बॅ.नाथ पै

विकिपीडिया कडल्यान


जल्म[बदल]

नाथ पै हांचो जल्म 25 सप्टेंबर 1294 दिसा वेंगुर्ल्यां जालो. नामनेचो सुटकेझुजारी आनी संसद सदस्य. ताचो बापूय भुरगेपणांत भायर पडलो. आवय तापी आनी व्हडलो भाव अनंत हांच्या संस्कारांचोच नाथाचे व्यक्तीमत्वाचे घडणेंत व्हड वाटो आशिल्लो.

शिक्षण[बदल]

वेंगुर्ल्यांत ताचे मुळावें शिकप जालें. बेळगांवच्या लिंगराज कॉलेजींतल्यान अर्थशास्त्र घेवन तो बिए (1947) जालो. उपरांत लंडनच्या लिंकन्स ईनांतल्यान बार एट लॉ (1955) मेरेन ताणें शिकप केलें. संस्कृत, मराठी, इंग्लीश ह्या भाशांचेर ताणें भुरगेपणांतूच प्रभुत्व मेळयलें. विल्यम शेक्सपियर, पर्सी शॅली, जॅर्ज बायरन हांच्या साहित्याचो तशेंच विदग्ध संस्कृत वाड्मयाचो अभ्यास ताणें केल्लो.

लग्न[बदल]

1960त तो क्रिस्टल मिशॅल हे ऑस्ट्रलियी चलये कडेन लग्न जालो.

वांटो[बदल]

म्हाविध्यालयांत आसतनाच ताणें स्वातंत्र्य चळवळींत वांटो घेवपाक सुरवात केली. भूंयगत चळवळिंतूय ताचो वांटो आसलो. टपाल कचेऱ्यो आनी पुलीस चौकेर हल्लो केलो म्हणून जायते खेपे ताचेर खटलो भरलो. 1946च्या मुळाव्या शिकोवप्याच्या संपांत तशेंच गोंय मुक्ति आंदोलनांत ताणें वांटो घेतलो. तो बेळगांवां ‘राष्ट्रीय सेवा दल’ ही संघटणा चलयतालो. सोशलिस्ट यूथ इंटरनॅशनलाचो तो स वर्सां अध्यक्ष आसलो. ताणें 6 आनी 7 मे 1955 दिसा आझाद गोमंतक दलाची गुपीत बसका, बेळगांवा लागीं कानबर्गींत घेवपाक मार्गदर्शन केलें.15 ऑगस्टा दिसा गोंयात भितर सरपी सत्याग्रह्यांक मार्गदर्शन करपाक बाकीच्या मुखेल्यां वांगडा तो सावंतवाडी शिमेर येवन रावलो.1957 ते 1971 ह्या काळांत तो प्रजासमाजवादी पक्षाचो खासदार म्हणून लोकसभेंत गेलो. गोंयाक बेगीन स्वतंत्रताय मेळची म्हणून तो आपल्या उलोवपांतल्यान संसदेंत तशेंच भायरूय लोकां मदीं गोंयची बाजू मांडटालो. ओपिनियन पोला वेळार ताणें महाराष्ट्रा वतीन भाशणां केल्लीं.

मरण[बदल]

17 जानेवारी 1971त हुतात्म्यांक आर्गां ओंपपाक बेळगांवां गेल्ले कडेन सभेंत भाशण जातकच काळजाचो आताक आयलो.19 जानेवारी 1971 ह्या दिसा खबरा पत्रातल्यान लोका बॅ. नाथ पै हाका अचकीत मरण आयलें हाची खबर पावली.

संदर्भ[बदल]

[1]

  1. भांगरभूंय. दिसाळें, 25 Sept,2017.
"https://gom.wikipedia.org/w/index.php?title=बॅ.नाथ_पै&oldid=201741" चे कडल्यान परतून मेळयलें