जेरोनीयो दामासेनो ब्रिटो

जेरोनीयो दामासेनो ब्रिटो

जल्म

जेरोनीयो दामासेनो ब्रिटो 19 मे 1946 ह्या वर्सा जालो. सेलेस्टीनो ब्रिटो तांचो बापूय आनी पासकीना ब्रिटो ही तांची आवय, तांचो जल्म मांद्रे उत्तर गोंय हांगा जालो.

वावर

तांणीं 8 वर्सांच्या पिरायेचो आसतना म्हळ्यार 1958 ह्या वर्सा म्हापशेंच्या गिलबर्ट पिंटो हांणी बरयल्ल्या आनी दिग्दर्शीत केल्ल्या ‘नोश्टी आशा’ ह्या मांद्रे गांवांत जाल्ल्या तियात्रा वरवीं अभिनय क्षेत्रांत पावल दवरलें.

तांणी जायते तियात्र बरयल्यात आनी दिग्दर्शीत केल्यात जशे, 'खाशा पाय', 'दुडू वो मोग', 'मुनीस वो देवचार', 'सोंवसारान चोड गोरजेचे', 'निश्टूर मुनीस', 'इनाम', 'घातक्याक घात', 'कालीज वो फातोर', 'मोगाचे शेजारी', 'ओशें घोडचें नासलें' आदी.

तांणी मिलाग्रीस दे चांदोर ह्या फामाद तियात्रिस्तांच्या 'माय पुताक तागडेन जोखता' ह्या तियात्रांत भुमीका केल्ल्या आनी आलेशीन दे मोरजींच्या आनी तरने दिग्दर्शक जशे बासिलियो बापतीस्त कार्वाल्हो जाका बि. बी. सी म्हुण चड वळखताले अशा साबार तियात्रिस्ता खातीर काम केलां. तो गोंय आकाशवाणीचो मान्यताय प्राप्त जाल्लो कलाकार आसा. तांणी जायत्या संगीत कार्यावळीं खातीर गायन केला, तशेंच वालंकण सायबिणिची ओचोरयां ही सी.डी प्रकाशीत केल्या. ते आयजूय तियात्र माचयेर वावुरतात, जंय ते गायता, बरयता आनी दिग्दर्शन लेगीत करता.

पुरस्कार

तांणी कला अकादमींच्या आनी तियात्र अकादमी, गोंय हांच्या साबार नामनेच्या तियात्र सर्तींनी गोंयभर वांटो घेतला आनी गायना पासत तांकां जायते पुरस्कार लेगीत फावो जाल्यात.