निकोलाव मनुची

विकिपीडिया कडल्यान

निकोलाव मनुची हो एक इटालियन भोंवडेकोर. तो सतराव्या शेंकडयात भारतात आयलो.

खाजगी जिवीत[बदल]

तो मुळचो व्हेनिस हांगा रावपी आसुंये. ताचे वैयक्तिक जिणेविशीं चडशी म्हायती मेळना. तो पिरायेच्या चवदाव्यावर्सा घरांतल्यान भायर सरलो आनी लॉर्ङ बेलोमाँट ह्या इंग्रज सरदारावांगडा तुर्कस्तान, इराणांतल्यान 1656 वर्सा भारतांत सुरत हांगा आयलो. उपरांत ताणें मोगल बादशाह शाहजहान हाचो व्हडलो पूत दारा शुकोव्ह हाच्या तोफखान्यांत नोकरी धरली. औरंजेबाचे दक्षिणेंतले स्वारीच्या वेऴार मोगलांच्या कर्तुपांक विटून, तो चेत्नईक स्थायीक जालो. ह्याच अदमासाक म्हळ्यार 28 ऑक्टोबर 1686 दिसा ताणें एलिझाबेथ क्लार्क हे विधवेकडे लन्ग केलें. तांकां एक चलो जालो पूण रोकडेंच ताका मरण आयलें. 1706 वर्सा ताचे बायलेकूय मरण आयलें. उपरांत तो पाँडिचेरींत रावपाक लागलो.

शिक्षण[बदल]

स्वताचे आंगचे हुशारकायेन, उंचेलें शिकप नासून लेगीत ताणें आपल्या मर्यादीत वैधकीय वेवसाय सुरू करून जैत मेळयलें.ह्या वेवसायान ताची देशभर भोंवडी जाली.

वावर[बदल]

औरंगजेब आनी शाह आलम हांचेकडेन ताणें काम केलें. ह्या काळांत ताणें शिरायगिरी, वैजकी वेवसाय आनी राजनैतिक शिश्टाय हीं विंगड विंगड तरांचीं कामां केलीं. मोगलांच्या युध्य मोहिमांवांगडा ताणें दक्षिण हिंदुस्थान, राजस्थान. दक्षिण हैदराबाद ह्या प्रदेशांनी भोंवडी केली. अशेच एक मोहिमेंत इ. स. 1665 वर्सा पुरंदर किल्ल्याच्या वाठारांत मिर्झाराजा जयसिंहाचे छावणेंत ताची शिवाजीं महाराजाकङे भेट जाल्ली.

14 जानेवारी 1712 दिसा चेन्नईच्या गव्हर्नरान टॉमस क्लार्काची सगळी संपत ताका दिवन ताचो भोवमान केलो. हाचे वयल्यान तो पाँडिचेरींतल्यान परतून चेन्नईक आसतना, ताणें आपलो सगळ्यो यादी फ्रेंच आनी पुर्तुगेज भाशांनी बरोवन काडून चार वांट्यांनी उजवाडावपाखातीर पॅरिसाक धाडल्यो. ह्या यादींनी ताणें शिवाजीसयत त्या काळांतल्या सगळ्या नामनेच्या राज्यकर्त्यांची, फूडा-यांचीं प्रसंगचित्रां काडून घेतिल्लीं. 1907 वर्सा, तांचे यादींचो पयलो इंग्लीश अणकार विल्यम आयर्विन हाणें ‘स्तोरिआ दो मोगोर’ ह्या नांवान उजवाडा हाडलो. ताची दुसरी आवृत्ती 1981 वर्सा उजवाडा आयली. 1974 वर्सा ज. स. चौबळ हाणें  ‘असे होता मोगल’ हो मराठी अणकार उजवाडायलो.

संदर्भ[बदल]

[1]

  1. भांगारभूंय दिसाळे 01 जून 2017
"https://gom.wikipedia.org/w/index.php?title=निकोलाव_मनुची&oldid=201537" चे कडल्यान परतून मेळयलें