ऍनी बेझंट

ऍनी बेझंट ही नामनेची थिअॉसॉफिस्ट आशिल्ली.

जल्म आनी भुरगेपण

ऍनी बेझंट हाचो जल्म 1 ऑक्टोबर 1847 हया दिसा लंङन हांगा जालो. नामनेची थिऑसॅफिस्ट आनी भारतीय राजकारण, धर्म, शिक्षण, समाजसुदारण आदी मळांचेर व्हड वावर केल्ली एक ब्रिटीश बायल. तीची आवय एमिली ही एक आयरीश आशिल्ली. ती धर्मीक, कामसू आनी मानी आशिल्ली. तिचो बापूय विल्यम वूड होय मातृवंशा कडल्यान आयरीशच आशिल्लो विव्दान, गिनयानी आनी जायत्या भाशांचो जाणकार आशिल्लो. ती पांच वर्सांची आसतना, 1852 त तिचो बापूय मेलो.

शिक्षण

तेन्ना तिचे आवयचे एके गिरेस्त इश्टिणीन तिका शिक्षणा खातीर आपल्यागेर दवरली. थंय तिणें तिका जर्मन , फ्रेंच आदीं भासो आनी संगीत हांचें शिक्षण दिलें. तशेंच तिचे मदीं समाजसेवेची आवड निर्माण केली. हया काळांत ती वृत्तीन धर्मीक जाली.

लग्नी जिवीत

फुडें 1867 त रॅव्ह फ्रँक बेझंट हया क्रिस्तांव धर्मोपदेशाक कडेन तिचें लग्न जालें. तिका दिग्बी हो चलो आनी मेबॅल ही चली आशीं दोन भुरगीं जाली. ‘ नॅशनल रिफॉर्मर ‘ नेमाळ्याच्या प्रभावान ती नामनेचो नास्तीक चार्ल्स ब्रॅडलॉ (1833-91) हाच्या ‘ नॅशनल सॅक्यूलर सोसायटी ‘ त गेली (1874). फुडें ती हे सोसायटीची उपाध्यक्षा जाली आनी सोसायटीचें मुखपत्र आशिल्लया नॅशनल रिफॉर्मराची सहसंपादिका जाली. त्या काळांत नास्तिकता, कुटुंब येवजण, बायलांचो मतदानाचो हक्क आदींचो प्रचार केलो.

मरण

दि. 20 सप्टेंबर 1933 हया दिसा तिका मरन आयलें.