भगिनी निवेदिता

भगिनी निवेदिता भारतीय संस्कृतायेची एक पुरस्कर्ती.

जल्म

भगिनी निवेदिता हांचो जल्म 28 ऑक्टोबर 1867 ह्या दिसा आयर्लडांतल्या उनर्गननांत जालो. भारतीय संस्कृतायेची एक पुरस्कर्ती. मूळ नांव मागरिट नोबल. तिचे आवयचें नांव इझाबँल.तिचो बापूय क्रिस्तांव धर्मोपदेशक.

वावराची सुरवात

22 ऑक्टोबर 1895 दिसा तिची विवेकानंदा कडेन भेट जाली. स्वामीजींच्या व्यक्तिमत्वान ती प्रभावीत जाली. विवेकानंदाचे सांगणे प्रमाण ताच्या कार्यांत पालव दिवपा खातीर 28 जानेवारी दिसा भारतांत आयली. रामकृष्ण परमहंसाची घरकान्न शारदामाता हिचे कडल्यान तिणें हिंदू धर्माचे संस्कार आत्मसात करून वागणुकेन थंयच्यान कर्मठ लोकांक आपलेशे करून घेतले. 11 मार्च 1898 दिसा कलकत्याच्या स्टार रंगमंदिरांत घडोवन हाडल्ले सभेंत धर्मशिक्षण आनी हिंदुस्थानाची सेवा हें आपलें उद्दश्ट आशिल्लयान तिणें सांगले. 25 मार्च 1898 दिसा तिणें स्वामी विवेकानंदा कडल्यान ब्रहाचारिणी व्रताची विधीपुर्वक दिक्षा घेतली. विवेकानंदान तिका निवेदिता अशें नांव दवरलें. स्वामीजी वांगडा भोंवडी करतकूच हिंदू लोक आनी 12 नोव्हेंबर दिसा तिणें कलकत्यांतल्यान बाग बाजारांत एका बालिका विह्यालयाची स्थापणूक करुन राष्ट्रीय शिक्षण कार्याक सुरवात केली. फेब्रुवारी 1899त कलकत्यांत आयिल्ले प्लेगाचे धामीत तिणें सेवाकार्य केलें. त्याच वर्सा ती अमेरिकेक गेली आनी तिणें थंय रामकृष्ण सहाय्य संस्था स्थापन केली. पँरीस आनी लंडनांतल्यान प्रवासा उपरांत 1902त ती भारतांत परत आयली. त्याच वर्सा विवेकानंदान समाधी घेतली. त्याच वर्सा निवेदितान राष्ट्रीय स्वातंत्र्य आंदोलनाची वावर सुरू केली. 1902 ते 1904 ह्या काळांत पुराय भारतांत प्रचार भोंवडी करून लोकां मदीं जागृताय केली.

मरण

13 ओक्टोबर 1911 दिसा दार्जिलिंगांत तांकां मरण आयलें.