गोवेकार, राजाराम (बेतु) भिकारो

(जल्म: १९ जुलय १९२६, कुंकळ्ळी - फोंडें). गोंयचो सुटके झुजारीए. ताणें प्राथमिक शिक्षण मराठींतल्यान घेतलें. १९४६ वर्सा तो ‘नॅशनल काँग्रेस गोंय’ संघटनेचो वांगडी आसलो. १९४७ वर्सा तो ‘सेवा दल’ संघटनेचो वांगडी जालो. १९४८ वर्सा सावन तो ‘आझाद गोमंतक दल’ संघटनेचो वांगडी जालो. तो भुंयगत क्रातीकारी वावर करता, हो आरोप दवरून १९४७ वर्सा ताचे गैरहजेरेंत ताका न्यायालयान २८ वर्सां बंदखणीची ख्यास्त फर्मायली. १९७२ वर्सा भारत सरकारान ताम्रपत्र दिवन ताचो भोवमान केला. १८ जून १९८२ दिसा गोंय सरकारान सुटके झुजांतल्या ताच्या वावराचो भोवमान केला.