ताक

विकिपीडिया कडल्यान
Jump to navigation Jump to search

ताक धंय धवळून लोणी काडटकच उरता तो पदार्थ.लोणयाच्या उत्पादनांत हो उपपदार्थ म्हणून मेळटा.लोणयाच्या उत्पादनाखातीर जर गोडी साय (मलई)वापरत जाल्यार ताकाचें संघटन साय नाशिल्ल्या दुदावरी जाता,पूण आंबट साय वापरल्यार मात ताकांत लॅक्टीक आम्ल (आंबसाण) चड आसता.धंय धवळटाना तातूंत उदक घालचें पडट..ते खातीर ताक धवळून लोणी काडलें म्हण्टकच पातळशें ताक उरता.ताजें ताक रुचीन आंबसार लागता आनी ताका एक प्रकारची रुचूय येता.शेळें ताक चड आंबट जाता.[1]

ताची रुच कडवट जाता आनी आंबटसो वास मारता..ताकापसून ताकाची कडी,मठ्ठा असले पदार्थ करतात वा ताका निकटें पियेतात.ताकाच्या दर 100 ग्रामांत 95.5% उदक,0.8 प्रथिनां,1.1 मगज.0.5 हेर कार्बोहायड्रेट,30 मिग्रॅ ,कॅल्शियम 30 मिग्रॅ..फॉस्फरस,0.8 मिग्रॅ.लोखण आसून तांचेपसून 15 कॅलरी ऊर्जा 1900 मेरेन ताकाचो उपेग दुकरांक लावपाखातीर करताले.पूण फुडें ताकांतल्या आरोग्यदायक आणि पुश्टीक गुणधर्मांखातीर तें एक लोकप्रिय पेय जालें.अमेरिकेची संयुक्त संस्थानां आनी कॅनडांत व्हड प्रमाणांत ताक बाटलेंत वा खोक्यांत सीलबंद करुन हॉटेलां,दुकानां आनी शीतपेयगृहांनी विकूक दवरतात. कांयकडेन साय नाशिल्ल्या दुदांत एक प्रकारचे सुक्ष्मजंतू घालून तें आंबोवंक दवरतात.हें ताक सदच्या ताकापरस दाट आसता.आयुर्वेदांत ताकाचे उदक घाल्ले आनी उदक घालूंक नाशिल्ले,तशेंच लोणी आशिल्ले आनी लोणी नाशिल्ले अशे प्रकार सांगल्यात.ताकाचे सामान्या गूण अशे आसात-गोड,आंबट ,तोरट,उश्ण पथ्यकर आनी शुक्रधातूक हितकर.

संदर्भ[बदल]

  1. https://wikisource.org/wiki/Page:Konkani_Viswakosh_Vol2.pdf/157
"https://gom.wikipedia.org/w/index.php?title=ताक&oldid=164460" चे कडल्यान परतून मेळयलें