फ्रांसीस झेवयर मेंडीस

फ्रांसीस झेवयर मेंडीसाचो हो एक तियात्रीस्त.

जल्म

फ्रांसीस झेवयर मेंडीसाचो जल्म 16 मे 1950 ह्या वर्सा जालो. ताका कोंकणी माचयेर लोक झेवियर म्हण वळखतात.

शिक्षण

स्वताचो त्रियो घडयल्या उपरांत, शिंकोप हें तांचे पयलें बरयल्लें कांतार जावन आसले. तांच्या सुमार 100 वयर कांतारा बरयल्यात आनी गायल्यात जातूंत झेवियराक संगीत मांडूंक चड आवडटाले.

‘मांड्डोना’, ‘कॅबरेट’, ‘कसायवाला’, ‘लिखर आंटी’, ‘खापुर्लें’, ‘इजडो’, ‘आमची माय’ हीं कांतांरां मेंडीस त्रियोचीं कांय फामाद कांतारां. झेवियर दुसऱ्याची नक्कल करूंक उत्तम आसलो जाची लोकांनी खूब तोखणाय केली. ट्रपेट हें वाद्या नासतना फक्त तोंडांत ट्रपेटाचो आवाज काडपाक तो शकतालो तशेंच चलयांच्या आवाजाची नक्कल करतालो.

कांय तेंपान, ताच्या भयणीन तेरेझान क्रिस पेरीचो तियात्र ‘नोवरो म्होजो देंवचार’ हातूंत ‘घेवून नाचोता’ हें कांतांर म्हणपाक सांगांत दिलो.

वावर

ह्या घडणेन, आरोसीच्या नखेत्रान झेवियराक 1956 वर्सा ‘कुणबी आंतोन’ ह्या तियात्रांत भुरग्याचो भाग दिलो. लोकांक ताच्या अभिनयाची तोखणाय दिसली. त्याच तियात्रांत ताणें ‘रॉक ऍड रोल’ हे गीत एका चेडवा वांगडा नाचून गायलें जें खूब फामाद जालें. ह्या तियात्राचे आनीक खूब शॉ जावपाचे आसले पूण ताच्या बापायन ताका बंद केलो कारण तो आजून स्कुलांत आसलो.

ताच्या बापायच्या मरण उपरांत कांय तेपान, सर्गेस्त मी. सी आल्वारीसान ‘फामिलीची सोवोस्काय’ हो तियात्र दिग्दर्शन करूंक आदार दिलो. हो तियात्र ताच्या सर्गेस्त बापायन ऍथंनी मेंडीसान बरयल्लो. ह्या तियात्रांत ताणें आपल्या बापायचो कॉमिडीयनाचो भाग घेतिल्लो.

उपरांत, झेवियराचो भाव, डेरीकान झेवियराक ‘रॉक ऍड रोल’ हो दुयो गावंक सांगांत दिलो जें खूब फामाद आनी लोकप्रीय जालें. कांय तेंपान, व्हडलो भाव फेलीक्स आयलो आनी तांच्यानी मेंडीस ब्रो नांवांचो त्रियो सुरू केलो.

कॉमिडी अभिनय

झेवियराचे चडशे अभिनय कॉमिडी आसले. पूण ताका आपूण अभिनय केल्ल्या तियात्रांची नांवां तितली याद नात. प्रेम कुमाराचो तियात्र ‘फुलां आनी कांटे’ हातूंत ताणे लेजात मनशाचो अभिनय केल्लो जाका बेस्ट सपोर्टींग एक्टर म्हण पुरस्कार फावो जाल्लो; जो रोजाचो – एकूच रोगोत, एम. जे द लिमाचो सोर्वोडार, रिको रोडाचो झोगझोगता तें भांगार न्हय, बाब पिटराचो कोण न्हंय कोणाचो, आरीस्तेदाचो डिवोर्स, रोबीज वाजाचो डॉमनीक सावयो. ताणे सी आल्वारीसाच्या तियात्रांत लेगीत काम केला पूण ताका याद तियात्रांची नांवां याद नात.

झेवियर आपल्याक दिल्ल्या देण्याखातीर देवाक दिनवासता कारण आपल्या देणी कोंकणी माचयेर ताका वापरूंक मेळ्ळी आनी आपले आवय भाशेची सेवा करूंक मेळ्ळे.