डॉ. पांडुरंग वासुदेवसुखात्मे

विकिपीडिया कडल्यान

डॉ. पांडुरंग वासुदेवसुखात्मे

ताचो जल्म[बदल]

एक प्रसिध्द भारतीय संख्याशास्त्रज्ञ आनी आहारतज्ञ. ते प्रतिदर्शन सिध्दांत आनी कृषी सांख्यिकींतल्या प्रायोगीक अभिकल्पाचे प्रवर्तक आनी अधिकारी व्यती आशिल्ले. सुखात्मे हांचो जल्म सातारा जिल्हांतल्या खटाव तालुक्यांतल्या बुध गांवांत जालो. तांच्या बापायचें नांव वासुदेव नांव वासुदेव हरी सुखात्मे आनी आईचें नांव सत्यभामाबाई आशिल्लें. सुखात्मे कुटुंब 1919 वर्सा पुण्यात आयले. मॅट्रिकेचे परिक्षेंत ते पयल्या क्रमांकान पास जाले.

शिक्षण[बदल]

1932त तांणी फगर्युसन म्हाविघालयांतल्यान मंबई विघापिठाची गणितांतली बिएस्सी ही पदवी घेतली. शिश्यवृत्यांच्या आधारान आनी जायत्या जाणांनी केल्ले मजतीक लागून ते उच्च शिक्षणा खातीर इंग्डंडाक गेले. संखयाशास्त्रांत (सांख्यिकींत) मौलीक संशोधन करून तांणी लंडन विघापिठाची पिएचडी पदवी मेळयली (1936). 1939त तांकां डिएस्सी पदवी मेळ्ळी. तांचो प्रबंधाचो विशय ‘द्विविभाजीत फलन’ (बायपार्टिशनल फंक्शन्स) हो आशिल्लो. बनारस हिंदू विघापिठाचे तत्कालीन कुलगुरू पंडीत मदनमोहन मालवीय हांचे कडेन रँग्लर विण्णुपंत नारळीकर हांणी सुखात्मे हांची शिफारस केल्ल्यान ह्या विघीपिठांत सांख्यिकी विभाग सुरू जालो.

ताचो वावर[बदल]

सुखात्मे हांकां मालवीयां कडल्यान प्रेरणा मेळिल्ल्यान ते आपल्या ज्ञानाचो आनी पदाचो देशाचे उदरगती खातीर उपेग जावचो म्हणून सदांच यत्न करीत रावले. भारतीय कृषिसंशोधन आनी हरितक्रांती मदीं तांणी संशोधन केल्लें सांख्यिकी तंत्रज्ञान खुबूच उपेगी थारलां. पशुवैघक, पशुपालन, सुधारीत आनी संकरीत बियाणां निर्मिती, बी हांचे कडेन संबंदीत सांख्यिकिंतूय तांचें संशोधन म्हत्वपूर्ण थारलां. जगाची अत्रधान्याची समस्या आनी आहार हे विशींय तांणी बरेंच संशोधन केलां. आहारा संबंदींचें तांचें ‘सुखात्मे-मार्गन गृहीतक’ प्रसिध्द आसा. मनशाक कितलें अन्न लागता, जागतीक उमासमार कशी मेजपाची हांचेर सुखात्मे हांणी 1961तं इंग्लंडाचे रॉयल स्टॅटिस्टिकल सोसायटींत सादर केल्ल्या प्रबंधाक लागून जगभर चर्चा सुरू जाली.