मराठे, पुना जागा

(जल्मः 20 जून 1919, अमळनेर, महाराष्ट्र). सुटकेझुजारी. 1935 – 1944 ह्या काळांत तो ‘इंडियन नॅशनल काँग्रेस’ संघटनेचो वांगडी आशिल्लो. 1945-1988 ह्या काळांत तो भारतीय कम्युनिस्ट पार्टीचो वांगडी आशिल्लो. 1942 तल्या ‘छोडो भारत’ आंदोलनांत ताणें वांटो घेतिल्लो. 18 मे 1955 ह्या दिसा 21 सत्याग्रहींचो पंगड घेवन अस्नोडा मार्गान दिवनल गेलो आनी थंय ताणें सत्याग्रह केल्लो. थंय पुर्तुगेज पोलिसांकडल्यान ताका खूब मार पडलो. 1957- 61 ह्या काळांत तो अमळनेर नगरपालिकेचो वांगडी आशिल्लो. 27 नोव्हेंबर 1987 ह्या दिसा महाराष्ट्र सरकारान सन्मानपत्र दिवन ताचो भोवमान केलो.