दादाभाई नौरोजी

विकिपीडिया कडल्यान

दादाभाई नौरोजी दादाभाई नौरोजी हांचो जल्म दि. 4 सप्टेंबर 1825 दिसा मुंबय एका गुजराती उलोवपी पारसी घराब्यांत जालो. दादाभाई हे पारशी विचारवंत, शिक्षणतज्ज्ञ, कापसाचे व्यापारी आनी भारतीय स्वातंत्र्य लडयांतल्या राजकारण्यांच्या पयल्या पिळगेंतले भोवमानेस्त नेते आशिल्ले. तांणी बरयिल्ल्या पॉव्हर्टी अँड अन-ब्रिटिश रुल इन इंडिया पुस्तकांत भारतांतलो संपत्तीचो ओग ब्रिटना कडेन कसो वेता हाजे कडेन लक्ष वेधलें. 1892 ते 1895 कालखंडांत ते ब्रिटिश संसदेच्या कनिष्ठ गृहांत संसद सदस्य आसले. ब्रिटिश संसदेंत निवडून गेल्ले ते पयलेच आशियाई व्यक्ती आसले. भारतीय राष्ट्रीय काँग्रेस पक्षाचे स्थापनेचें स्रय एओ ह्यूम आनी दिनशा एडलजी वाच्छा हांचे वांगडा दादाभाई नौरोजी हांकांय दितात. दादाभाई नौरोजी हांकां भारताचे पितामह म्हणून वळखतात. ते भारतीय राष्ट्रवादाचे प्रणेते आशिल्ले. भारतीय अर्थशास्त्राचे जनक. जहाग आनी मवाळ हांचे मजगतीं भांगरामध्य साधपी नेते आसले. भारतीय स्वराज्याचे पयले उदघोशके. इंग्रजांच्या मतदारसंघांतल्यान निवडून येवन हावस ऑफ कॉमन्सचे सभासद जावपी ते पयले भारतीय. भारताच्या लुटीच्या सिध्दान्ताचे जनक. 1883 वर्सा ब्रिटिशां कडल्यान तांकां जस्टीस ऑफ पीस हो भोवमान दिलो. 30 जून 1917 दिसा तांकां मर्ण आयलें. तेन्ना ताची पिराय 91 वर्साची आसली. आपल्या पुराय जिणेन दादाभाई नौरोजीन देशाच्या सेवेखातीर जे किते केला ताचे मोलमाप करप सोपे ना पुण अखिल भारतीय काँग्रेसच्या कोलकत्ता अधिवेशनान ताणेन केल्ल्या मागण्याची भासाभास करप गरजेचे आसा. तो आपल्या भाशणानी स्वतंत्रतायेक चड महत्व दितालो. अशातरेन भारतांतल्या ह्या जाणट्या पिरायेच्या नेत्यान दादाभाई नौरोजीन ज्यो मागण्यो केल्ल्यो त्या मागण्यांची अखेर ताका प्राप्ती मेवळी.

"https://gom.wikipedia.org/w/index.php?title=दादाभाई_नौरोजी&oldid=201447" चे कडल्यान परतून मेळयलें