीड बॉक्सर, आल्फ़्रेड रोज, जे.पी. सोब्जालीन, सायब रोचा, डॉ. वी.आंतांवँ, वाझ दे पिलेर्न, जेआर. रॉड, सी.आल्वारीस, आदी सारकील्ल्या डायरेक्टरांच्या तियात्रांनी वाटो घेतला.

पोलियो हें दुयेंस आसताना सुद्दा उबालदो माचियेर तियात्रांनी वाटो घेतलो आनी कातारां सुद्दा गायतालो. कुवेटाक पांच वर्सा टेलर म्हूण कांम करताना ताणे एच.ब्रीटोन, मेंडीस ब्रोझ, मार्कुस वाझ, झेवियर गोम्स, जेआर कुगन, दोस्त कुमार आदी हांचे खातीर तियात्रांनी कांम केल्ले.

उबालदोन ‘घुट’ ह्या सी आल्वारीस हांच्या टँली फिल्मांतली सगळी कातारां गायल्यांत.

पुरस्कार

तांच्या तियात्रांचे माचयेवयलो वावर पोळोवन कला अकादमीन तियात्र दिसा, ताचों भोबमान केलों, आनी ताचें सुवातीर सेंट एन्थनी आर्ट प्रोडकशन, शिवोली हांनच्यानीय तांचो सत्कार केला.