मार्सेलिना डिकोस्ता

मार्सेलिना डिकोस्ता हो एक तियात्र कलाकर.

मार्सेलिना डिकोस्ता हिका खेळ-तियात्र/ तियात्र मळार सेलिना ह्या नांवान सगळे खेळ-तियात्र आनी तियात्र मोगी वळखतात.

जल्म

३० नव्हेंबर १९४२ ह्या वर्सा कानानग्विनी गांवांत तिचो जल्म जालो. तिच्या आवयचें नांव बेनेदीक्ता सिल्वा इ फेर्नांडीस आनी बापायचें नांव रोझेन्डो फ्रांन्सीस फेर्नांडीस.

वावर

२६ वर्साचे पिरायेची आसताना नानवस्ते खेळ/ खेळ तियात्र बरोवपी आनी दिगदर्स्पी विटोरिनो परेरा हाणी तिचे कलेची आनी गावपाची हुशारकाय वळखली आनी खेळ -तियात्र माचीयेर येवपाक तिका संदी दिली. त्या उपरांत ती आईसीडर डिकोस्ता हाचें लागीं लग्न जाली आनी तिच्या घरकारानूय तिका आपली कला आनी गितां माचीयेर दाखोवपाक कसलींच आडखळ हाडली ना, आनी आपलो सगळो आदार दिलो.

आयज मेरेन सेलिना बायेन सुमार ७५ खेळ-तियात्रांनी भाग घेतलां तातूंतले कांय तियात्र / खेळ तियात्र अशें जावन आसा: पॅटरीक डोवराडो ताचें ‘सुकणें’ आनी ‘मिरा’ लिगोर्यो फेर्नांडीस हांचे ‘जुलिय्स सॅसार’,‘जेजू वाट सत आनी जिवीत’, ए.एम. पाचेको हाचो ‘फातर’. तियात्र पालका वयले कांय नांनवस्ते तियात्र आर्टीस्टे जशे एम.बॉयर, रोजफन्स, प्रिन्स जेकब, क्रिस्टोफर,आदी हाच्या वांगडां वावर करपाची संदी तिका फावो जाल्या. एक तियात्र आर्टीस्टे म्हणून तिणें आपली कला मंबई, पूणे, कारवार, होनवार, कुंमटा, आनकोला, आदीं ह्या गांवांनी जायते खेळ-तियात्रांनी दाखोवन नामना जोडल्या.

पुरस्कार

तियात्र आनी खेळ-तियात्र मळार केल्ल्या तिच्या वावरा खातीर काला अकादेमी गोवा हिणें २००५ वर्सा,तियात्र दीस संभारंणे निमतान तिका लाय्फटइम कॉन्टरिब्युशन हो कला अकादेमीचो पुरस्कार तिका भेटोवन तिचो सतकार केला. तियात्र अकादेमी गोवा हिणें तिचो खेळ-तियात्र मळार केल्लो वावर मानून घेतला आनी ‘ लाय्फटाईम कॉन्टरीब्युशन टू खेळ / खेळ तियात्र २०१२ ‘ हो पुरस्कार भेटवन तिजो भोवमान केला.