लता मंगेशकार

विकिपीडिया कडल्यान
Jump to navigation Jump to search

लता मंगेशकार हाचो जल्म 28 सप्टेंबर 1929 ह्या दिसा  इंदूर हागास जालो.


शिक्षण[बदल]

मराठी रंगमाचये वयलो नामनेचो गोयकार गायक-नट मास्टर दिनानाथ आनी माई (शेवंची) मंगेशकार हाची व्हडली धूव .बापाय कडल्यानच तिका गायन कलेचो वारसो आनी मार्गदर्शन मेळ्ळें. उस्ताद अमान अली खाँ (भेंडीबाजारवाले), उस्ताद बडे गुलाम अली खाँ  आनी देवासच्या राजबअली घराण्याचो अमानतखाँ हे तिचे शास्त्रीय संगितातले मुखेल गुरु. नामनेच्या संगितकारांची वेगवेगळे तरेचीं सुमार 1,800 वयर चित्रपटांतलीं सुमार 22 भाशेंतलीं 25 ते 30 हजारां वरसा पदां लतान गायल्यांत

. भुरगेपणांत तिणें बलवंत संगीत नाटक मंडळीत ल्हान ल्हान भुमिका केल्यों. भावबंधन ह्या नाटकातल्यान कुसुमाचे मामिकेंत ‘लडकी असेच थोर ‘ह्या पदान तिची वळख नाटयसिकांक जाली. नवयुग आनी प्रफुल्ल ह्या मराठी चित्रसंस्थांच्या बोलपटांत तिणें अशोच ल्हान ल्हान भुमिका केल्ल्यो. पहिली मंगळागौर हो तिचो पयलो चित्रपट.

हातूंत तिणें मनूची भुमिका केल्ली. किती हसाल (1942)ह्या वसंत जोगळेकराच्या चित्रपटांतलें सगाशीव नार्वे कर हांणी संगीतबध्द केल्ले नाचू या गडे खेळू सारी हें तिचें पयलें स्वतंत्र ध्वनीमुद्रीत मराठी गीत. पूण प्रत्यक्षांत ह्या गिताचो आसपाव चित्रपटांतलें दादा चांदेकर हांणी संगीतबध्द केल्ले नटली चैत्राची नवलाई तिचें पयलें प्रदर्शीत पाशर्वगीत लता मंगेशकर हांणी गायिल्लें पयलें हिंदी गीत एक लराठी चित्रपटा खातीर आसालें. चित्रपट आसलो गजाभाऊ (1943) आनी गीत आसलें माता एक सपूत कि दुनिया बदल दे तू. लता मंगेशकार हांणी हिंदी चित्रपटा खातीर गायिल्लें पयले गीत आसलें, पा लागूं कर जोरी, जें दत्ता डावजेकर हाणी संगीतबध्द केल्लें आनी चित्रपट आसलो वसंत जोगळेकराचो आप की सेवा मे (1946) मास्टर दीनानाथ मंगेशकार भायर पडले उपरांत ह्या सगल्या भावंडांक आदार दिवपी सनीस आशिल्लो मास्टर विनायक .

1948 ह्या वर्सा मास्टर विनायकूय भायर पडले. तेन्ना गुलाम हैदर हांणी लताक आदार दिलो. गुलाम हैदर लता मंगेशकराक घेवन त्यावेळा वयलें व्हड प्रस्थ शशीधर मुखर्जी हांचे लागीं गेलो. मुखर्जी तेन्ना शहीद या चित्रपटाचे काम पळयतालो. लताचो आवाज पातळ आसा अशें सांगून लताक संद दिंवक ना गुलाम हैदरान शशीधर मुखर्जीक सागले, आयज तूं ना म्हणटां पूण येता त्या वर्सानी तुमी सगले निर्माते आनी दिग्दर्शक आपल्या चित्रपटांत पदां म्हणपा लताच्या पांयां पडटलें. गुलाम हैदराची उतरां अक्षरशा खरीं जालीं. गुलाम हैदरानूच संगीत दिल्ल्या आनी नजीम पानिपती हांणी बरयिल्ल्या दिल मेरा तोडा, मुझे कहीं का न धोडा, (मजबुर,1949) एक गीतान लता मंगेशकार म्हणल्यार किदें हे आख्ख्या जगाच्या लक्षांत आयलें आनी आयजमेरेन हें नांव संगीताच्या मळार , आयकुप्याच्या मनांत आदराच्या स्थानार आसा. 

"https://gom.wikipedia.org/w/index.php?title=लता_मंगेशकार&oldid=176355" चे कडल्यान परतून मेळयलें