ताश्कंद

विकिपीडिया कडल्यान

ताश्कंद रशियन संघराज्यांतल्या उझबेकिस्तान प्रजासत्ताकाची राजधानी. मध्य आशियांतल्या खुष्कीच्या वेपारी मार्गाचेर वशिल्लें हें एक पुर्विल्लें व्हड शार सिरदर्या न्हंयेच्या चिरचिक हर उपन्हंयेचेर आसा. आठव्या ते इकराव्या शतमानांतल्या अरब सत्तेउपरांत हांगा मंगोल, उझबेक, कझाक, कोंकंद आदी खानती (खानाच्या ताब्यांतलो वाठार) जाल्यो. 1865त हं शार रशियेन घेतलें.

1917त सोव्हिएत सत्ता येतकच हें शार सुर्वेक तुर्किस्तान स्वायत्त प्रजासत्ताकाची राजधानी आशिल्लें. उपरांत 1930त समरकंदा बदला उझबेक प्रजासत्ताकाची ताश्कंद ही राजधानी जाली. ट्रान्स-कॅस्पियन हो रेल्वेमार्ग ह्या शारांतल्यान गेल्ल्यान ताका खुबूच नामना मेळ्ळी. हें एक व्हड उद्देगीक केंद्र आसून हांगा शेताचीं अवजारां, खणयंत्राम, रेडिओ, विजेच्या सरयो आनी उपकरणां, रसायनां, फर्निचर, कातडी सामान, मातयेचीं आयदनां, अन्नपदार्थ हांचे व्हड कारखाने आनी पिठागिरण, आनी पिठागिरण, काडपगिरण, कापूस पिंजप, सोरो, डबेबंद पदार्थ, मास, तंबाकू अदी वेगवेगळे उद्देग हांगा चलतात.

चिरचिक न्हंयेचेर धरण बांदून शारांत जायतीं खारजां आनी वीज हाडल्या. शारांत विद्यापीठ, उद्देगीक, वैजकी, शेतकी आनी शिक्षक प्रशिक्षण म्हाविद्यालयां, उझबेक शास्त्र अकादेमी, राश्ट्रीय ग्रंथालय, इतिहासीक संग्रहालय, नाटकघर आदी जायत्यो शिक्षणीक आनी संस्कृतीक संस्था हांगा आसात. 10 जनेवारी 1966 त भारत आनी पाकिस्तान हांचेमदीं जाल्लो ताश्कंद करार ह्याच शारांत अक्समात मरण आयलें.

संदर्भ[बदल]

"https://gom.wikipedia.org/w/index.php?title=ताश्कंद&oldid=201401" चे कडल्यान परतून मेळयलें