तारापोरवाला इराच जहांगीर सोराबजी

विकिपीडिया कडल्यान
Jump to navigation Jump to search

तारापोरवाला इराच जहांगीर सोराबजी (जल्मः 1884,मरणः 15 जानेवरी 1956।

भारतीय भाशाशास्त्रज्ञ.हाणें भाशा विशयामत (इंग्लीश –संस्कृत) मुंबय विद्यापिठाची पदवी घेतली.1904 वर्सा तो इंग्लंडाक गेलो आनी 1909 वर्सा बॅरिस्टरची परिक्षा पास जालो.ताणें युरोपाक वचून फ्रँच आनी जर्मन भाशांचो अभ्यास केलो.1913त ताणें कौटिल्याचें अर्थशास्त्र ह्या विश्याचेर बुट्सबर्ग विद्यापिठाची डॉक्टरेट मेळयली.केंब्रिजाक ताणें अरबी आनी इराणी भाशांचो अभ्यास केलो.भारतांत परत येतकच पयलीम कलकत्ता विद्यापिठांत आनी उपरांत मुंबयच्या विद्यापिठांत आनी उपरांत मुंबयच्या इन्सिटटयुटांत अध्यापन केलें.[1]

लिंग्विस्टीक सोसायटी आँफ इंडिया हे संस्थेचो तो संस्थापक वांगडी आशिल्लो.कांय काळ तो हे संस्थेचो अध्यक्ष आशिल्लो.अखिल भारतीय प्राच्यविद्या परिशदेचो तो कांय काळ शाखाध्यक्ष आशिल्लो. ताणें बरयल्ले नामनेचे ग्रंथ अशे-सिलॅक्शन्स फ्रॉम अवेस्ता अँड ओल्ड पर्शियन (1992),द रिलिजनऑफ जययुश्त्र(1926),द गाथाज ऑफ जरयुश्त्र (1947),सिलॅक्शन फ्रॉम क्लासिकल गुजराती लिटरेचर एलिमँटस ऑफ द सायन्स ऑफ लँग्वेज (1951).डॅक्कन कॉलेज रिसर्च इन्स्टिटयूट हे संस्थेन ताच्या उगडासाक तारापोरवाला मेमोरियल वॉल्युम (जानेवरी)हो खंड उजवाडा हाडला.तशेंच ,इंडियन लिंग्विस्टीक्सचो तारपोरावाला मेमोरियल तारपोरावाला मेमोरियल (1957) उजवाडा हाडलो.


संदर्भ[बदल]

  1. https://wikisource.org/wiki/Page:Konkani_Viswakosh_Vol2.pdf/166