जॉन ग्रासियास

जॉन ग्रासियास हो एक तियात्रीस्त.

जल्म

जॉन ग्रासियास हांचो जल्म सारजोरा चिंचोणे साश्ट गोंय ह्या गांवांत 20 एप्रील 1954 ह्या वर्सां एफरमियानो ग्रासियास आनी ऍरमेलिंडा कारवाल्हो हांकां जालो. तांचो आजो सर्गेस्त सांतान जाका लोक ‘पोको’ सांतान म्हूण गांवांत फामाद आशिल्लो ताका जोमनीवयलो खेळ(खेळ) कलाकार म्हूण वळखताले.

भुरगेपण

ताच्या भुरगेपणांत सावन जॉन हांकां गायनाची खूब आवड आशिल्ली. तांचो काका शेजारच्या बाल्कनींत तियात्र दाखयतालो जंय जॉनाक एक कांतार म्हणपाक लायिल्लें.ह्या तियात्राचे पड्डे चादरां गेवन तयार केल्ले. आयकुपी ताचें हें कांतार आयकून अजापीत जाले आनी तांचेकडल्यान प्रोत्साहन लेगीत मेळ्ळें.

वावर

गोंय संस्कृताय आनी सामाजीक केंद्रान घडोवन हाडिल्ल्यामांडो उत्सवांत जॉन एक उत्कृश्ट आनी मुखेल गायक म्हूण मांडो उत्सवांत प्रा.सी.ए.गोमिस हांच्या मांडो पंगडांत वांटेकार जाल्लो.तांच्यानी प्रा.लुबियानो मेंडोस हांच्या मांडो पंगडांत चिंचोणेचीं रोझां हांगासर लेगीत गायलां.

जॉनान गांवांतल्या तियात्रांनी भाग घेवपाक सुरवात कोली आनी बेगीनूच ताका वेवसायीक तियात्रिस्त पेत्रिसियो दी चिंचिणीं हांच्यानी तियात्रांअभिनयकरपाक संद दिली. ताच्या उपरांत ताणें नामनेच्या तियात्र दिग्दर्शकां बरोबर काम केले जशें जॉन गोम्स कोकोय, रोकी डायस, ज्यो मेनी, फोली कार्दोसो दी सारझोरा, जॉन क्लारो, झीमिक्स, सामिएल कारव्हालो, आदी.

तांणींकोंकणी तियात्र माचये वयले संगीतकार लोरी त्रावासो, कॉनी एम.हांचे वांगडा कितलेशेन कोंकणी संगिताच्यो कार्यावळी सादर केल्यात. 1994 ते 2004 पर्यंत आर्लें उत्सवांत ते सदांचेच अभिनय करपी.रॉकी डायसानतयार केल्ल्या जायनाकाय फोटकिरो ह्या ओडियो आल्बमांत ताणींगितां गायल्यांत. भायर कार्निवालाचे दीस आनी दिवली हें संगीत लोकां खेळ ताणें दिग्दर्शीत करून रिकॉर्ड करून लेगीत दवरल्यात. ताणींगोंय दूरदर्शनाक 7 रिकॉर्डींग्स आनी 28 कांतारां वेगवेगळ्या वर्गांत जशें सोलोस, ड्युएट, ड्युओस, त्रिओस आदीगावून आपलें योगदान दिलां. ते एच.सी.एन., प्रुडण्ट मिडीया सारकिल्ल्या गोवन चॅनलांचेर लेगीत आपलीं गितां सादर केल्यांत.

पुरस्कार

वरिश्ट तियात्र कलाकार ‘रिको रोड’ हांणीं 2011 वर्साजॉनानतियात्राच्या मळार दिल्ल्या ताच्या योगदानाक लागूनसंस्कृतायेचो दबाजो, माडेल,मडगांवां हाणीं ताचो भोवमानकेलो.