पेदरो बारबोसा
पेदरो बारबोसा हो एक तियात्र कलाकार.
जल्म
[बदल]पेदरो सिरीयाको बारबोसा, तियात्रचे माचयेर पिटर बारबोसा ह्या नावांत वळखतात.ताचो जल्म 8 आगॅस्ट 1941 ह्या वर्सा, तालिगांव गावांत जालो. ताच्या मायचे नांव इजावरा गोनसालविस आनी पायचे नांव पेद्रुनोह बारबोसा.
हेर वावर
[बदल]तो लेखक, दिग्दर्शक, गीतकार आनी अभिनेता. तियात्राच्या उदरगती खातीर आनी विकासा खातीर पेद्रून 5 दशकां पसून वावर केला तो तोखणायेचो.
तियात्रांत वावर
[बदल]पिट्र बारबोसोचे पयलो तियात्र सादरिकरण 9 वर्साचे पिरायेचेर जालो.‘सोर्वोंडार’ हो तियात्र श्री.होरासियो रोड्रिगीसहाणे बरयल्लो आनी दिग्दर्शन केल्लो आनी नाताला दिसांनी आकशी हाका माचयेर प्रस्तुत केल्लो. पिटरान देवदुताचे नेसवण घालून तिचात्रांत ‘ग्लोरिया हें कांतार म्हणिल्लें जे आयज पासून लोकांच्या कानांनी गाजता. श्री.होरासियो रोड्रिगीसान कोर्तुब मावशेचें ह्या तियात्रांत पेद्रूक पिसो चेड्याची भुमिका दिल्ली. हो अभिनय ताणे बरे तरेन केलो जाची लोकांनी खूब तोखणाय केली.
उपरांत पेद्रून आपूण जावन एक तियात्र बरयलो. 28 नोवेब्र1958 ह्या दिसा आपल्या गावांत कुजिरा, सांत क्रूज हांगा आपूण बरयल्लो पयलो तियात्र रोगताचे भाव माचयेर सादर केलो.तियात्र पळोवपाक सुमार600 ते 800लोक हाजीर आशिल्ले. शेंदरी घालून जमनीर बसून हो तियात्र लोकांनी पळयलो.
काय वर्सा आदिच्या काळांत 1962 ह्या वर्सा एक नामनेचो तियात्रीस्त सर्गेस्त म.डोड दवेर्ना हाणे बारबोसाची वळख ‘गोंयची माणकुलीं नखेत्रां’ त्या काळाचे एक फामाद आनी नामाचो तियात्र पंगडा कडेन केली. बोरबोसा थंय एक प्रोम्पटर आनी आदार करपी अभिनेता म्हण वावरूंक लागले. पूण तांच्या कलेक आनी मेहनतीन ताका यशस्वी केलो. रोखडोच ताच्या व्हडीलांनी ताका सगळे सांबांळपाची जबाबदारी दिली. ह्या खातीर ताका मुंबय आनी गोंयच्या हेर वाठारांनी तशेंच देशांत ताका भोंवपाची संद मेळ्ळी. नामनेच्या दिग्दर्शकां खाला काम केलां. जशे नेलसन आफोंसो, एम.डॉड दे वेर्ना,अरिसझीस डॅयस, ग्रेग साबिना, रॉम टोनीआदी. ताणेंतोमासीन कार्दोजाचे कला मोगा कांदोळी खातीर सततपणी 6 वर्सा कला अकादमीच्या तियात्र उत्सवान आपल्या चलये बरोबर वांटो घेतला.
बारबोसोन 50 वयर तियात्र बरयल्यात.’रेस्पेरा दीस’, ‘वोत आनी सावळी’, ‘एक जेवोण’, ‘आधार’, ‘रुपकार’, ‘आसरो’, ‘मोर्याद नासलोलें’, ‘तिकलें’, ‘पोयलो पागार’ हे ताचे कांय वेंचीक तियात्र.
नाटकानी योगदान
[बदल]त्या भायर ताणे आपल्या गांवांत मोगाचेर तीन नाटकां बरयल्यात जाची नांवां ‘ऍके होमो’, ‘सोर्वोंडार’, ‘डोलोरोसा’. हीं नाटकां व्हडल्या माचयेर प्रस्तूत केल्ली. ह्या नाटकां खातीर बारबोसान गिताचे बोल, स्क्रिप्ट बरोवपाक आदार केल्लो तशेंच ह्या नाटकाचें दिग्दर्शन केलां. त्या भायर ताणें पास्कांत तियात्र बरयला जाचे नांव ‘भावार्थाचें पोयण’.
सांत क्रूज गांवचो हो पयलो तियात्रिस्त जाणे 50 वयर तियात्र बरयल्यात आनी 300 वयर कांतारां बरयल्यात. तांची खुबश्या कांतोरिस्तानी गायल्यात. त्या भायर ताणे आपल्या गांवांत 6 जमनीवेले खेल बरयल्यात, दिग्दर्शन केल्यात तशेंच गांवांत प्रस्तूत केल्यात.
पुरस्कार
[बदल]कला आनी संस्कृतीक खातें गोंय सरकारान पिटर बारबोसाचे योगदानाची दखल घेतल्. आनी कला गौरव पुस्कार दिवन 2007 वर्सा ताचो भोवमान केलो.