प्रकाश पाडगांवकर

प्रकाश पाडगांवकर हे एक गोंयचे नामनेचो कवी.

साहित्यीक वळख

प्रकाश दा. पाडगांवकर हें गोंयचे नामनेचे कवी. कोंकणी कवितेंक तांचे खूब मोलादीक योगदान आसा. ताणी आपल्या कवितांचे काव्य संग्रालय रचिल्लें आसा. ते अखंडीतपणान आनी निश्ठेन काव्य साधना करीत आसा.

साहित्यीक वावर

प्रकाश दा. पाडगांवकर हाणीं आपल्या कवितांचे 8 काव्य संग्रह रचल्यात, ते म्हणल्यार : उजवाडाचीं पांवलां (1976) वास्कोयन (1977), हांव मनीस अश्र्वत्थामो (1985), कविता : काळ रेल्वेचो, मन-हारशांचो, पावस-पाणयाचो (1993), सर्ग घडपाक धर्तरेचो (1994), व्हांवती न्हंय काळाची (2003), ब्रह्मांड-योगी चिरंतनाचो (2007), पुनरार्थोपनिशद (2014).

उजवाडाचीं पांवलां ह्या झेल्यांत अनंततायेचे मान आशिल्ल्या कवितानीं सैमाचें आनी जिणेचें –हस्य उजवाड-काळकाच्या प्रतिकानी उक्ते केलां. वास्कोयन ह्या झेल्यांत उध्ध्योगिकरणाच्या तेंगशेर पाविल्ले वास्को हे गोंयचे प्रतिनीधीक शार, हाची कशी दशा जाला आनी गोंय कशे नागडें-उगडें-पोजडें आसतले हे दाखयला. हांव मनीस अश्र्वत्थामो ह्या कवीता झेल्यान आयचो मनीस कसो म्हाभारतातल्या अश्वत्थाम्यावरी कसलो ना कसलो घाय घेवन जियेता हे दाखयला. व्हांवती न्हंय काळाची ह्या झेल्यान मुखेल प्रवाहांची सारांशरुपान वळख करून घेतल्या उपरांत तांगेल्या चिंतनाची दिका कळटा ब्रह्मांड-योगी चिरंतनाचो ह्या झेल्यान जवळ सगळ्या कवितांनी आमकां दिव्यतायेचे दर्शन घडटा ते दिसता.

हेर भशीक वावर

प्रकाश दा. पाडगांवकर हाणी मराठीतूंय काव्य-लिखाण केलां. तांच्या कोंकणी कवितांचे अणकार, इंग्लीश आनी हेर भारतीय भाशांच्या नेमाळ्यानी उजवाडा आयल्यात. कोंकणी पाठ्यपुस्तकांनी ताच्या कवितांचो आस्पाव जाला. धर्मवीर भारती आनी प्रकाश पाडगांवकर हांच्या काव्याचो तुळात्मक अभ्यास करून डॉ. चंद्रलेखा डिसौझा हिणें गोंय विद्यापिठाची डॉक्टरेट पदवी मेऴयल्या.

पुरस्कार

साहित्य आकादेमी पुरस्कार 1986 - हांव मनीस अश्र्वत्थामो. Dr. TMA Pai foundation पुरस्कार 2005 -व्हांवती न्हंय काळाची. कला आकादेमी पुरस्कार - दोन फावटी -वास्कोयन आनीहांव मनीस अश्र्वत्थामो. हें सगळे पुरस्कार तांका फावो जाले.