ऍन्थनी मार्टीन फेर्नांडीस

विकिपीडिया कडल्यान
Jump to navigation Jump to search

एॅन्थनी मार्टीन फेर्नांनडीस हो एक तियात्रिस्त.

जल्म[बदल]

तो मुळांत तुयें, पेडणें, गांवचो.ताचो जल्म 23जुलाय 1950 ह्या दिसा मुंबय शारांत जालो.ताच्या बापायचें नांव श्री.जोसफ कायतान फेर्नांडीस आनी आवयचें नांव श्रीमती. उबालदीना फेर्नांडीस.

वावर[बदल]

टोनीन आपलें पयलें पावल तियात्राच्या माचयेर 7(सात) वर्सांचे पिरायेर ‘शिमरी ओकोल’ हया तियात्रांत केलें. जो तुयें, पेडणें, गोंय हांगा जालो.थंय ताणें ‘उगडापें कोरूक तुजें खोरें काळीज तुका दाखय’ हें आल्फ्रेड रोजाचें कांतार ताणें गायलें. माचयेर तियात्र हाडपाचें काम ताणें बोर्डींग शाळेंत आसतना सुरू केल्लें. आपलें शिकप करून तो मुंबय वचूंक भायर सरलो आनी 1967 वर्सा ताच्या बापायन एक तियात्र बरयलो आनी टोनीक ह्या तियात्राचें दिग्दर्शन करूंक सांगलें, जो तियात्र जुहू बाल कल्यान संस्था, मुंबय(जुहू च्याल्ड वॅलफॅर असोसियेशन,मुंबय) हांगां जालो. हातूंत ताणें विनोदी पात्राचो अभिनय केलो. ह्या तियात्रांत सी.आल्वारीस, आंतोनेत मेन्डीस, फिलोमेना भ्राझ, टीटा प्रेटो, बॅटी फर्नस, प्रेम कुमार, यान्ग मेन्डीस, एच ब्रिटन, मेन्डीस ब्रदर्ज, रोबीन वाझ आदी. ह्या सारकेले फामाद तियात्रीस्त आयिल्ले आनी ह्या तियात्रीस्तांक तो तियात्र पळोवंक हाडिल्ल्या बद्दल टीटा प्रेटो हाचो खूब आभारी आसलो. ह्या दिसा सावन फाटल्यान आनीक वळून पळोवंक ना. टोनीन आपले अभिनय तियात्र माचयेवयल्या नामनेच्या बरोवपी तशेंच दिग्दर्शकां बरोबर केला. देखीक, प्रेम कुमार, सी.आल्वारीस, क्रिस पेरी, सेबी कुतिन्हो, रॉबीन वाझ, आल्फ्रेड रोज, आदी. दुसऱ्याच्या तियात्रांत अभिनय करून आनी गावन लेगीत टानीन आपणें स्वताचे तियात्र बरयल्यात आनी दिग्दर्शन केलां. जशें की 'मदर तेरेझा दुर्बोळांची आवय’,‘मोग फोग आतां भोग’,‘पाय धुवेचें काजार’,‘लोलो’, ‘शेजान्नीची कोंबी’,‘म्होजें भुरगें म्हाका जाय’,‘युरोपाची व्होकोल’,‘तुजें म्हाका म्होजें तुका’, आदी. ताणें चार कोंकणी सी.डी.काडल्यात,‘टोनी मार्टीन कोंकणी हिटस’, ‘सातवो साकरामेंत’,‘गुन्यांव कोणाचो’, ‘टोनी मोर्टीन 51 हिटस’, ‘मेमोरीयल हिटस’, ‘वो मोग कोसलो’ (VCD) आदी. एक तियात्र कलाकार कसो टोनीन आपली भोंवडी लंडन,कुवेत आदी कोंकणी प्रदर्शनाक लागून केल्या. ताणें आपल्या आवाजान सुमार 50 सी.डी.त गितां गायल्यांत. गोंयांतल्यान तियात्राचे पंगड थंय व्हरून तियात्र सादर करपाक आनी पुराय तियात्र वेवस्थीत तरेन जावपाक एक म्हत्वाचो ताणें कितल्याश्याच वेळार आपल्या खांदार मारला..